î³ñí³ ýáõïµáÉÇëï ²ñ³ гÏáµÛ³ÝÁ

Հայաստանի ֆուտբոլի ֆեդերացիան հարցում է անցկացրել հայաստանյան լրագրողների, մարզիչների և դատավորների շրջանում, որպեսզի պարզի տարվա լավագույն ֆուտբոլիստին, ինչպես նաև լավագույն դարպասապահին, կիսապաշտպանին, պաշտպանին և այլն:

Հարցման արդյունքում տարվա լավագույն ֆուտբոլիստ է ընտրվել «Բանանցի» հարձակվող Արա Հակոբյանը: Այս ֆուտբոլային մրցաշրջանում նա խփել է 45 գոլ, այդ թվում՝ մեկ խաղում ինն անգամ խփել է երեք գոլ, մեկական անգամ՝ չորս և հինգ գոլ: Հակոբյանը համարվել է նաև տարվա լավագույն հարձակվող:

Լավագույն դարպասապահի կոչումը ստացել է «Փյունիկի» դարպասապահ Ապուլա Էդիմա Էդել Բետեն: Լավագույն պաշտպան է ընտրվել Խոսե Բիլիբիոն, իսկ լավագույն կիսապաշտպան՝ Լևոն Պաչաջյանը, երկուսն էլ՝ «Փյունիկից»:

Տարվա լավագույն ֆուտբոլիստի ցանկում երկրորդ և երրորդ տեղերը զբաղեցրել են փյունիկցիներ Էդգար Մանուչարյանը և Էդել Բետեն:

Մանուչարյանը նաև համարվել է «տարվա հայտնություն». 2003 թվականի չեմպիոնի կազմում նա 17 անգամ դաշտ է դուրս եկել և խփել է 12 գոլ:

ՖԻՖԱ-ն հրապարակել է ազգային հավաքականների գործակիցների աղյուսակը 2003 թվականի նոյեմբերի դրությամբ:

Հայաստանը 411 միավորով ներկայումս զբաղեցնում է 112-րդ տեղը 204 թիմերի մեջ: Եվրոպայի 52 երկրների մեջ Հայաստանը 43-րդն է:

Հայաստանի ֆուտբոլի կանանց ազգային հավաքականը 1241 միավորով զբաղեցնում է 83-րդ տեղը աշխարհի 113 հավաքականների մեջ: