¸³ï³Ë³½ ¼»ÉÇ٠³¹¢áëÛ³ÝÁ ϳñ¹áõÙ ¿ Ù»Õ³¹ñ³Ï³ÝÁ

Տիգրան Նաղդալյանի սպանության դատավարությունում ավարտվեց ցուցմունքերի փուլը, և մեղադրող կողմը 15 տարվա ազատազրկում է պահանջում Արմեն Սարգսյանի և Ջոն Հարությունյանի համար:

Հանրային հեռուստաընկերության նախագահ Տիգրան Նաղդալյանը սպանվել է անցյալ տարվա դեկտեմբերի 28-ին: Ջոն Հարությունյանը խոստովանել է, որ ինքն է սպանել Նաղդալյանին՝ ասելով, որ լրագրողին սպանելու համար իրեն վճարել են:

Սպանված վարչապետ Վազգեն Սարգսյանի եղբայր Արմեն Սարգսյանը մեղադրվում է Նաղդալյանի սպանությունը պատվիրելու մեջ, ինչպես ենթադրվում է՝ 75000 դոլարով:

Հասարակության ուշադրության կենտրոնում հայտնված այս դատավարությունը տևեց մոտ երեք ամիս, որի արդյունքում մեղադրանք ներկայացվեց բոլոր 13 ամբաստանյալներին:

Պետական մեղադրողը պահանջեց նաև հետևյալ պատիժները.

                    'Հովհաննես (Ապեր) Հարությունյանին՝ յոթ տարի՝ հանցագործության կատարման ու կազմակերպման համար:

                   ' ¶րիգոր Պետրոսյանին՝ (Հ.Հարությունյանի վարորդը)՝ յոթ տարի՝ մեղսակցության համար:

                  ' ¶եղամ Շահբազյանին՝ 11 տարի՝ մեղսակցության համար:

                  ' Ֆելիքս Առուստամյանին՝ 12 տարի՝ մեղսակցության համար:

                  ' Մնացած ամբաստանյալները, այդ թվում՝ Լյովա Հարությունյանը (Արմեն Սարգսյանի սանահայրը), կարժանանան մեկ տարվա ազատազրկման, եթե հաստատվի նրանց մեղքը:

îÇ·ñ³Ý ܳչ³ÉÛ³ÝÇ Ñáñ ϳñÍÇùáí Ù³ñ¹³ëå³ÝÇ Ñ³Ù³ñ ¹³ï³Ë³½Ç å³Ñ³Ýç³Í å³ïÇÅÝ ³ñ¹³ñ ã¿

Դատարանը Արմեն Սարգսյանի դեպքում մեղմացուցիչ հանգամանք էր դիտել խնամքի տակ գտնվող անչափահաս երեխաների առկայությունը, ՀՀ և ԼՂՀ պաշտպանության համար մղված մարտերին ունեցած մասնակցության և «Երկրապահ» շքանշանով
պարգևատրված լինեÉու հանգամանքները:

Նաղդալյանի հարազատները դժգոհ էին մեղադրողների առաջարկած, իրենց կարծիքով, մեղմ պատժաչափերից (ըստ Հայաստանի նոր քրեական օրենսգրքի նշված հանցագործությունների համար նախատեսվում է 15 տարի ազատազրկում կամ ցմահ բանտարկություն):

«Մեղադրողները քիչ էր մնում այստեղ էլ նրանց պարգևատրեին՝ թե իբր հանցագործները ղարաբաղյան պատերազմի հերոսներ ու շքանշանակիրներ են, - ասաց Տիգրան Նաղդալյանի հայրը՝ Հովհաննես Նաղդալյանը: - Ես դեմ չեմ, գուցե և հերոսներ են, բայց այսօր այդ հերոսները դարձել են ճիվաղներ»:

Ելույթի հնարավորություն տրվեց Նաղդալյանի իրավահաջորդի շահերի ներկայացուցիչ Կարինե Նաղդալյանին, սակայն նա 3 օր ժամանակ խնդրեց իր ելույթը պատրաստելու համար:

Նոյեմբերի 10-ին ճառով հանդես կգան նաև ամբաստանյալների պաշտպանները, ապա դատավոր Սարո Արամյանը կհրապարակի դատավճիռները:

¸³ï³í³ñáõÃÛáõÝÁ Ùáï»ÝáõÙ ¿ »½ñ³÷³ÏÇã ÷áõÉÇÝ

Ելույթների ավարտից առաջ Արամյանը մերժեց լրացուցիչ վկաներ կանչելու փաստաբանների միջնորդությունը:

Սարգսյանի պաշտպանները նշում են, որ հակասություններ կան բժշկական եզրակացության և դատաբժշկական փորձաքննությունների միջև: Նրանք մասնավորապես նշում են, որ բժիշկների վկայությամբ մահաբեր գնդակը մտել է Նաղդալյանի ծոծրակից և ելել ճակատային մասից: Ջոն Հարությունյանը և դատաբժշկական փորձաքննությունը վկայում են հակառակի մասին:

Լրացուցիչ վկաներ դատարան կանչելու միջնորդության մերժումը առաջ բերեց փաստաբանների զայրույթը, որոնք դատավորին մեղադրեցին դատական գործընթացը կոծկելու մեջ:

«Դատաքննությունը լրացնելու վերաբերյալ իմ միջնորդություններն ուղղված էին նախաքննությամբ թույլ տրված բացերը լրացնելուն, - ասաց փաստաբան Ռոբերտ ¶րիգորյանը: - Երբ դատարանը դրանք մերժում է, նշանակում է չի ապահովում քրեական գործի օբյեկտիվ, լրիվ ու բազմակողմանի քննությունը, այսինքն՝ չի իրականացնում արդարադատությունը»:

More in On Trial - August-22-2003 Naghdalyan Case, Session Four - September-05-2003 Tigran Naghdalyan Murder Case - September-12-2003 The Naghdalyan Case - September-26-2003 The Naghdalyan Case - October-3-2003 The Naghdalyan Case - October-24-20033

Սեղմեք այստեղ այս գործին վերաբերող նախորդ հոդվածների համար: