Ձյուդոյի աշխարհի առաջնություն

Ձյուդոյի աշխարհի 2003 թվականի առաջնության 97 երկրների 587 մասնակիցների թվում էին նաև վեց հայ մարզիկներ:

Ճապոնիայի Օսակա քաղաքում տղամարդկանց մրցաշարում գորգ դուրս եկան Արմեն Նազարյանը (60 կգ), Ղազարոս ¶րիգորյանը (66 կգ), Վարուժան Իսրայելյանը (73 կգ), Հարություն Ղարիբյանը (81 կգ) և Արթուր ¶ասպարյանը (100 կգ): Կանանց պայքարում 52 կգ քաշային կարգում ելույթ ունեցավ Քրիստինե Նաջարյանը:

Հայ ըմբիշներից ոչ մեկին չհաջողվեց մրցանակային տեղ գրավել առաջնությունում:

Հունա-հռոմեական ըմբշամարտի աշխարհի առաջնություն

Հաջորդ ամիս յոթ հայ ըմբիշներ կմեկնեն Ֆրանսիա՝ մասնակցելու հունա-հռոմեական ըմբշամարտի աշխարհի առաջնությանը: Քաշային յոթ կարգերում անցկացվող առաջնությունը կմեկնարկի հոկտեմբերի 1-ին Փարիզում:

Հունա-հռոմեական ըմբշամարտի աշխարհի առաջնությունը նաև ընտրական փուլ կծառայի 2004 թվականին Աթենքում կայանալիք Օլիմպիական խաղերի համար:

Թենիս (ՊԹԱ մրցաշար)

èáõÙÇÝdzÛÇ µ³ó ³é³çÝáõÃÛáõÝáõÙ ê³ñ·ëÛ³ÝÁ ó³Ýí³Í ¿ñ 3-ñ¹ ѳٳñÇ ï³Ï:

Դժվարին ու հոգնեցուցիչ ԱՄՆ բաց առաջնությունից հետո հայազգի թենիսիստներից միայն Սարգիս Սարգսյանը որոշեց մասնակցել Մեծ սաղավարտի մրցաշարին անմիջապես հետևած երկու միջազգային մրցաշարերից մեկին:

Նա մասնակցեց Բուխարեստում սեպտեմբերի 8-14-ն անցած Ռումինիայի բաց առաջնությանը, որտեղ ցանված էր երրորդ համարի տակ: Սարգսյանը դուրս եկավ քառորդ եզրափակիչ, որտեղ զիջեց ռումինացի Ռազվան Սաբաուին՝ 6-2, 3-6, 4-6:

Մրցաշարում Սարգսյանը վաստակեց 8 միավոր և 10600 եվրո: Առաջին փուլում նա հեշտությամբ հաղթեց արգենտինացի Ֆրանկո Սքուիլարիին` 6-2, 6-2, իսկ երկրորդում՝ ռումինացի Իոն Մոլդովանին՝ 7-5, 6-1: