ì»ñç»ñë óÝϳó»É »Ý Ï»Ýë³Ï³Ý ³ÝÑñ³Å»ßïáõÃÛ³Ý ³åñ³ÝùÝ»ñÁ, ³Û¹ ÃíáõÙª ѳóÁ:

76-ամյա թոշակառու Անահիտ Աթոյանի խոսքերոí, եթե առաջ թանկացման լուրն առնելուն պես սկսում էր կառավարությանը հայհոյել, ապա այս անգամ կենսական անհրաժեշտության ապրանքների թանկացման մասին լսելով՝ պարզապես անզորությունից լաց է եղել:

«Բա ինչո՞ւ մինչև ընտրվելը չէին ասում, ինչո՞ւ էին մեզ խաբում», - հարցնում է նա:

Սոցապ, առողջապահության, կապի և տրանսպորտի ոլորտները ներկայացնող նախարարները սառնասրտրոեն հիմնավորում են թանկացումը՝ ասելով, որ կոմունալ ծառայությունները մատուցվում են բնակչությանը ինքնարժեքից ցածր գներով, և եթե դրանք չթանկացվեն, ապա էլեկտրաէներգիա, գազ ու ջուր մատակարարող ոլորտները կհայտնվեն քայքայման եզրին:

Վերջին երկու շաբաթում հանրապետությունում դարձյալ թանկացել են ալյուրն ու հացը: Ալյուրի գինը բարձրացել է 10-15 %-ով (օրինակ՝ նախկինում 8200 դրամ (մոտ 14 դոլար) արժողությամբ ալյուրի պարկը վաճառվում է 9500 դրամով (մոտ 16,5 դոլար)): Հացը թանկացել է 10 դրամով: ¶նի նման աճի պատճառը ԱՄՆ գյուղնախարարության հրապարակած օգոստոսյան զեկույցն է, որի համաձայն աշխարհում ցորենի արտադրությունը մեկ ամսվա ընթացքում նվազել է 11 մլն տոննայով:

Սա բավական էր, որ ցորենի շուկայում ցնցումներ սկսվեն: Սակայն եթե հացի թանկացումը միջազգային շուկայում տիրող վիճակի հետևանք է, այլ է խնդիրը տրանսպորտի ուղեվարձի, էլէկտրաէներգիայի, գազի ու ջրի սակագների թանկացման պարագայում:

Թանկացման մասին առաջինը խոսեց Հայաստանի կառավարությանն առընթեր ջրային ռեսուրսների պետական կոմիտեի նախագահ ¶ագիկ Մարտիրոսյանը: Ըստ նրա, 2004 թվականին 1 խմ խմելու ջրի սակագինը կաճի՝ 56 դրամից (մոտ 9 սենթ) դառնալով 105-120 դրամ (18-20 սենթ): Բայց սա դեռ բոլորը չէ: Պարոն Մարտիրոսյանը համոզված է, որ ջրամատակարարման համակարգը արդիականացնելու համար 1 խմ ջրի սակագինը պետք է հասցնել 250-300 դրամի (մոտ 43-52 սենթ):

Այս տարվա սկզբից բնակչությանը պարտավորեցրին ջրաչափեր տեղադրել (20-25 դոլար արժողությամբ)՝ վստահեցնելով, որ դրանով կապահովվի շուրջօրյա ջրամատակարարում: Այժմ ակնհայտ է, որ այդ ծախսերը վերջինը չեն հայաստանյան ջրային տառապանքների շարքում:

Կենսական անհրաժեշտության ապրանքների գների աճը և կոմունալ ծառայությունների գների սպասվելիք աճը անդրադարձան նաև տրանսպորտի համակարգի վրա: Վերջերս մետրոյի ուղեվարձը բարձրացավ 10 դրամով (7 սենթից հասնելով 9 սենթի):

Սպասվում են էլեկտրաէներգիայի և պրոպան գազի հետագա թանկացումներ, ինչը, ամենայն հավանականությամբ, կհանգեցնի երթուղային տաքսիների և տաքսիների փոËադրավարձի բարձացմանը:

Այսօր 1 խմ պրոպանն արժե 51 դրամ (մոտ 9 սենթ): Միջին ընտանիքն ամսական օգտագործում է մոտ 10-12 խմ պրոպան: Տնտեսագիտության ինստիտուտի որոշ տնտեսագետների հաշվարկով, գազն ու էլեկտրաէներգիան կթանկանան 20-25 %-ով:

«Հայռուսգազարդի» հասարակության հետ կապերի վարչության ղեկավար Շուշան Սարդարյանը նշեց, որ ամենայն հավանականությամբ շուտով կսկսի գործել երկդրույք սակագնային համակարգը:

Դա նշանակում է, որ բացի օգտագործած գազի դիմաց վճարելուց, սպառողը կվճարի նաև գազատարների սպասարկման և պահպանման համար: