²Ûë §Ù³ñßñáõïϳݦ ¹³ñÓ»É ¿ лñ³óÇ ÷áÕáóÇ íñ³ í»ñçÇÝ ³ÙÇëÝ»ñÇÝ ï»ÕÇ áõÝ»ó³Í ãáññáñ¹ íóñÇ å³ï׳éÁ ¢ ½áÑÁ

Այս շաբաթ
Երևանում տեղի ունեցած խոշոր ավտովթարը բևեռեց հասարակության ուշադրությունը գերլցված միկրոավտոբուսների, տրանսպորտային խցանումների, ինչպես նաև նման վթարները հնարավոր դարձնող տրանսպորտային համակարգի խրոնիկական պրոբլեմների վրա:

Երկուշաբթի օրը ցերեկը տեղի ունեցած վթարի հետևանքով զոհվեցին հինգ հոգի: Վնացվածքներ ստացած 13 հոգի տեղափոխվեցին հիվանդանոց: Չորեքշաբթի օրը զոհերի թիվն ավելացավ մեկով, երբ ստացված վնասվածքներից հիվանդանոցում մահացավ երթուղային տաքսու վարորդ 45-ամյա Դավիթ Մանուկյանը: Նրա վարած համար 81 երթուղային տաքսին, որն Ավանից հասնում է Էրեբունի, Հերացու փողոցով իջնելիս շուռ է եկել և բախվել Կորյունի փողոցում կայանված չորս մարդատար մեքենաների:

Սկզբում հայտարարվեց, որ վթարի պատճառը արգելակների խափանումն է եղել: Սակայն վարորդ Մանուկյանի մահից հետո պաշտոնական վարկածն այժմ այն է, որ վարորդը պարզապես կորցրել է վերահսկողությունը մեքենայի նկատմամբ՝ վերջինիս գերլցված լինելու պատճառով:

14 մարդու համար նախատեսված «ՌԱՖ» մակնիշի միկրոավտոբուսը (որը հայտնի է այստեղ իր ռուսական «մարշրուտկա» անվանումով) 17 ուղևոր էր տեղափոխում: Թեև ոստիկանությունը քննադատում է Մանուկյանին թույլատրվածից ավելի ուղևոր փոխադրելու համար, բոլորն էլ գիտեն, որ ընդամենը երեք ավելորդ ուղևորն ավելի քիչ է, քան սովորաբար տանում են երթուղայինները:

Երկուշաբթի օրվա վթարը այդ նույն փողոցում վերջին ամիսների երթուղային տաքսիների չորրորդ վթարն է, որը մարդկային կյանքեր է խլում:

ì»ó Ñá·Ç ½áÑí»É »Ý ¢ 12-Á íݳëí³Íù »Ý ëï³ó»É ³Ûë íóñÇ Ñ»ï¢³Ýùáí

Անկախացումից հետո մայրաքաղաքում երթևեկող միկրոավտոբուսների քանակը 200-ից հասել է ավելի քան 2000-ի: Քաղաքապետարանի տրանսպորտի վարչության հավաստմամբ բազմաթիվ այլ միկրոավտոբուսներ գործում են ապօրինի, այսինքն՝ կա՛մ արտոնագիր չունեն, կա՛մ էլ վարորդները վարորդական վկայական չունեն:

Վեց կյանք խլած վթարի պատճառը ապօրինի կերպով երթուղի դուրս եկած միկրոավտոբուսն է եղել. վարորդը երթուղով երթևեկելու համար արտոնագիր չի ունեցել:

Վթարի կապակցությամբ ձերբակալվել է համար 81 երթուղին շահագործելու իրավունք ստացած «Ջ. Ֆիդանյան» ՍՊԸ-ի տնօրեն Ջիվան Ֆիդանյանը՝ թույլ տված խախտումների համար:

Միջադեպից հետո ոստիկանությունը սկսել է ստուգել միկրաովտբուսները: Երկուշաբթի օրվա վթարից հետո գերլցված միկրոավտոբուսները կանգնեցնում են, առգրավում են վարորդական վկայականները կամ էլ մեքենան տանում են տուգանային հրապարակ:

Միկրոավտոբուսների վարորդները գանգատվում են, որ իրենք ստիպված են լցնել իրենց մեքենաները հնարավորին չափ շատ ուղևորներով, որպեսզի ծածկեն իրենց ծախսերը: Օրինակ՝ ամսական հարկը մոտ 50 դոլար է (երթուղային տաքսու փոխադրավարձը 100 դրամ է՝ մոտ 16 սենթ):

ºñ¢³ÝÇ ÷áÕáóÝ»ñáõÙ ã³÷Çó ³í»ÉÇ ß³ï »Ý ÙÇÏñá³íïáµáõëÝ»ñÁ

«Պատճառն այն է, որ մենք ուզում ենք քիչ թե շատ նորմալ ապրել, - ասում է 37-ամյա վարորդ Կարեն Սերոբյանը: - Բացի պետական հարկերից վճարում ենք մեքենայի վարձակալության համար, նաև՝ երթուղագծի տիրոջը, դիսպետչերին, արդյունքում մեզ համարյա ոչինչ չի մնում: Դրան ավելացրած, որ մեքենայի անսարքության դեպքում մեր գրպանից ենք վճարում նորոգման համար»:

Վարորդներն ասում են, որ երեքշաբթի օրվանից ոստիկանության ձեռնարկած խիստ միջոցառումները ձևական բնույթ են կրում:

Հայաստանի ոստիկանության ներկայացուցիչ Սայաթ Շիրինյանն ասում է, որ իրենք միշտ պայքարում են գերլցված երթուղային տաքսիների դեմ:

Շիրինյանը նաև ասում է, որ տրանսպորտային երթևեկության ընդհանուր աճման հետ (այդ թվում՝ երթուղային տաքսիների) աճել է նաև երկուշաբթի օրվա վթարի նման մի քանի մեքենաների մասնակցությամբ վթարների թիվը: Նրա հավաստմամբ դա մասամբ բացատրվում է վերջին շրջանում քաղաքի փողոցների վերակառուցմամբ:

«Ստացվում է, որ ճանապարհները նորոգվեցին, որպեսզի վերականգնվի նորմալ երթևեկությունը, բայց դա էլ խթան հանդիսացավ վթարների քանակի աճմանը», ասում է նա՝ ավելացնելով, որ փողոցների նորոգումից հետո վարորդներն ավելի արագ են քշում:

2003 թվականի առաջին ինն ամիսների ընթացքում տեղի է ունեցել 695 ճանապարհատրանսպորտային պատահար, որի ընթացքում մահացել են 174 հոգի, իսկ 884-ը ստացել են մարմնական վնասվածքներ: