¸³ï³ñ³ÝÇ ÉÇùÁ ¹³ÑÉÇ×Ý»ñÁ Ñ»ï¢áõÙ »Ý ë»Ýë³óÇáÝ ¹³ï³í³ñáõÃÛ³ÝÁ:

Լրագրող Տիգրան Նաղդալյանի սպանության գործով դատաքննությունն այս շաբաթ ընթանում էր արագացված տեմպերով: Այսուհետև դատական նիստերը տեղի կունենան շաբաթը չորս օր:

Լրագրողի սպանության մեջ մեղադրվող 13 ամբաստանյալներից դատարանում արդեն հարցաքննվել են 5-ը: (Սեղմեք այստեղ թեմայի մասին նախորդ նյութերը կարդալու համար:)

Այս շաբաթ ամբաստանյալ ¶եղամ Շահբազյանը ցուցմունք տվեց, որ հանդիպել է Լյովա Հարությունյանի հետ, որն Արմեն Սարգսյանի սանահայրն է: Սարգսյանը սպանված վարչապետ Վազգեն Սարգսյանի եղբայրն է և մեղադրվում է 75000 դոլարով Նաղդալյանի սպանությունը պատվիրելու մեջ:

Շահբազյանը դատարանին հայտնեց, որ հանդիպել է Հարությունյանին մի սենյակում, որտեղ կախված են եղել Վազգեն Սարգսյանի լուսանկարները, և որտեղ Հարությունյանն ամեն օր մոմ է վառել վարչապետի հիշատակին:

Ըստ Շահբազյանի ցուցմունքների...

Հարությունյանն ասել է. - «Ոնց անե՞մ, որ սպարապետի (Վազգեն Սարգսյանի) վրեժը լուծեմ»: Հետո դիմել է ¶եղամին. - «Չե՞ս կարող տղաներ բերել Ղարաբաղից, որ սպանեն հոկտեմբերի 27-ի կազմակերպիչներից մեկին՝ Տիգրան Նաղդալյանին»:

Հարությունյանը մեղադրել է Նաղդալյանին այն բանում, որ նա զենք և անցաթղթեր է տրամադրել Հունանյանին և նրա հրոսախմբին, որոնք 1999 թ. հոկտեմբերի 27-ին ներխուժել են խորհրդարան և սպանել են վարչապետին և ևս յոթ հոգու:

Նաղդալյանին սպանելու դիմաց Հարությունյանն առաջարկել է վաճառել իր 30000 դոլար արժողությամբ խորտկարանը:

Շահբազյան. - «Իսկ եթե (սպանողները) կանխիկ փող ուզե՞ն»:

Հարությունյան. - «Որ նեղն ընկնեմ, քավորիցս (Արմեն Սարգսյանից) կվերցնեմ՝ կտամ»:

Շահբազյան. - «Քավո՞րդ է ուզում այդ բանը (որ սպանեն)»:

Հարությունյան. - «Ոչ, ես եմ ուզում»:

Սակայն մի քանի օր հետո Հարությունյանը փոխում է միտքը և ասում է Շահբազյանին, որ մոռանա իրենց խոսակցության մասին:

Դրանից հետո Շահբազյանը գնում է «Ապեր» մականունով Հովհաննես Հարությունյանի մոտ (Սարգսյանների ազգականը) և պատմում Լյովա Հարությունյանի առաջարկի մասին: Նա ասում է նաև, որ կան մարդիկ, որոնք պատրաստ են 50000 դոլարով կատարել սպանությունը:

Այս խոսակցությունից մի քանի օր անց Ապերը Շահբազյանին ասել է. - «Ես տեր եմ, արեք»:

Սեպտեմբերից մինչև դեկտեմբերի 28-ի սպանության օրը Ապերը շուրջ 10000 դոլար է ծախսել Շահբազյանին, Ղարաբաղի Մարտունի քաղաքի բնակիչներ Ֆելիքս Առուստամյանին ու Ջոն Հարությունյանին անհրաժեշտ նյութերով ապահովելու վրա: Վերջինս խոստովանել է, որ ինքն է սպանել Նաղդալյանին:

Սակայն սպանությունից հետո, երբ գումարի վճարումը ձգձվել է, Շահբազյանը հարցրել է, թե երբ են ստանալու գումարը: Ապերն ասել է, որ փողն Արմեն Սարգսյանն է տալու:

Շահբազյանն այս տեղեկությունը փորձել է ճշտել Լյովայի միջոցով, որը Սարգսյանի հետ խոսելուց հետո Շահբազյանին հայտնել է, որ Սարգսյանն այդ գործի մասին տեղյակ չէ:

Այս հակասության մասին Շահբազյանը ասում է Ապերին՝ շարունակելով պահանջել խոստացած գումարը: Դեկտեմբերի 30-ին նրանք միասին գնում են Սարգսյանենց տուն, Ապերը ներս է մտնում, ապա վերադառնում և 25000 դոլար է տալիս Շահբազյանին:

«Ինչու՞ պիտի Սարգսյանն այդ փողը տար», - հարցրեց դատախազը Շահբազյանին.

«Չգիտեմ Ապերն իրեն ինչ էր ասել, - պատասխանեց Շահբազյանը: - Ես մինչև հիմա էլ չեմ հասկացել»:

Մեղադրողի ամենատարբեր հարցերին, արդյոք պատվիրատուն Արմեն Սարգսյանն էր, ¶եղամ Շահբազյանը այդպես էլ դրական պատասխան չտվեց:

¶եղամ Շահբազյանը և Հովհաննես Հարությունյանը (Ապերը) երկու տարի առաջ են միմյանց հետ ծանոթացել, միասին ինչ-որ գործեր են ձեռնարկել, Հարությունյանը ժամանակ առ ժամանակ Շահբազյանին պարտքով գումար է տվել: Ըստ Շահբազյանի այս հանգամանքը բավարար է եղել, որպեսզի Ապերը Նաղդալյանի սպանության գործն իրեն վստահի:

Ամբաստանյալ ¶րիգոր Պետրոսյանը, որը մեղադրվում է սպանությանն աջակցելու մեջ, դատարանում նշեց, որ ինքը ֆինանսական կախվածության մեջ էր Ապերից: Վերջինս Պետրոսյանին նույնպես ժամանակ առ ժամանակ պարտքով փող է տվել:

Պետրոսյանը հայտնեց, որ իրեն մեղավոր է ճանաչում մասնակիորեն՝ ասելով, որ Ապերից ստացած երկու ատրճանակ է հանձնել Շահբազյանին: Պետրոսյանը հայտնեց, որ իմացել է, որ ինչ-որ լրագրողի են ուզում սպանել, փորձել է համոզել, որ փողի համար չարժե մարդ սպանել, բայց չի կարողացել կանխել սպանությունը:

«Իմ դերը եղել է լսելը, եթե ես խուլ լինեի, այստեղ չէի լինի», - դատարանում հայտարարեց ¶րիգոր Պետրոսյանը, ապա հրաժարվեց ցուցմունք տալուց:

Պետրոսյանի նախաքննական ցուցմունքի համաձայն Հովհաննես Հարությունյանը համաձայնել է իրականացնել Նաղդալյանի սպանությունը, որպեսզի «Սարգսյանների ընտանիքի մոտ ներկայանա որպես թասիբով տղա, ձեռքի հետ էլ գումար վաստակի»:

Շահբազյանի և Պետրոսյանի ցուցմունքներից պարզ դարձավ մեկ հանգամանք ևս. Նաղդալյանին սպանելու պատվերը նախապես տրվել է ինչ-որ ռուսների, որոնք 50000 դոլար կանխավճար են ստացել, սակայն փախել են առանց պատվերը կատարելու: Ըստ հրապարակված ցուցմունքների պատվիրատուն դարձյալ Արմեն Սարգսյանն է եղել:

Չորեքշաբթի օրը դատարանում ցուցմունք տալուց հրաժարվեց հանցագործությունը պարտակելու մեջ մեղադրվող Լյովա Հարությունյանը՝ հայտարարելով, որ պնդում է իր նախաքննական ցուցմունքները:

«Ես ինձ մեղավոր չեմ ճանաչում պարտակելու մեջ: Այստեղ գտնվող ամբաստանյալներից ոչ մեկին չեմ պարտակել, չեմ պահել, հագուստ չեմ տվել, չեմ կերակրել, հանցագործության հետքերը չեմ մաքրել, խոստումներ չեմ տվել և չեմ նպաստել հանցագործության կատարմանը: Բայց մեղավոր եմ, որ 2003-ի հունվարի սկզբներին ¶եղամ Շահբազյանից իմացել եմ սպանությունը կատարողների մասին և չեմ հայտնել իրավապահ մարմիններին»:

Նախաքննական հարցաքննության տեսագրության մեջ Հարությունյանն ասում է, որ մտածել է իրավապահ մարմիններին հայտնել և դրա դիմաց ստանալ խոստացված 250000 դոլարը, սակայն վախեցել է «գործ տվողի» պիտակ ստանալուց:

Լյովա Հարությունյանն ասում է, որ առաջնորդվել է Վազգեն Սարգսյանի նկատմամբ նվիրվածության զգացումով և կարծել է, որ Նաղդալյանի սպանությամբ վրեժխնդիր կլինի վարչապետի մահվան համար, սակայն շուտով հասկացել է, որ սխալ բան է անում և հրաժարվել է այդ մտքից:

Հինգշաբթի և ուրբաթ օրերի նիստերը հետաձգվեցին Հովհաննես Հարությունյանի պաշտպան Հոկտեմբեր Քարամյանի խնդրանքով, որը հայտնեց, որ ինքը վատառողջ է:

Դատավարությունը կվերսկսվի երեքշաբթի օրը Հովհաննես Հարությունյանի (Ապեր) ցուցմունքերով, որից հետո ցուցմունքներ պետք է տա Արմեն Սարգսյանը: