¶³Û³Ý» ØáõùáÛ³ÝÁª §úñ¦ ûñÃÇ ËÙµ³·ÇñÁ, ÑÇí³Ý¹³Ýáó ¿ ï³ñí»É ç³ñ¹í³Í ùÃáí ¢ ³ãùÇ Ñ»Ù³ïáÙ³Ûáí:

Սեպտեմբերի 27-ին գործված սև գլխարկներ հագած անհայտ անձինք կանգնեցրել են այն մեքենան, որի մեջ է գտնվել երևանյան «Օր» թերթի խմբագիրը, և դաժան ծեծի են ենթարկել նրան:

30-ամյա ¶այանե Մուքոյանը դուրս է գրվել Երևանի թիվ 2 հիվանդանոցից, ուր տարվել էր ջարդված քթի և աչքի հեմատոմայի պատճառով:

Անցյալ շաբաթ օրը, կեսգիշերից քիչ անց Մուքոյանն ամուսնու՝ «Օր» թերթի տնօրեն Ռաֆայել Հովակիմյանի հետ տուն վերադառնալիս է եղել, երբ մայրաքաղաքի Նոր Նորք թաղամասում նրանց «Ժիգուլի» մակնիշի ավտոմեքենայի ճանապարհը փակել է առանց համարանիշների, սպիտակ գույնի մի «Նիվա»:

Չորս հոգի Մուքոյանին և նրա ամուսնուն դուրս են քաշել մեքենայից: Երկու հոգի հարվածել են Հովակիմյանի գլխին և ստիպել են, որ նորից մտնի մեքենա, իսկ մյուս երկուսը սկսել են ծեծել Մուքոյանին, մինչև նա կորցրել է գիտակցությունը:

Տուժածներին հիվանդանոց են հասցրել ժամը 1:20-ի մոտ: Հերթապահ բժիշկ Սոս Շահինյանն ասաց, որ նրանք երկուսն էլ ուղեղի ցնցում են ստացել, իսկ Մուքոյանը նաև քթի վիրահատության է ենթարկվել:

Ոստիկանությունը հետաքննում է միջադեպը, սակայն առայժմ ոչ ոք չի կալանվել:

Մուքոյանի կարծիքով հարձակումն անմիջականորեն կապված է իր թերթում հրապարակված վերջին հոդվածների հետ և «թերթում սուր քննադատության ենթարկված մարդկանց» վրեժն է:

Մի քանի շաբաթ առաջ «Օրը» լրագրողական հետաքննություն է սկսել և հոդվածներ է տպագրել՝ մեղադրելով մի շարք գործարարների հացի վերջին թանկացումների (ըստ թերթի՝ արհեստական) համար պատասխանատու լինելու մեջ:

«Ես վստահ եմ, որ այդ հոդվածները շատ մարդկանց դուրը չեն եկել», - ասաց Մուքոյանը:

Շաբաթական երեք անգամ լույս տեսնող լրագիրը սկսել է հրատարակվել մոտ 18 ամիս առաջ և լրատվական շրջանակներում բուլվարային ու սկանդալային թերթի համբավ է վայելում:

Անցյալ տարի Հայաստանի լրագրողների համայնքը խստորեն դատապարտեց Մուքոյանին, երբ նրա թերթը հոդված տպագրեց «Առավոտ» թերթի խմբագիր Արամ Աբրահամյանի մասին՝ ուղեկցելով դրանք պոռնիկի հետ լուսանկարներով:

Լրագրողները մեղադրեցին Մուքոյանին այն բանում, որ նա որոշակի գումարի դիմաց է հրապարակել այդ լուսանկարները, որոնք արվել են թաքնված խցիկով: Իսկ խցիկը, ինչպես ենթադրում են, տեղադրել են Աբրահամյանի հակառակորդները, որոնք ցանկացել են շանտաժի ենթարկել բացախոս լրագրողին:

Այդ միջադեպի կապակցությամբ Երևանի լրագրողները բոյկոտի ենթարկեցին Մուքոյանին ու նրան թերթը և վտարեցին նրան Մամուլի ազգային ակումբից ու Հետաքննող լրագրողների ընկերակցությունից:

Խմբագիրը մերժում է ենթադրություններն այն մասին, որ հարձակումը կարող էր անձնական պատճառներ ունենալ: Նրա նախկին ամուսինը ներկայումս պատիժ է կրում սպանության համար:

