ArmeniaNow.com - Independent Journalism From Today's Armenia
May 28, 2004




Սպորտ. Ֆրանսիայի թենիսի բաց առաջնության մենախաղերում մնացել է երկու «յան»


Տարբեր երկրներ ներկայացնող հինգ հայազգի թենիսիստներ էին մասնակցում աշխարհի առավել հեղինակավոր չորս մրցաշարերից մեկի՝ Մեծ սաղավարտի Ռոլան Գարոսի մրցաշարին, որն անցկացվում է Փարիզում մայիսի 24-ից հունիսի 6-ը:

Երկու փուլից հետո պայքարը շարունակում են միայն երկուսը:

Ութերորդ համարի տակ ցանված արգենտինահայ Դավիթ Նալբանդյանը երկրորդ փուլում հաղթեց կոլումբիացի Ալեհանդրո Ֆալլային (5-7, 6-0, 6-2, 6-0) և այժմ հանդիպելու է ավստրիացի Շտեֆան Կուբեկի հետ: Առաջին փուլում Նալբանդյանն առավելության էր հասել ֆրանսիացի ծագող աստղ Ռիշար Գասկեի նկատմամբ (6-4, 7-5, 7-6 (1)):

Բուլղարահայ Մագդալենա Մալեևան (21-րդ ցանված) երկրորդ փուլում հաղթեց իսպանուհի Մարտա Մարերոյին (7-5, 6-7 (3), 7-5) և հաջորդ փուլում կմրցի ամերիկուհի Մեգան Շոնեսիի հետ: Առաջին փուլում Մալեևան պարտության էր մատնել գերմանուհի Անկա Բարներին (6-2, 6-2):

Անդրե Ագասին (ԱՄՆ) մրցաշարի առաջին փուլի զոհերից էր: Նա զիջեց ֆրանսիացի Ժերոմ Էնելին 4-6, 6-7 (4), 3-6 հաշվով:

Հայաստանը ներկայացնող Սարգիս Սարգսյանը նույնպես պարտություն կրեց առաջին փուլում՝ զիջելով խորվաթ Մարիո Անչիչին (6-7 (4), 6-4, 4-6, 4-6):

Շվեյցարիան ներկայացնող Մարի-Գայանե Միքայելյանն առաջին փուլում զիջեց ռուսաստանցի Մարիա Կիրիլենկոյին (5-7, 6-7 (5)):

Հայ թենիսիստները մասնակցում են նաև զուգախաղերին: Սարգսյանը գերմանացի Կարստեն Բրաաշի հետ առաջին փուլում առավելության է հասել Թրավիս Փարոթ (ԱՄՆ) - Թոմաս Շիմադա (Ճապոնիա) զույգի նկատմամբ (6-3, 6-0):

Երկրորդ փուլում Սարգսյան-Բրաաշ զույգը կմրցի 12-րդ համարի տակ ցանված Ջարեդ Փալմեր (ԱՄՆ) - Պավել Վիզներ (Չեխիա) զույգի հետ:

Մալեևան և կանադուհի Սոնյա Ջեյասիլանն առաջին փուլում զիջեցին Անսլի Քարգիլ (ԱՄՆ) - Նանա Միյագի (Ճապոնիա) զույգին (1-6, հրաժարում):


According to Agnes
 

  Inside
 

Defending Defense: NCI roundtable stirs debate on military matters

Full story

 
 

Built to Last: A Georgian Armenian’s house plans for eternity

Full story

 
 

A Byte with...

A few quotes from artist.

Full story


 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

"Reflections"

 

 





Copyright ArmeniaNow.com 2002-2017. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.