ºñÏáõ ³ëïÕ»ñÁ å³ïñ³ëïíáõÙ »Ý óïñáÝÇ åñ»ÙÇ»ñ³ÛÇÝ:

Վաղը՝ սեպտեմբերի 6-ին, երկու տարվա վերակառուցումից հետո Երևանի պետական տիկնիկային թատրոնը կհյուրընկալի թատերական այս սեզոնի առաջին ներկայացման իր փոքրիկ հանդիսատեսին:

Տիկնիկային թատրոնն առաջինն է, որտեղ ավարտվել են Հայաստանի թանգարանների և թատրոնների վերակառուցման «Լինսի» հիմնադրամի բազմամիլիոնանոց ծրագրի աշխատանքները:

Տիկնիկային թատրոնը հիմնադրվել է 1935 թվականին և մինչև 1975 թվականը գտնվում էր Թումանյան փողոցի վրա: Այդ տեղափոխումից հետո անցած 30 տարիների ընթացքում թատրոնի շենքը չի վերանորոգվել:

«Շատ դժվար էր աշխատել թատրոնում, քանի որ բացակայում էին աշխատանքի տարրական պայմանները: Աղքատիկ տեխնիկական սարքավորման պատճառով մենք մեր ներկայացումներն ավելի հետաքրքիր դարձնելու շատ քիչ հնարավորություն ունեինք», - ասում է թատրոնի տնօրեն Ռուբեն Բաբայանը:

Այսօր թատրոնը համալրված է ժամանակակից ձայնային և լուսային սարքավորումներով, որոնք ներկայացումները կդարձնեն ավելի գրավիչ և բարձրորակ: Բեմն այժմ մեխանիկական է, որտեղ կարող են բեմադրվել ինչպես տիկնիկային, այնպես էլ դրամատիկ ներկայացումներ:

îÇÏÝÇϳÛÇÝ Ã³ïñáÝÇ ¹»ñ³ë³ÝÝ»ñÁ ϳß˳ï»Ý í»ñ³Ýáñá·Ñí³Í 300-ï»Õ³Ýáó ¹³ÑÉÇ×áõÙ:.

Երեխաները և ծնողները հիմա կարող են նստել միասին 305-տեղանոց դահլիճում, և բարձր ու ցածր աթոռների շնորհիվ կարող են նստել կողք-կողքի: Նախկինում ծնողները նստում էին իրենց երեխաներից առանձին դահլիճի վերջում: Թատրոնի կարևոր մասը, որտեղ ներկայացումները ստանում են իրենց առաջին շունչը, թատրոնի թևերն են, որտեղ դերասանները հիմա կարող են հարմարավետ պայմաններում վայելել իրենց հանգիստը և անգամ ցնցուղ ընդունել:

Տիկնիկային թատրոնը միշտ էլ եղել է մի վայր, որտեղ երեխաները զգացել են իրենց ինչպես մի գունագեղ հեքիաթում: ԵրեխաներÁ քաջալերում են ներկայացման հերոսներին, դիտողություններ են անում և նույնիսկ քննադատում են:

«Երեխաների համար ներկայացում բեմադրելն ավելի դժվար է, քան մեծահասակների համար: Թատրոնն ամբողջությամբ շինծու է, սակայն այն պահանջում է դերասաններից լինել լիովին անկեղծ, այլապես երեխաները չեն հանդուրժի սուտը և կսկսեն խոսել այդ մասին նույնիսկ ներկայացման ժամանակ», - ասում է Բաբայանը:

Բաբայանը վերհիշում է իրավիճակներ, որոնք չեն հանդիպում մեծահասակների թատրոնում, սակայն հաճախակի են տիկնիկայինում: Օրինակ՝ երբեմն երեխաները փորձում են օգնել ներկայացումների հերոսներին: Մի անգամ մի փոքրիկ աղջնակ կոնֆետ բերեց տիկնիկներից մեկին և ասաց. - «Ես քեզ շատ եմ սիրում: Վերցրու սա ու կեր»:

Թատրոնն ունի ձեռագործ տիկնիկների հարուստ թանգարան և շուտով մոտ 300 ձեռագործ հայկական և այլ երկրների տիկնիկներ կցուցադրվեն առաջին հարկի սրահում:

Սեպտեմբերի ընթացքում ներկայացումներ կցուցադրվեն միայն շաբաթ և կիրակի օրերին: Տոմսի գինը 300 դրամ է (մոտ 60 սենթ): Հոկտեմբերից ներկայացումները կլինեն ամեն օր, բացի երկուշաբթի օրերից: