¸ÐáíѳÝÝ»ë §²å»ñ¦ гñáõÃÛáõÝÛ³ÝÁ (ϳåáõÛï í»ñݳ߳åÇÏáí) ¹³ï³ñ³ÝÇ ¹³ÑÉÇ×áõÙ:

Լրագրող Տիգրան Նաղդալյանի սպանության գործով դատական նիստը երեքշաբթի վերսկսվեց «Ապեր» մականունով Հովհաննես Հարությունյանի ցուցմունքների ակնկալիքով: Հարությունյանը կապող օղակ է սպանությունը կատարողների և պատվիրատուի միջև: Հարությունյանը նաև սպանությունը պատվիրելու մեջ մեղադրվող Արմեն Սարգսյանի ազգականն է:

Սակայն մինչ լեփ-լեցուն ու լարված դահլիճը սպասում էր ցուցմունքներին, ոստիկանի ուղեկցությամբ դատարանի դահլիճ մտավ մի կին, որը մոտեցավ դատավոր Սարիբեկ Արամյանին և պահանջեց, որ իրեն լսեն:

Պարզվեց, որ նա ամբաստանյալ Հարությունյանի կինը և գործով վկա ¶այանե Մելքոնյանն է (օրենքը թույլ չի տալիս դատակոչված վկային դահլիճ մտնել, քանի դեռ նա ցուցմունք չի տվել: Սակայն մեղադրող Զելիմ Թադևոսյանն առանց նախազգուշացման ներս էր բերել Մելքոնյանին):

Կինը դատավորին մի գրություն հանձնեց և ասաց որ այն իրեն գրել է Հարությունյանը վեց ամիս առաջ, երբ թաքնվում էր իրավապահ մարմիններից:

«Վեց ամիս լռել եմ, բայց այլևս չեմ լռելու: ¶իտեմ, Ապերը դեմ է, բայց պիտի խոսեմ», - ասաց Մելքոնյանը: Նա հայտարարեց նաև, որ սպառնալիքներ ու անանուն հեռախոսազանգեր է ստանում, հոգնել է և ուզում է ցուցմունք տալ անմիջապես:

Դատավոր Արամյանը պատասխանեց, որ սպառնալիքների հարցով պետք է դիմի իրավապահ մարմիններին, սակայն կինը պահանջում էր իրեն արտահերթ հարցաքննել:

Մեղադրողներն ու պաշտպաններից երկուսը խորհրդակցեցին և որոշեցին վկային ցուցմունք տալու հնարավորություն տալ: Մյուս երեք պաշտպանները դեմ էին: Կնոջը հարցաքննելուն դեմ էր նաև ամուսինը՝ ամբաստանյալ Հարությունյանը: Նա փորձ արեց առարկել, սակայն դատավորը սաստեց նրան: Իր առարկությունների մերժումից հետո Հարությունյանն արտասվեց:

Դատարանը բավարարեց մեղադրող Թադևոսյանի միջնորդությունը՝ նախ դատարանի դահլիճ բերել ամբաստանյալ Արմեն Սարգսյանին (Սարգսյանը 1999 թ. հոկտեմբերի 27-ին խորհրդարանում սպանված վարչապետ Վազգեն Սարգսյանի եղբայրն է և մեղադրվում է սպանությունը 75000 դոլարով պատվիրելու մեջ)՝ նրա կարծիքը հարցնելու համար, ապա ցուցմունք տալու հնարավորություն ընձեռել վկա Մելքոնյանին:

Սարգսյանի պաշտպանի հետ խորհրդակցելուց հետո Մելքոնյանին թույլ տվեցին ցուցմունք տալ:

«Ես որպես հայ կին պարտավոր եմ պաշտպանել իմ ամուսնուն, - այսպես սկսեց իր ցուցմունքը տիկին Մելքոնյանը: - Ապերն ինձ ասել է` ես կապ չունեմ Նաղդալյանի սպանության հետ, Արմենից իմացիր, ես ինչ պիտի անեմ»:

Այս լուրը Հարությունյանը կնոջն ուղարկել է թաքստոցից, իսկ դատարանում հրապարակված երկտողում գրված էր.

«Եթե այսպես գնա, ինձ են ուզում, որ ես լինեմ զակազչիկ, անպայման ¶րետի (Սարգսյանների մայրը) հետ խոսեք, հո փափուկ բարձ չի դնում գլխիս տակ: ¶րետին ասեք, որ երկար չեմ կարող մնալ (թաքստոցում): ¶րիգորին (ամբաստանյալ ¶րիգոր Պետրոսյան) փոխանցեք, թող ասի՝ ոչ մի բանից տեղյակ չի: Իմ տեղը դաժե արարատցիներին չասեք»:

Այս գրությունից կինը եզրակացրել է, որ պատվիրատուն Արմեն Սարգսյանն է: Ըստ նրա տանից դուրս գալուց առաջ ամուսինն ասել է, որ Արմեն Սարգսյանի պատճառով ինքը խառնված է Նաղդալյանի սպանության գործին. «Արմենի կեղտերն եմ քաշում»:

Վկան պատմեց, որ երկու անգամ Արարատ է գնացել, հանդիպել է ¶րետա Սարգսյանին, խնդրել, որ փաստաբան վարձեն ամուսնու համար: Եռաբլուր (այստեղ թաղված է սպանված վարչապետ Վազգեն Սարգսյանը) այցելության ժամանակ դիմել է նաև Արամ Սարգսյանին (մյուս եղբայրը և նախկին նախագահական թեկնածուն), բայց ապարդյուն. օգնություն չի ստացել:

Ըստ վկայի այդ ընթացքում իրենց տուն են եկել րետա Սարգսյանն ու նրանց հարազատները և փոխանցել են Արմեն Սարգսյանի ասածը. «Արմենն ասում է, թող աշխատի չբռնվի, եթե բռնվի, թող վերցնի իր վրա»:

¶այանե Մելքոնյանը պնդեց նաև իր նախաքննական ցուցմունքները, ապա պատասխանեց դատավարության մասնակիցների, այդ թվում Արմեն Սարգսյանի, հարցերին:

Սարգսյանը հարցրեց Մելքոնյանին. - «Ինչո՞ւ մարտի 5-ին Եռաբլուրում ինձ չմոտեցար ու չասացիր, որ Ապերն ասում է. «Արմենի կեղտերն եմ քաշում», այլ՝ Արամին մոտեցար»:

Մելքոնյանը պատասխանեց. - «Ես խուսափեցի մոտենալ քեզ, որ չվնասեմ»:

Երբ Հարությունյանը վերջապես չորեքշաբթի օրը ցուցմունք տալու հնարավորություն ստացավ, նա հրաժարվեց խոսելուց (թեև մինչև իր կնոջ հայտարարությունը պատրաստակամություն էր հայտնել ցուցմունք տալու):

«Իմ նախաքննական ցուցմունքները հիմք ընդունեք: Հարցերին էլ չեմ պատասխանելու», - հայտարարեց նա դատարանում:

Մարտի 21-ին տեղի ունեցած Հարությունյանի հարցաքննության տեսաձայնագրության մեջ վերջինս հայտնել է քննիչին, որ (ամբաստանյալ) ¶եղամ Շահբազյանից է իմացել «ինչ-որ հեռուստատեսության աշխատողի» սպանելու մտադրության մասին:

Ըստ Հարությունյանի ցուցմունքների նա Արմեն Սարգսյանի մոտ գումարի համար գնացել է 3 անգամ և ընդհանուր առմամբ նրանից ստացել է 60 հազար դոլար, որից 44 հազարն է տվել ¶եղամին: Մնացած գումարը պահել է, քանի որ Շահբազյանը պարտք է եղել իրեն:

Տեսաձայնագրության մեջ ամբողջ հարցաքննության ընթացքում ամբաստանյալ Հարությունյանն իրեն բավականին անկաշկանդ է զգում, ծխում է, նրան սուրճ են առաջարկում:

Քննիչ - Ու՞մ մտահղացումն էր Տիգրան Նաղդալյանի սպանությունը:

Հարությունյան - Սկզբում՝ Լյովայի (Հարությունյան), հետո՝ Արմենի:

Քննիչ - Դու նպատակ ունեցե՞լ ես Նաղդալյանին սպանելու:

Հարությունյան - Նրան չեմ ճանաչել, նպատակ էլ չեմ ունեցել երբեք: Ինձ ընդհանրապես գումարն էլ չի հետաքրքրել, միայն բարեկամական զգացմունքներից ելնելով եմ դրան մասնակցել: Այսքան տարիներ ես գումարի հարցով իրենց չեմ դիմել:

Քննիչ - Դու քեզ ի՞նչ չափի մեղք ես վերագրում, ի՞նչ դեր ես ունեցել:

Հարությունյան - Իմ դերը դուք ինձանից լավ գիտեք: Դուրս է գալիս՝ միջնորդել եմ, փող ա, տարել եմ, բերել եմ, տվել եմ:

Քննիչ - Իսկ Արմեն Սարգսյանը չասա՞ց, թե ինչու է ուզում սպանել:

Հարությունյան - Ոչ մի խոսակցություն չի եղել (հրապարակված մեկ այլ ցուցմունքում Հարությունյանն ասել էր, թե եղամն է իրեն ասել, որ Նաղդալյանի մատը խառն է 27-ի գործին):

Քննիչ - Մարդ էր սպանվելու, Ձեզ չէ՞ր հետաքրքրում, թե ինչու:

Հարությունյան - Դե, չգիտեմ, իրենք արդեն պայմանավորվել էին, ես ի՞նչ...

Երբ դատավարությունը վերսկսվի երեքշաբթի օրը, Արմեն Սարգսյանը հնարավորություն կստանա հարցեր տալու իրեն մեղադրող ամբաստանյալներին, որից հետո ինքը ցուցմունք կտա: