ܳ˳å³ïñ³ëïáõÃÛáõÝÁ ٻݳݻñϳ۳óÙ³ÝÁ å³Ñ³ÝçáõÙ ¿ ٻݳݳ˳å³ïñ³ëïáõÙ:

Երևանում բացվել է հայկական թատերական առաջին միջազգային «ԱրմՄոնո» փառատոնը, որը կշարունակվի մինչև շաբաթավերջ՝ հանդիսական-
ներին հրամցնելով տեղի և արտերկրյա դերասանների մենաներկայա-
ցումներ:

Ավելի քան 20 մասնակիցներ Ռուսաստանից, ԱՄՆ-ից, Շվեյցարիայից, ¶երմանիայից, Ուկրաինայից, Մակեդոնիայից, Լիտվայից, Ճապոնիայից, Արգենտինայից և, իհարկե, Հայաստանից կցուցադրեն իրենց արտիստական տաղանդը և փորձի փոխանակում կանցնակցնեն իրենց գործընկերների և երիտասարդ արվեստագետների հետ:

«Քաղաքական գործիչները թեժ քաղաքական աշուն են խոստանում, սակայն ի տարբերություն նրանց, մենք Հայաստանի աշունը թեժ ենք դարձնելու մշակութային առումով», - ասում է «ԱրմՄոնո» փառատոնի կազմակերպիչ, Պարոնյանի անվան թատրոնի գեղարվեստական ղեկավար Երվանդ Ղազանչյանը:

Մենաներկայացումների փառատոնի ավարտին կհաջորդի մեկ այլ՝ «Հայֆեստ» միջազգային թատերական փառատոնը, որը կտևի մինչև հոկտեմբերի 9-ը: Փառատոնի ավարտը կնշանավորվի վերակառուցված թատրոնների բացմամբ Երևանում, ¶յումրիում և Վանաձորում:

Æñ»Ýó ٻݳËáëáõÃÛáõÝÝ»ñÁ Ý»ñϳ۳óÝ»Éáõ ѳٳñ ºñ¢³Ý ¿ÇÝ Å³Ù³Ý»É ¹»ñ³ë³ÝÝ»ñ ÙÇ ù³ÝÇ »ñÏñÝ»ñÇó

«ԱրմՄոնո» փառատոնի մասնակիցների թվում են հանրահայտ դերասաններ և տարբեր միջազգային մրցույթների դափնեկիրներ՝ Բիատա Էլերսը ¶երմանիայից, որն առաջին մրցանակ է շահել Կիևի փառատոնում, Ելենա Լեստնիկովան Ուկրաինայից, որն անցյալ տարի արժանացել է «Լավագույն դերասանուհու» մրցանակին ¶երմանիայում, առաջին մրցանակ շահած Բիրուտե Մարը Լիտվայից և շատ այլ դերասաններ:

«Այս փառատոնը հնարավորություն է տալիս հանդիսականներին վայելելու ներկայացումներ տարբեր դերասանների մասնակցությամբ, իսկ վերջիններիս՝ ցուցադրել իրենց արվեստը և տաղանդն իրենց արտերկրյա գործընկերներին և հանրահայտ փառատոների կազմակերպիչներին», - ասում է փառատոնի գեղարվեստական ղեկավար Հակոբ Ղազանչյանը:

«ԱրմՄոնո» փառատոնի ժյուրիի կազմում են հանրահայտ արվեստագետներ Վալերի Խազանովը Ռուսաստանից, Նինա Մազուրն Ուկրաինայից, Լեոնիդ Զուտովիչը ¶երմանիայից, և հույս կա, որ այսօրինակ շփումները նրանց հետ կարող են հայ արվեստագետներին հրավերներ բերել արտասահմանյան փառատոներից:

Փառատոնի բացման արարողությունը կայացավ Պարոնյանի անվան թատրոնում, որտեղ ողջույնի խոսքերից հետո հյուրերին ներկայացվեց Վարդան Պետրոսյանի «Կրակի մեջ» շոու ծրագիրը, որն օգոստոս և սեպտեմբեր ամիսներին լեփ-լեցուն դահլիճներ էր հավաքել Երևանում:

Վարդան Պետրոսյանը կարևորեց փառատոնի անցկացումը՝ վստահեցնելով, որ այն մեծ նշանակություն ունի ոչ միայն հայ հանդիսականի, այլև արտերկրյա հյուրերի համար:

«Թվում է, թե այստեղ ոչ մի հետաքրքիր բան չկա զարգացած երկրներից ժամանած օտարազգի արվեստագետների համար, որոնք ապրում են ապահով կյանքով: Սակայն տեխնոլոգիաների այս ահավոր դարաշրջանում նրանք կարոտ են հոգու, որը դեռ չի մահացել մեր արվեստում», - ասաց Պետրոսյանը: