35-³ÙÛ³ óïñáÝÇ í»ñ³Ï³éáõóáõÙÁ ³Ý׳ݳã»ÉÇ ¿ ¹³ñÓñ»É ³ÛÝ ³Ý·³Ù Ýñ³Ýó ѳٳñ, áõÙ ù³ç ͳÝáà ¿:

Երևանի մշակութային կյանքը հարստացավ Հրաչյա Ղափլանյանի անվան դրամատիկական թատրոնի վերաբացմամբ:

Երևանի, ¶յումրիի և Վանաձորի 34 մշակութային օջախների հետ Դրամատիկական թատրոնն ընդգրկված էր «Լինսի» հիմնադրամի 17,5 միլիոն դոլարանոց մշակութային ծրագրում: 630 հազար դոլար արժողությամբ վերակառուցումից հետո թատրոնն այսօր ներկայանում է հանդիսատեսին նոր տեսքով:

Բեմից մինչև սանհանգույցներ վերակառուցված 35-ամյա թատրոնը գրեթե անճանաչելի է դարձել նույնիսկ նրանց համար, ում քաջ ծանոթ է:

«Ես շատ ռոմանտիկ չեմ, բայց ուզում եմ ասել, որ սա ֆանտաստիկա է», - ասում է թատրոնի գեղարվեստական ղեկավար և գլխավոր ռեժիսոր Արմեն Խանդիկյանը:

Բարեփոխումների թվում է նոր կաթսայատունը, որը լիովին փոխում է հայաստանյան թատերական ներկայացումների մթնոլորտը, երբ ձմռանը թատրոններում այնքան ցուրտ էր լինում, որ հանդիսականները նստում էին վերարկուներով, իսկ դերասանները տեսնում էին սեփական շունչը:

«Երբ բացեցինք ստացված լուսաձայնային սարքավորումների արկղերը, զարմանքն ու հիացմունքը համակեցին մեզ բոլորիս: 2000 թվականի արտադրանք էր, որի լիարժեք ու ճիշտ օգտագործման համար հրավիրել ենք հատուկ մասնագետներ, որպեսզի սովորեցնեն մեր աշխատողներին», - ասում է Խանդիկյանը (նախկինում թատրոնն աշխատում էր 70-ականներից ժառանգած սարքավորումով):

Նրա հավաստմամբ թատրոնում մի անկյուն չի մնացել, որ վերանորոգված չլինի:

Սեպտեմբերի 25-ին վերաբացված թատրոնն այցելեցին նախագահ Ռոբերտ Քոչարյանը, Երևանի քաղաքապետ Երվանդ Զախարյանը, «Լինսի» հիմնադրամի հոգաբարձուների խորհրդի գործադիր տնօրեն Հարութ Սասունյանը, տարբեր թատրոնների ներկայացուցիչներ և հայտնի դերասաններ:

Դրամատիկական թատրոնը ստեղծվել է 1967 թվականին և այն փոքրաթիվ մշակույթի օջախներից էր, որ շարունակում էր գործել անկախության առաջին՝ 1992-1993 թվականների մութ ու ցուրտ տարիներին: Այն ժամանակ թատրոնը ներկայացումներ էր տալիս մոմի լույսի տակ, հանդերձարաններում ջուրը սառչում էր բաժակներում, բեմադրության դեկորները դերասանների տներից բերված իրեր էին, զգեստներն էլ՝ նրանց հին ամենօրյա շորերը:

Այսօր դերասանները կարող են վայելել հարմարավետ փորձասենյակները, ցնցուղներով հանգստասենյակները և 21-րդ դարի թատրոնի այլ հարմարություններ:

«Մեր ամենահանդուգն երազներում անգամ չէինք կարող նման գեղեցիկ, եվրոպական չափանիշներին համապատասխան շենք ակնկալել», - ասում է վաստակավոր արտիստ Արթուր ՈԻթմազյանը:

Դերասանների կարծիքով նման թատրոնում իրենք իրավունք չունեն թերի գործ կատարելու, նման պայմաններում իրենց ամեն մի ներկայացումը պետք է անկրկնելի լինի:

«Ցանկացած մահկանացու, երբ ամբողջովին վերակառուցված բնակարան է ստանում, նրա մեջ նոր լիցք ու ապրելու, ստեղծագործելու նոր ջիղ է ծնվում: Սա մեզ համար տուն է, որտեղ մեր կյանքի մեծ մասն ենք անցկացրել», - ասում է ՀՀ ժողովրդական արտիստ ¶ուժ Մանուկյանը:

Տան նորոգման զգացողությամբ էլ դերասաններն ու ռեժիսորը նորոգման ընթացքում լինում էին թատրոնում՝ ոչ միայն հետևելով աշխատանքներին, այլև հնարավորինս օգնելով շինարարներին:

Թատրոն այցելած բարձրաստիճան և հանրահայտ հյուրերի համար բեմադրվեց մի փոքրիկ ներկայացում՝ երախտագիտության նամակ ամերիկացի բարերար Քըրք Քըրքորյանին, հույս հայտնելով, որ մի օր թատրոնը կկարողանա շնորհակալ լինել նրան իր երախտիքն արտահայտող ներկայացումով:

Իսկ հանդիսատեսի առաջ Դրամատիկական թատրոնն իր դռները կբացի հոկտեմբերի կեսերին՝ ներկայացնելով 15 բեմադրություններ (Պերճ Զեյթունցյանի «Հիսուս Նազովրեցին և նրա 12 աշակերտները», Պարոնյանի «Մեծապատիվ մուրացկանները», դասական և ժամանակակից եվրոպական հեղինակների գործեր), որոնք նույնպես նորացվել են: «Ոչ միայն ռեժիսուրան, դերասանական մասը, այլև դեկորները, հագուստը և ամեն ինչ թարմ տեսքով պիտի ներկայանան մեր սիրելի երևանցիներին», - ասում է Խանդիկյանը: Նա խոստանում է նաև անակնկալ մատուցել հանդիսատեսին՝ նորացված հին ներկայացումներին ավելացնելով 5 բոլորովին նոր բեմադրություններ: