´ÅÇßÏÝ»ñÁ ¹ÇÙ»óÇÝ µáÉáñ Ñݳñ³íáñ ÙÇçáóÝ»ñÇÝ, áñå»ë½Ç û·Ý»Ý »ñÏíáñÛ³ÏÝ»ñÇÝ Ýñ³Ýó ÏÛ³ÝùÇ ³é³çÇÝ Å³Ù»ñÇÝ:

Վերջերս, երբ աշխարհի ուշադրությունը գամված էր Իրանին, որտեղ միմյանցից բաժանում էին սիամական երկվորյակներին, Հայաստանում նույնպես նմանատիպ դեպք գրանցվեց:

Հուլիսի 6-ին
Երևանի պերինատոլոգիայի, մանկաբարձության և գինեկոլոգիայի կենտրոնում ծնվեցին սիամական երկվորյակներ (սա Հայաստանում գրանցված առաջին դեպքն է):

Երկվորյակներ սպասում էին, սակայն անասելի էր կեսարյան հատում իրականացրած բժշկուհի Անահիտ Մխչյանի զարմանքը, երբ նա տեսավ, որ երեխաները միացած են միմյանց որովայնի հատվածում: Նորածիններից յուրաքանչյուրի քաշն ընդամենը 1700 գրամ էր:

Բժիշկներն արագ պարզեցին, որ երկվորյակներն ունեն կենսական օրգանների մեկ ընդհանուր համակարգ և նրանց շտապ վիրահատություն է պետք:

«Առաջին երեխան ծնվելու ընթացքում, երբ դեռ հայտնի չէր, որ նորածինները սերտաճած են, ենթարկվել էր շատ քաշքշուկների, և նրա վիճակն ավելի ծանր էր, քան մյուսինը, - բացատրում է Երևանի գլխավոր մանկական վիրաբույժ Նիկոլայ Դալլաքյանը: - Սա է պատճառը, որ երեխաների առաջին վիրահատությունից ընդամենը 10 ժամ հետո մենք ստիպված եղանք կայացնել շատ համարձակ որոշում՝ բաժանել նրանց միմյանցից»:

Փոքրիկներն ունեին մեկ սրտանոթային համակարգ, մեկ լյարդ, 12-մատյա աղիների մեկ համակարգ, և այս կարևորագույն օրգանների միակ լինելը պարզ էր դարձնում, որ կենդանի կարող էր մնալ նրանցից միայն մեկը: Սակայն անջատման վիրահատությունը, ինչպես իրանական երկվորյակների դեպքում, սովորաբար ավելի ուշ են անում, երբ երեխաները մեծանում են: Սակայն հայ երկվորյակների պարագայում հետաձգումը կարող էր ճակատագրական լինել:

Աղջնակներին բաժանեցին միմյանցից և, ինչպես սպասվում էր, նրանցից մեկը մահացավ: Մյուսը հրաշքով կենդանի մնաց, և ինն օր հետո նրան լրիվ արհեստական շնչառությունից տեղափոխեցին մասնակի արհեստական շնչառության: Սակայն ապրելով երկու շաբաթ և տանելով երեք վիրահատություն, աղջնակը նույնպես մահացավ բարդություններից:

Բժիշկների հավաստմամբ խիստ անհավանական էր, որ փոքրիկներից գոնե մեկը կապրեր անգամ երկու շաբաթ:

Եվ եթե այս անսովոր ծնունդը կարող է նպաստել բժշկության զարգացմանը Հայաստանում, ընտանիքի արձագանքը կատարվածին չի կարելի է համարել լուսավորության հաղթանակի արտահայտություն: Դեռ երեխաների կենդանության օրոք տատն ու պապը նրանց «սատանայի ճտեր» էին անվանում և հայտարարում էին բժիշկներին, որ չեն պատրաստվում վճարել բուժման համար, ոչ էլ տուն տանել նրանց:

Բացի այդ, սիամական երկվորյակների ծննդից հետո երեխաների հայրը դատապարտեց իր կնոջը և բաժանվեց նրանից:

Այս ծննդաբերությունն առաջինն էր երիտասարդ կնոջ համար, որը ցանկացավ անանուն մնալ:

«Ես կորցրեցի ոչ միայն երկու երեխաներիս, այլ նաև ամուսնուս, - ասաց նա: - Կործանվեց իմ ողջ ընտանիքը»: