ArmeniaNow.com - Independent Journalism From Today's Armenia
June 04, 2004




Հայացք դրսից. օտարերկրացու տեսակետն իր որդեգրած երկրի կյանքի մասին


Երկու սրտացավ երիտասարդ այցելել են ծանր կացության մեջ հայտնված մի աղջնակի, և այդ հանդիպման արդյունքը Լիանա Գիվարգիզովային նվիրված այս շաբաթվա հոդվածն է:

Երբեմն արժե պատմել հոդվածի հետևում թաքնված պատմությունը. Ահա այն.

Երեք տարի առաջ Վիգեն Չեթերյան անունով մի շվեյցարահայի մտքով անցավ Երևանում հիմնել լրագրության և միջազգային հետազոտությունների կենտրոն: Շվեյցարիայի կառավարությունը հավանություն տվեց գաղափարին, միջոցներ հատկացրեց, և Վիգենն իր գործընկերների հետ հիմնեց Լրատվամիջոցների կովկասյան ինստիտուտը (ԼԿԻ):

Երկու տարի առաջ մի բրիտանացի և ամերիկացի միտք հղացան հիմնադրել «ԱրմենիաՆաուն»: Որոշ սփյուռքահայ դոնորների այդ գաղափարը դուր եկավ, և նրանք միջոցներ տրամադրեցին գործը սկսելու համար: ԼԿԻ-ին նույնպես դուր եկավ այդ գաղափարը, և նրանք մեզ հնարավորություն տվեցին ծրագիրն սկսելու համար երկու շաբաթ օգտվել իրենց խմբագրատնից, մինչև գրասենյակ գտնենք:

Մոտ մեկ տարի առաջ «ԱրմենիաՆաուն» ԼԿԻ-ի հետ սկսեց համագործակցել, որի շրջանակներում ԼԿԻ-ում վերապատրաստում անցնող ուսանողները ստաժորի կարգավիճակով հոդվածներ են գրում «ԱրմենիաՆաուի» համար:

Մի քանի ամիս առաջ Յուլյա Կիռնիցկին և Ջանար Ամանկուլովն ընդգրկվեցին ԼԿԻ-ի վերապատրաստման ծրագրում և դարձան «ԱրմենիաՆաուի» ստաժոր:

ԼԿԻ-ի վերապատրաստման ծրագրի շրջանակներում ազգարությանը նվիրված սեմինարի ժամանակ Ջանարը ծանոթացավ քաղցկեղով հիվանդների հետ աշխատող մի հայ հոգեբանի հետ: Ջանարը ցանկություն հայտնեց այցելել հիվանդանոց:

Երիտասարդ լուսանկարիչը վերցրեց իր լուսանկարչական սարքը, և նրա օբյեկտիվում հայտնվեց մահաբեր հիվանդությունից հյուծված 10-ամյա Լիանան:

«Նա այնքան գեղեցիկ էր,- հիշում է Ջանարն իր առաջին տպավորությունը,- իսկ նրա աչքերը…»:

Ջանարը Լիանայի մասին հոդված գրելու թույլտվություն խնդրեց: Զգուշացրի, որ այդ նյութը հատուկ մոտեցում է պահանջում: Պարզվեց, որ այդ իմաստով Ջանարը նախապատրաստման կարիք չունի:

Ջանարը խնդրեց իր համակուրսեցի Յուլյային օգնել գրելու այդ հոդվածը:

23-ամյա Յուլյան ռումինուհի է, եկել է Մոլդովայի Քիշնև քաղաքից: Ջանարը 21 տարեկան է, եկել է Ղրղզստանի Բիշքեկ քաղաքից: Ոչ մեկը նախկինում Հայաստանում չի եղել:

Յուլիան և Ջանարը գնացին Լիանաեցն գյուղ: Նրանք հիշում են, որ ճնշող օր էր:

«Նրանք այնքան աղքատ են,- ասում է Ջանարը,- սակայն մեզնից փող կամ որևէ այլ բան չխնդրեցին»:

«Ես զգում էի, որ ուզում էին մեզ ինչ-որ բան տալ,- ասում է Յուլյան,- բայց ոչինչ չունեին»:

Պատկերացրեք Վերին Դվին գյուղի տեսարանը. հայ-ասորական ընտանիք, որը հյուրընկալել է մի ղրղզի և մոլդավացի մի ռումինուհու, իսկ նրանց բոլորին միավորել է երեք օտարերկրացիների մտահղացումը:

Այդ հանդիպումից ծնվել և ձեր մոնիտորներին է հայտնվել հոդված, որը պատմում է մի աղջնակի կյանքի մասին, որը, հուսանք, կփոխվի դեպի լավը մի քանի ճակատագրերի խաչաձևման արդյունքում:

Մենք նման պատմություններ հատուկ չենք փնտրում, բայց երբ գտնում ենք, կարծում ենք, որ դուք պետք է իմանաք դրանց մասին: Եթե օգնելու ցանկություն ունեք, մենք կարող ենք դա հնարավոր դարձնել: Գրեք մեզ հետևյալ հասցեով. info@armenianow.com.

Առաջիկա շաբաթներին մենք պատրաստվում ենք խնդրելու մեր ընթերցողներին աջակցելու «ԱրմենիաՆաուն» լույս ընծայող ծրագրին՝ «Նոր ժամանակ» լրագրողների վերապատրաստման կենտրոնին: Հուսով ենք, որ կարձագանքեք: Եվ հուսով ենք, որ մեր աշխատանքը կշարունակի օգնել մյուսներին: Անգամ ամենաանսպասելի ձևերով:

 

According to Agnes
 

  Inside
 

Going Nowhere: Armenian refugees flee to Azerbaijan in odd plea for asylum

Full story

 
 

Village of Discontent : Residents of Dimitrov charge they are being mistreated

Full story

 
 

A Byte with...

Shushan Petrosyan

Full story


 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

"The Girls"

 

 





Copyright ArmeniaNow.com 2002-2017. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.