Üáñ³Ûñ êï»÷³ÝÛ³ÝÁ ¢ Ýñ³ Ýáñ §ÓdzáõÅ»ñÁ¦

Թբիլիսիում անցկացված ձիասպորտի Կովկասի գավաթի խաղարկության գլխավոր մրցանակին տիրացավ երևանցի Նորայր Ստեփանյանը: Հոկտեմբերի 25-30-ը կայացած մրցաշարին մասնակցում էին մոտ 70 ձիավարներ Վրաստանից, Ադրբեջանից և Հայաստանից:

«Հնարավոր է՝ այլազգի մասնակիցների մոտ զարմանք կար, երբ անհատական մրցաշարում երեք գլխավոր տեղերն էլ գրավեցին հայ ձիավարները», ասում է Հայաստանի հավաքականի ղեկավար Ստեփանյանը, որը նաև Երևանում վերաբացված ձիասպորտի կենտրոնի տնօրենն է:

Այս տարածաշրջանային մրցաշարում Հայաստանը ներկայացնում էին 6 մարզիկներ՝ հոկտեմբերի սկզբին Հայաստանում անցկացված համանման առաջնության հաղթողները:

«Եթե վրացիներն ու ադրբեջանցիները աչքի էին ընկնում իրենց լավ ձիերով, - ասում է Հայաստանի հավաքականի մարզիչ Մերուժան Մելքոնյանը, - ապա մենք առանձնանում էինք մեր պատրաստված, ուժեղ ձիավարներով»:

Հայ ձիավարները փաստորեն գրավեցին ամբողջ մրցանակային պատվանդանը. Ստեփանյանից հետո երկրորդ և երրորդ տեղերը գրավեցին Ռոբերտ Խաչատրյանը և ¶ևորգ Հովհաննիսյանը:

Իր հաղթանակի համար Նորայր Ստեփանյանն արժանացավ գլխավոր մրցանակին՝ կարմիր «ԲեԷմՎե 316» ավտոմեքենային:

Թիմային հաշվարկում Հայաստանի հավաքականը երկրորդն էր՝ տանտերերից հետո:

«Թիմային պայքարում ևս հաղթելու լավ հնարավրություն ունեինք, սակայն անբարենպաստ եղանակի պատճառով գրավեցինք երկրորդ տեղը: Բացի այդ, մի բան էլ պետք է թողնեինք մյուսներին, չէ՞», կատակեց Ստեփանյանը:

Ստեփանյանը հույս հայտնեց, որ հայ ձիավարների հաջողությունը կխթանի ձիասպորտի զարգացումը Հայաստանում:

«Այսօր մենք արդեն նախապատրաստվում ենք դուրս գալու միջազգային ասպարեզ, - ասում է Ստեփանյանը: - Հաջորդ տարի տեղի են ունենալու Օլիմպիական խաղերը, և մենք մտադրվել ենք մասնակցության իրավունք նվաճել»: