No. 39; No. 8; No. 4.

Պրոֆեսիոնալ թենիսիստների ասոցիացիան (ՊԹԱ) այս շաբաթ հրապարակել է 2003 թվականի վերջնական աղյուսակը: Այն կազմվել է՝ հաշվի առնելով տարվա ընթացքում անցկացված ՊԹԱ-ի մրցաշարերի արդյունքերը:

Անդրե Ագասին ԱՄՆ-ից տարին սկսեց աղյուսակի երկրորդ տեղում, սակայն եզրափակեց չորրորդում՝ վաստակելով 685 միավոր: Ագասին մասնակցել է 19 մրցաշարի, հաղթել է դրանցից չորսում, այդ թվում՝ Ավստրալիայի բաց առաջնությունում և Մայամիի վարպետների մրցաշարում: Նա վաստակել է 2,5 միլիոն դոլար՝ հաղթելով 47 և պարտվելով 10 խաղում:

Արգենտինացի Դավիթ Նալբանդյանի ճակատագիրը հակառակ ընթացքն է ունեցել. նա սկսել է 12-րդ տեղից և, 21 մրցաշարում վաստակելով 412 միավոր, բարձրացել է 8-րդ տեղ:

Նալբանդյանը 2003 թվականին ոչ մի մրցաշարում չի նվաճել հաղթողի կոչումը, սակայն դուրս է եկել եզրափակիչ Բազելի միջազգային մրցաշարում և Կանադայի վարպետների մրցաշարում: Չորս անգամ նա դուրս է եկել կիսաեզրափակիչ, այդ թվում՝ Ավստրալիայի բաց առաջնությունում: Նալբանդյանը վաստակել է 1,28 միլիոն դոլար՝ հաղթելով 42 և պարտվելով 20 խաղում:

Հայաստանը ներկայացնող Սարգիս Սարգսյանի համար տարին հաջող էր. մասնակցելով 26 մրցաշարի և վաստակելով 190 միավոր՝ նա 85-րդ տեղից բարձրացել է 39-րդ:

Սարգսյանը ոչ մի մրցաշար չի շահել, սակայն հասել է եզրափակիչ Սանկտ-Պետերբուրգում և Մոսկվայում: Երևանցի թենիսիստը հաղթել է 28 ու պարտվել 26 խաղում և վաստակել 530 հազար դոլար: