 |
|
ÈdzñÅ»ù
ÑÇÝ·ª ãáñë
·áÉÇ Ñ³Ù³ñ
|
Անցյալ ուրբաթ Վազգեն Սարգսյանի անվան մարզադաշտում
ԵՎՐՈ-2004-ի ընտրական փուլում Հայաստանի ֆուտբոլի
հավաքականի անցկացրած վերջին խաղը Իսպանիայի թիմի
հետ ավարտվեց պարտությամբ ջախջախիչ չոր հաշվով՝
0-4:
Խաղը Հայաստանի թիմի համար ոչ մի նշանակություն
չուներ, քանի որ նախորդ պարտություններն արդեն զրկել
էին մեր թիմին հաջորդ տարի Պորտուգալիայում անցկացվելիք
ԵՎՐՈ-2004-ի եզրափակիչ փուլին մասնակցելու իրավունքից:
Աշխարհի ուժեղագույն թիմերից մեկից՝ Իսպանիայից,
պահանջվեց ընդամենը յոթ րոպե, որպեսզի Խուան Վալերոնը
խփի առաջին գոլը, որը բավական կլիներ Հայաստանի
թիմին հաղթելու համար:
Սակայն դաշտի տերերը հավաքեցին իրենց արագ գոլից
հետո և, դարպասապահ Ռոման Բերեզովսկու փայլուն խաղից
ոգևորված, փորձեցին դիմադրություն ցույց տալ Ռաուլի
նման միջազգային աստղերով համալրված իսպանացիների
թիմին:
Հայ ֆուտբոլիստները 69 րոպե կասեցնում էին իսպանացիների
գրոհները մինչև Ռաուլի խփած երկրորդ գոլը, որից
հետո Հայաստանի թիմը կոտրվեց և սկսեց խաղալ «այլևս
կորցնելու բան չկա» սկզբունքով, որի արդյունքը դարձան
87-րդ և 90-րդ րոպեին Ռեյեսի խփած երկու գոլերը:
Չնայած Երևանում ձեռք բերած հաղթանակին՝ Իսպանիան
դեռ իր համար տեղ չի ապահովել ԵՎՐՈ-2004-ում: Նոյեմբերին
Իսպանիայի թիմը պետք է երկու հանդիպում անցկացնի
Նորվեգիայի թիմի հետ:
|
Copyright