ArmeniaNow.com - Independent Journalism From Today's Armenia
 Back to current issue 
 Back to archive 
 September 26, 2003 




Ü»ñáõÅÇ óáõó³¹ñáõÙ. óáõó³Ñ³Ý¹»ëÁ Ó·ïáõÙ ¿ ³ñÃݳóÝ»É ³ñï»ñÏñÇ Ñ»ï³ùñùñáõÃÛáõÝÁ ѳÛÏ³Ï³Ý µÇ½Ý»ëÇ Ýϳïٳٵ


òáõó³Ñ³Ý¹»ëÁ óáõÛó ïí»ó г۳ëï³ÝÇ Ýå³ëï³íáñ Ý»ñ¹ñáõÙ³ÛÇÝ ÙÇç³í³ÛñÁ:

Շուրջ 250 գործարարներ, այդ թվում` 150 սփյուռքահայեր աշխարհի 26 երկրներից (Ռուսաստանից, ԱՄՆ-ից, Սիրիայից, Կանադայից, Ավստրալիայից և այլ երկրներից) իրենց մասնակցությունն էին բերել եռօրյա «ՊանԱրմենիան Էքսպո-2003» ցուցահանդեսին:

Հայաստան-Սփյուռք համաժողովի շրջանակներում անցկացվող ցուցահանդեսի նպատակն էր սփյուռքահայ գործարարներին ներկայացնել Հայաստանը որպես ներդրումային բարենպաստ միջավայր:

Էքսպոյի շրջանակներում Երևանի Կ. Դեմիրճյանի անվան մարզահամերգային համալիրում իրենց արտադրանքն էին ներկայացնում Հայաստանի և Լեռնային Ղարաբաղի 150 ընկերություններ շինանյութի, սննդի, թեթև արդյունաբերության, բարձր տեխնոլոգիաների, ծխախոտի և հրուշակեղենի ոլորտներում:

«Այս համաժողովի նպատակն էր սփյուռքահայ գործարարներին ցույց տալ, որ Հայաստան-2003-ը Հայաստան-1993-ը չէ, - ասում է Հայաստանի զարգացման գործակալության գործադիր տնօրեն Վահագն Մովսիսյանը, - բավական փոփոխություÝներ են տեղի ունեցել երկրում, և այսօր հայաստանյան բիզնեսը մրցունակ է միջազգային տարբեր շուկաներում»:

Ըստ Մովսիսյանի այսօր սփյուռքի տնտեսական ներուժը ներկայացված է Հայաստանում 3-5 տոկոսով, մինչդեռ երկրի տնտեսական միջավայրը հնարավորություն է տալիս իրագործել շատ ավելի մեծ ներդրումային ծրագրեր:

Հայաստան-Սփյուռք առաջին համաժողովը տեղի է ունեցել 1999 թվին, երկրորդը` 2002-ին: Վերջինիս տնտեսական հատվածի աշխատանքների ընթացքում, կարևորելով Հայաստան-Սփյուռք տնտեսական համագործակցության անհրաժեշտությունը, որոշվեց 2003 թվականի սեպտեմբերին Երևանում անցկացնել տնտեսական համաժողով:

«Արձագանքեցին այն գործարարները, որոնք իրոք շահագրգռված են Հայաստանում գործունեություն ծավալելում», - ասում է Հայաստանի առևտրի և տնտեսական զարգացման նախարար Կարեն Ճշմարիտյանը:

Համաժողովի առաջին օրը մասնակիցներին ողջունելու էին եկել Հայաստանի և Լեռնային Ղարաբաղի ղեկավարները:

Իր ողջույնի խոսքում ՀՀ նախագահ Ռոբերտ Քոչարյանը մասնավորապես նշեց, որ արդեն անցել են անկախության ռոմանտիզմի տարիները, երբ մարդիկ համոզված ասում էին, թե միայն «Ջերմուկ» հանքային ջրով կարելի է Հայաստանը պահել։

«Այսօր պարզվում է, որ «Ջերմուկ»-ով Ջերմուկ քաղաքը չենք կարողանում պահել, - իր ելույթում ասաց նախագահը: - Պետք է ճիշտ կողմնորոշվենք, թե ինչ ենք ուզում ու իսկապես ինչ հարստություն ունենք»։

òáõó³¹ñí³Í ¿ÇÝ Ý³¢ ëÝݹ³Ùûñù ¢ ËÙÇãùÝ»ñ:

Նախագահի խոսքերով Հայաստանի հիմնական հարստությունը կրթված ու ձեռներեց ժողովուրդն է:

Իր ելույթում նա նաև կոչ արեց սփյուռքահայ գործարարներին «գործընկեր» դառնալ Հայաստանի համար և այստեղ գործ դնելը համարել լավ ներդրում, և ոչ թե պարզապես հայրենասիրական պարտքի կատարում:

Բեյրութահայ գործարար Հակոբ Լուսարարյանը մի քանի ամիս համագործակցում է հայաստանյան երկու ընկերությունների հետ` Միջին Արևելքում և Լիբանանում ներկայացնելով Հայաստանի «Արզնի» հանքային ջուրն ու «Սիգարոն» ծխախոտը:

«Որպես գործարար ինձ համար տարբերություն չկա, թե որ երկրից եմ ապրանք արտահանում, - ասում է 30-ամյա Լուսարարյանը, - սակայն որպես հայ, իմ հայրենասիրությունն ինձ մղում է Հայաստանում ներդրում կատարելով եկամուտ ստանալ»:

Ըստ նրա Հայաստանի ապրանքատեսակները մեծ հաջողություն կարող են ունենալ այլ երկրներում ճիշտ մարքեթինգի դեպքում:

Ø»Ï ù³ÛÉ ³é³çª ¹»åÇ Ý»ñ¹ñáõÙÝ»ñÁ...

«Հայաստանի գործարարների հետ փոքր-ինչ դժվար է շփում հաստատել, քանի որ բիզնեսի բնագավառում Հայաստանը նոր երկիր է և արտահանման մեծ փորձ չունի»:

Լուսարարյանն ասաց, որ համաժողովի արդյունքում ծանոթացել է ևս մեկ հայաստանյան ընկերության հետ, որի հետ կհամագործակցի հաջորդ ամսվանից:

Ամերիկահայ գործարար Հովսեփ Սեֆերյանի կարծիքով Հայաստանում մեծ ներդրումներ իրականացնելու համար պետք է փոփոխվեն օրենքները:

Եռօրյա քննարկումների ընթացքում սփյուռքահայ գործարարների կողմից եղան և՛ բողոքներ, և՛ գովեստներ, սակայն բոլորն անխտիր նշեցին, որ Հայաստանը գրավիչ երկիր է գործունեություն ծավալելու համար:

Ցուցահանդեսում շատերին հետաքրքրում էր Լեռնային Ղարաբաղի տաղավարը, որտեղ շուրջ 15 արտադրատեսակ էր ներկայացված` պահածոներ, մեղր, բուսական թեյեր, բնական քարեր, փայտե արտադրանք, ձեռագործ աշխատանքներ և ալկոհոլային խմիչքներ: Դրանք գրավեցին այցելուներին իրենց որակով և արտաքին ձևավորմամբ:

«Արցախ-Ալկո» ընկերության գլխավոր տնօրեն Հովիկ Սարգսյանի հավաստմամբ այցելուներից շատերը համոզված էին, որ ընկերության առաջարկած ալկոհոլային խմիչքներն արտադրվում են Հայաստանում, այլ ոչ թե Ղարաբաղում:

«Ղարաբաղի մասնակցությունը ցուցահանդեսին շատ կարևոր էր, քանի որ արտասահմանից ժամանած մեր հյուրերը համոզվեցին, որ Ղարաբաղը արարող և խաղաղ աշխատանքով բարիքներ ստեղծող երկիր է», - ասաց նա:

Վերջին օրը գործարարները տնտեսական համաժողովի արդյունքներն ամրագրեցին հռչակագրով, որի հիման վրա կստեղծվի համաշխարհային հայկական առևտրային ցանց, տնտեսական համաժողովները կկազմակերպվեն երեք տարին մեկ, իսկ ամեն տարի կկազմակերպվեն ցուցահանդեսներ` Հայաստանում կամ աշխարհի խոշոր հայկական գաղութ ունեցող երկրներում:


According to Agnes
 Click here to enlarge.
Click on the photo above to enlarge.

  Inside
 

The Naghdalyan Case: Murder trial moves on with details of meetings and plots

Full story

 
 
 
 

Minding the Media: New law draws protests from journalists

Full story

 
 
 
 

Help for the Hurting: Health care specialists learning new methods of treating childhood depression

Full story

 
 
 



 


The Week in seven days

 
 


The Arts in seven days

 

  Photos of the week
 Click here to enlarge.
Click on the photo above to enlarge.
Click here to enlarge.
Click on the photo above to enlarge.
 
 
 
 

Celebrating independence from construction

On Independence Day (September 21), Yerevan residents got a first look at the newly rebuilt Republic Square. Pavement packers led the parade.

 





Copyright ArmeniaNow.com 2002-2024. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.