«Հարձակումը լավ կազմակերպված էր: Չեմ կարծում, որ իմ նախկին ամուսինն ի վիճակի էր պրոֆեսիոնալներ վարձել ինձ ծեծի ենթարկելու համար: Հարձակվողների նպատակն ինձ վախեցնելն էր: Դա վրեժ չէր իմ անձնական կյանքի համար», - ասաց Մուքոյանը:

§Ð³ñÓ³ÏáõÙÝ ³ÝÙÇç³Ï³Ýáñ»Ý ϳåí³Í ¿ ûñÃáõÙ Ññ³å³ñ³Ïí³Í í»ñçÇÝ Ñá¹í³ÍÝ»ñÇ Ñ»ï...¦, - ³ëáõÙ ¿ ØáõùáÛ³ÝÁ:

Որոշ տեղական լրատվամիջոցներ կարծիք են հայտնում, որ Մուքոյանին ծեծի են ենթարկել, որովհետև նրա թերթը նախկինում գումարներ է վերցրել քաղաքական գործիչներից և խոշոր գործարարներից անցանկալի հոդվածներ չտպագրելու համար, սակայն երբ այս անգամ թերթը չի համաձայնել առաջարկված գործարքին, որոշ գործարարներ որոշել են պատժել խմբագրին:

Մուքոյանն ասում է, որ իր թերթը, որը ամենաէժանն է Հայաստանում (մոտ 9 սենթ), ßáõñç 2500 ïå³ù³Ý³Ï áõÝÇ:

Ի տարբերություն հայաստանյան մյուս լրատվամիջոցների, «Օրը» ո՛չ իշխանամետ է, ո՛չ ընդդիմադիր և պարբերաբար քննադատության է ենթարկում երկու կողմերին էլ:

Մուքոյանն իր զարմանքն է արտահայտում, որ որոշ տեղացի լրագրողներ անտարբերություն են ցուցաբերում իր վրա կատարված հարձակման նկատմամբ:

«Որոշ լրատվամիջոցներ և լրատվական կազմակերպություններ գերադասում են անտեսել միջադեպը և վերհիշում են ժամանակին իրենց հայտարարած բոյկոտը: Սակայն Հայաստանում լրագրողն ապահով չէ, և յուրաքանչյուր ոք պետք է մտածի, որ վաղն ինքը կարող է դառնալ ինչ-որ մեկի ատելության թիրախը և հայտնվել իմ վիճակում», - ասաց Մուքոյանը:

Հարձակումները լրագրողների վրա թեև հազվադեպ են Հայաստանում, սակայն բնավ էլ խորթ երևույթ չեն:

Անցյալ հոկտեմբերին հայտնի անկախ լրագրող Մարկ ¶րիգորյանը (որը վերջերս տեղափոխվել է Լոնդոն) լուրջ մարմնական վնասվածքներ էր ստացել, երբ հարձակվողը պայթուցիկ սարք էր նետել նրա ոտքերի տակ: Իրավապահ մարմինները որակեցին այդ միջադեպը որպես կանխամտածված մահափորձ:

Իսկ անցյալ դեկտեմբերին սպանվեց լրագրող Տիգրան Նաղդալյանը: Այդ գործի դատավարությունն այժմ ընթացքի մեջ է: (Սեղմեք այստեղ առնչվող հոդվածը տեսնելու համար:)

Չնայած ընդհանուր բացասական վերաբերմունքին «Օր» թերթի նկատմամբ՝ Հայաստանի լրատվական համայնքը խստորեն դատապարտեց Մուքոյանի վրա կատարված հարձակումը:

«¶ոլոս Արմենիի» թերթը գրում է, որ գրաքննությունը Հայաստանում իրականացվում է ոչ թե օրենքի շրջանակներում (խորհրդարանն առաջին ընթերցմամբ ընդունել է լրատվության մասին նոր օրենքը), այլ այնպիսի մարդկանց միջոցով, ովքեր չեն ընդունում ոչ մի քննադատություն և ապավինում են Լինչի օրենքին:

«Անկախ Հայաստանի ամենախայտառակ ավանդույթներից մեկն այն է, որ խնդիրները լուծվում են ուժի միջոցով», - գրում է թերթը: