γï³Éá·áõÙ Áݹ·ñÏí³Í ³ñí»ëï³·»ïÝ»ñÇ ³ß˳ï³ÝùÝ»ñÁ Ûáõñ³Ñ³ïáõÏ ÙÃÝáÉáñï ëï»ÕÍ»óÇÝ:

Ամեն արվեստագետի արվեստանոց մի յուրահատուկ պատկերասրահ է, որտեղ արվեստի գործերը շատ հետաքրքիր ճանապարհ են անցնում գաղափարից ու փիլիսոփայությունից մինչև վերջնական իրականացում: Այդ թաքնված պատկերասրահների մթնոլորտն այնքան գրավիչ է, որ արվեստի շատ սիրահարներ ցանկանում են սուզվել դրա մեջ և ընտրել այն գործերը, որոնք ցանկանում են ձեռք բերել:

Դեռ մի քանի օր առաջ այդ արվեստանոցները գտնելը խնդիր էր: Տեղեկությունների բացակայությունից դրանք կարծես իսկապես թաքնված լինեին: Այժմ իրավիճակն այլ է: Արվեստի ոÉոñտի գործարարները լրացրել են այդ բացը՝ հրատարակելով «Թաքնված պատկերասրահներ» կատալոգը:

Կատալոգի շնորհանդեսը և ներկայացված նկարիչների ցուցահանդեսի բացումը տեղի ունեցան սեպտեմբերի 15-ին: Միջոցառումը կազմակերպել էր կատալոգի հրատարակիչ «Արթ բրիջ» գրատուն-սրճարանը:

Ðëϳ óáõÉÁ ãí³Ë»óñ»ó óáõó³Ñ³Ý¹»ëÇ ³Ûó»ÉáõÝ»ñÇÝ:

Կատալոգում ներկայացված են 52 հայ նկարիչների և քանդակագործների աշխատանքները և նրանց հասցեներն ու հեռախոսային համարները: Կատալոգն անվճար բաշխվելու է բոլոր հյուրանոցներին և արվեստի սրահներին:

«Հրաշալի գաղափար է, - ասում է Մարի Սարիյանը Բեյրութից, - մի քանի ամիս առաջ ես փորձում էի գտնել մի նկարչի, որի աշխատանքները տեսել էի ամսագրում: Դիմեցի շատ կազմակերպությունների, նաև Հայաստանի նկարիչների միությանը, սակայն ոչ ոք չկարողացավ օգնել ինձ: Այս կատալոգի շնորհիվ ես այժմ կարող եմ հեռախոսով կապվել ցանկացած նկարչի հետ, ում նկարները ցանկանում եմ ձեռք բերել»:

Արվեստագետների ընտրությունը կատարվել է առանց որևէ կողմնակալության կամ անձնական նախասիրության: Ներկայացվել են բոլոր նրանք, ովքեր արվեստանոց ունեն, ցանկացել են ընդգրկվել և տրամադրել են իրենց տվյալները:

«Մենք գովազդել ենք հրապարակվող կատալոգը լրատվամիջոցներում և արվեստասեր համայնքում: Կատալոգի 52 էջերում բավականաչափ տեղ ունեինք, սակայն ծրագրի հիմնական նպատակի պատճառով չէինք կարող ընդգրկել արվեստանոց չունեցողներին, - ասում է «Թաքնված պատկերասրահներ» կատալոգի հրատարակման նախաձեռնող և «Արթ բրիջ» գրատուն-սրճարանի տնօրեն Շաքե Հավանը:

Շաքեն հույս ունի, որ կատալոգը կլրացնի բացը արվեստագետների և աշխարհով մեկ սփռված արվեստասերների միջև և հնարավորություն կտա նրանց հայտնագործելու Հայաստանի թաքնված պատկերասրահները, բացահայտելու ազգային արվեստի կախարդանքն ու ձգողական ուժը: