ArmeniaNow.com - Independent Journalism From Today's Armenia
 April 25, 2003 




Վերականգնված է պաշտոնում. ոստիկանության վարչությունը տանուլ է տալիս դատը Եհովայի վկայի դեմ


Zemfira Voskanyan fired by the head of personnel department Arshaluis Budaghyan has been reinstated by the court.

Ստեփանավանի ոստիկանության ֆինանսական բաժնի պետ Զեմֆիրա Ոսկանյանը, որ հեռացվել էր աշխատանքից միայն այն պատճառով, որ դավանում է «Եհովայի վկաներ» կրոնական ուղղությանը, վերականգնվեց իր պաշտոնում։

Աշխատանքում վերականգնվելու համար Ոսկանյանը դիմել էր Լոռու մարզի առաջին ատյանի դատարան: Դատարանի առաջին նիստը եղավ ապրիլի 9-ին Վանաձորում։ Ապրիլի 22-ի դատական նիստի ժամանակ Լոռու մարզի ոստիկանության պետի կադրերի բաժնի գծով տեղակալ Արշալույս Բուդաղյանն ընթերցեց ոստիկանության պետի հրամանը, որով Ոսկանյանը վերականգնվում էր իր պաշտոնում և ստանում հեռացման պատճառով փետրվար ամսից չստացած աշխատավարձը։ (Սեղմե՛ք այստեղ, դատական գործի մասին «ԱրմենիաՆաուի» անցյալ շաբաթվա հոդվածը կարդալու համար:)

Սակայն աշխատանքում վերականգնվելը չբավարարեց Ոսկանյանի պահանջը։

Ոսկանյանի հեռացման համար հիմք էր հանդիսացել դեկտեմբերին Հայաստանի ոստիկանապետ Հայկ Հարությունյանի արձակած 551-Ա հրամանը: Համաձայն այդ հրամանի, ոստիկանության համակարգում պետք է հայտնաբերվեն Հայ առաքելական եկեղեցուն չդավանող հավատացյալները և, եթե նրանք չհրաժարվեն իրենց հավատից, հեռացվեն աշխատանքից։

«Ես վախենում եմ, որ ինձ կարող են կրկին ազատել աշխատանքից, քանի որ 551-Ա հրամանը դեռևս գործում է», - ասաց Ոսկանյանը դատական նիստում։

Նախորդ նիստի ժամանակ Ոսկանյանի պաշտպան Դրու Հոլիները հայցադիմում էր ներկայացրել դատարանին, որով պահանջում էր հակասահմանադրական ճանաչել 551-Ա հրամանը։

«551-Ա հրամանն անբաժանելիորեն կապված է ազատման հետ։ Նույնիսկ եթե դատարանը վերականգնի նրա աշխատանքի իրավունքները, այդ հրամանով նրան կարող են ամեն վայրկյան նորից ազատել աշխատանքից», - հայտարարել էր Հոլիները։

Ոսկանյանի մյուս պաշտպանը՝ Լևոն Մարգարյանը, դատարանում հայտարարեց, որ 551-Ա հրամանը կարող է հեռացման հիմք դառնալ ոչ միայն Եհովայի վկաների, այլև կրոնական այլ ուղղությունների հավատացյալների համար։ Նա համամիտ էր Հոլիների այն փաստարկի հետ, որ հրամանը հակասում է խղճի ազատության միջազգային պայմանագրերին և Հայաստանի սահմանադրությանը, ուստի պետք է ապօրինի ճանաչվի։

Սակայն դատավոր Մուշեղ Հարությունյանը մերժեց հայցը, պատճառաբանելով, որ իրավունք ունի մի վարույթում լրացուցիչ հայցադիմում ընդունել, եթե այն վերաբերում է նույն կողմերին։ Տվյալ դեպքում հակառակ կողմ է հանդիսանում ՀՀ ոստիկանապետ Հայկ Հարությունյանը, այլ ոչ թե Ստեփանավանի ոստիկանության վարչությունը։ Երկու կողմերն էլ կարող են բողոքարկել Հարությունյանի այս որոշումը։

Դատական նիստի վերջում դատավորը հայտարարեց, որ գործը կարճվում է վեճի բացակայության պատճառով։

«Իհարկե, մենք գոհ ենք, որ Զեմֆիրան վերականգնվեց իր պաշտոնում, սակայն խնդիրը դեռ լուծված չէ, - ասաց Հոլիները։ - Նրա վրա մշտապես կախված է 551-Ա հրամանի սպառնալիքը։ Դեռևս պետք է քննարկենք մեր անելիքները»։

Այժմ փաստաբանը սպասում է բողոքարկման մասին իր պաշտպանյալի որոշմանը։

Եթե նա չբավարարվի միայն աշխատանքում վերականգնվելով և փոխարենը ցանկանա վիճարկել հրամանը, պետք է բողոքարկի չորեքշաբթի օրվա որոշումը կամ հրամանն ապօրինի ճանաչելու հայցադիմում ներկայացնի:

Ոսկանյանը, որը 18 տարի աշխատել է ոստիկանությունում, աշխատանքից հեռացվել էր օրենսգրքի հետևյալ դրույթով, «...երբ ի հայտ է եկել բանվորի կամ ծառայողի անհամապատասխանությունը զբաղեցրած պաշտոնին»։ Նրա Եհովայի վկա լինելը ոստիկանությունը համարել էր անհամատեղելի զբաղեցրած պաշտոնի հետ։

«Այսպիսի հրամանով մարդուն կարող են հեռացնել աշխատանքից միայն 2 հիմնավորմամբ՝ որակավորման և առողջական վիճակի պատճառով, - ասաց դատավորը դատական նիստից հետո։ - Լավ է, որ ոստիկանությունն ընդունեց իր սխալը»:


  "Turkish Flag"
 
Click on the photo above to enlarge
 

  Inside
 

Film Flap: Protestors stop showing of Turkish movie in Yerevan

Full story

 
 
 
 

Honoring the Honorable: Norweigan paid tribute at Genocide memorial

Full story

 
 
 
 

Reinstated: Police department loses case against member of Jehovah's Witness

Full story

 




  Photo of the week
 
Click on the photo above to enlarge
 
 
 
 

Pain in Paint

Yesterday (April 24) members of Mihr youth organization gathered in a park near the State Conservatory where they used black (tragedy) and red (blood) paint to depict Mt. Ararat from its western side. On a white canvas they painted names of villages where Genocide took place.

 





Copyright ArmeniaNow.com 2002-2024. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.