гÝÓݳÅáÕáíÇ ³Ý¹³ÙÝ»ñÁ ϳ۳óÝáõÙ »Ý Çñ»Ýó áñáßáõÙÁ ¢ ³é³ç »Ý µ»ñáõÙ ÙÇç³½·³ÛÇÝ Ï³½Ù³Ï»ñåáõÃÛáõÝÝ»ñÇ íñ¹áíÙáõÝùÁ г۳ëï³ÝáõÙ ËáëùÇ ³½³ïáõÃÛ³Ý Ï³å³ÏóáõÃÛ³Ùµ:

Հայաստանի հեռուստատեսության և ռադիոյի ազգային հանձնաժողովի անցյալ շաբաթ ընդունած որոշումն արժանացավ խոսքի ազատության ջատագովների և միջազգային կազմակերպություն-
ների սուր քննադատությանը, որոնց կարծիքով նման քայլերը չեն նպաստում ժողովրդավարության զարգացմանը Հայաստանում:

Վերջին 15 ամսվա ընթացքում երրորդ անգամ հանձնաժողովը մերժեց հեռարձակման արտոնագիր տալ «Ա1+» և «Նոյան տապան» ընկերություններին: Այս երկու ընկերություններն էլ գործել են 1997 թվականից և համարվել են «ընդդիմադիր» կայաններ, այն առումով, որ նրանց հաղորդագրություններում երբեմն քննադատություն է հնչ»É կառավարության հասցեին: 2001 թվականի աշնանը փակվում է «Նոյան տապանը» (ինչպես պնդում են, կառավարության ճնշման տակ): 2002 թվականի ապրիլին «Ա1+»-ը զրկվում է իր արտոնագրից:

«Ա1+»-ը շատերի կողմից համարվում է «հակաքոչարյանական»: Հանձնաժողովի անդամները նշանակվում են նախագահ Ռոբերտ Քոչարյանի կողմից, և երբ «Ա1+»-ը զրկվեց եթերից, շատերը դա համարեցին այս տարվա փետրվարին կայացած նախագահական ընտրություններից առաջ մամուլի վրա վերահսկողություն սահմանելու Քոչարյանի առաջին քայլը:

Հանձնաժողովի առաջին որոշումն առաջ բերեց զանգվածային ցույցեր և դրդեց «Ա1+»-ի նախագահ Մեսրոպ Մովսիսյանին դիմել դատարան: ¶ործը լսվել է առաջին ատյանի դատարանում, հետո երկու անգամ բողոքարկվել է և վերջնական վճիռ է կայացվել հօգուտ հանձնաժողովի որոշման: Դրանից հետո Մովսիսյանը հայցով դիմել է Ստրասբուրգի մարդու իրավունքների դատարան, որտեղ Եվրոպայի խորհրդի անդամ երկրները կարող են բողոքարկել իրենց երկրում կայացված վճիռները: ¶ործն այժմ գտնվում է դատարանի վարույթում:

Քաղաքական բանավեճի երկու կողմերն էլ համամիտ էին, որ «Ա1+»-ը կայացած լրատվության աղբյուր է, սակայն հանձնաժողովի որոշմամբ եթերարձակման արտոնագիրը շնորհվեց «Շարմ» ընկերությանը, որը գովազդային և զվարճալի ծրագրերի գործակալություն էր՝ առանց լրագրողների անձնակազմի կամ լրատվական փորձի: Հետագայում «Շարմը» վաճառեց իր արտոնագիրը մի պատգամավորի:

Անցած ամիսների ընթացքում հասարակայնության բողոքները հանդարտվել են, նվազել է անգամ իշխանավորների դեմ պայքարելու Մովսիսյանի վճռականությունը: Նա այդ որոշումն անվանում է «անձնական վրեժխնդրություն»:

«Դատարան դիմելն անիմաստ է, - ասաց նա: - Դատավորները «լակեյի» կարգավիճակում են, և ես համարում եմ, որ Հայաստանում ընդհանրապես գոյություն չունի երրորդ իշխանություն: Քանի դեռ երկրում այս ղեկավարն է և ազգային հանձնաժողովի տվյալ կազմը, «Ա1+»-ը չի ստանա կապուղի»:

Մովսիսյանն ասում է, որ պատրաստվում է միջազգային փորձագետներ հրավիրել արտոնագրման գործընթացի հետ ծանոթանալու համար:

Սակայն նման հրավերի կարիք, կարծես, չի լինի: Արձագանքն անցյալ շաբաթ օրվա որոշմանը արագ և դատապարտող էր:

гÝÓݳÅáÕáíÇ Ý³Ë³·³Ñ ¶ñÇ·áñ ²Ù³ÉÛ³ÝÁ ùí»³ñÏáõÙ ¿:

Չորեքշաբթի օրը Ստրասբուրգում տեղակայված իր գրասենյակից հանձնաժողովի որոշման կապակցությամբ իր «հիասթափությունն ու մտահոգությունը» հայտնեց Եվրոպայի խորհրդի գլխավոր քարտուղար Վալտեր Շվիմերը:

¶լխավոր քարտուղարն ասաց, որ Հայաստանը չի կարող «շարունակել ինտեգրացվել Եվրոպային», քանի դեռ երկրի ղեկավարությունը «բազմակարծության հանդեպ բավարար հարգանք չունի»:

Վիենայից Եվրոպայի անվտանգության և համագործակցության կազմակերպության մամուլի ազատության գծով պատասխանատու Ֆրայմուտ Դյուվեն հայտարարել է, որ հանձնաժողովի որոշումը ցույց է տալիս, որ «խոսքի ազատությունը Հայաստանում շարունակվում է սահմանափակվել»:

Հեռուստատեսության և ռադիոյի ազգային հանձնաժողովի նախագահ ¶րիգոր Ամալյանը հիմնավորեց ընդունված որոշումը նրանով, որ «Ա1+»-ի և «Նոյան տապանի» հայտերը չեն բավարարել չորս չափանիշներից մեկը և մերժվել են «անբավարար տեխնիկական և ֆինանսական հնարավորությունների պատճառով»:

Խոսելով միջազգային դիտորդների կարծիքների մասին՝ Ամալյանն ասաց, որ եթե այդ կազմակերպություններն «այդքան մտահոգված են, ապա պետք է օգնեն (հեռուստաընկերություններին) հասնելու համապատասխան ֆինանսական և տեխնիկական մակարդակի»:

Սակայն Շվիմերի և պատգամավորների հայտարարություններից հետո Ամալյանը, կարծես, մեղմացրել է իր դիրքորոշումն այս հարցում:

«Եթե համարում են, որ հանձնաժողովը ճիշտ չէ, թող Ազգային ժողովը հանդես գա նախաձեռնությամբ՝ այս երկու հեռուստաընկերություններին կապուղի հատկացնել առանց մրցույթի, օրենքով», - ասել է Ամալյանը:

Երկրի ներսում արձագանքը նույնպես կոշտ էր:

Խորհրդարանի վերընտրված փոխնախագահ և Հանրապետական կուսակցության փոխնախագահ Տիգրան Թորոսյանը շեշտեց «Ա1+»-ի մասնագիտական գերազանցությունը և քննադատության ենթարկեց հանձնաժողովի գործունեությունը:

«Հանձնաժողովը չի կարողանա բացատրություն տալ, թե ինչու է «Ա1+»-ը զրկվել եթերից, - ասաց Թորոսյանը: - Սա բարոյական ճնշման դեպք է: Հասարակայնությունը դժգոհ է որոշումից, և եթե իշխանավորների մեծ մասը դժգոհ է այս որոշումից, ապա ես կարծում եմ, որ հանձնաժողովը պետք է մտածի, թե ում համար է այն աշխատում, եթե ոչ հասարակության»: