¶áÉÇ Ñ»ÕÇÝ³Ï ²Õí³Ý ØÏñïãÛ³ÝÁ è»ÛÏÛ³íÇÏáõ٠ϳ۳ó³Í ˳ÕáõÙ:

«Փյունիկ» ֆուտբոլային ակումբը դուրս եկավ ՈՒԵՖԱ-ի չեմպիոնների լիգայի որակավորման երկրորդ փուլ այն բանից հետո, երբ չորեքշաբթի օրը Ռեյկյավիկի «Լաուգարդասֆոլուր» մարզադաշտում 1-1 հաշվով ոչ-ոքի խաղաց «Ռեյկյավիկ» ակումբի հետ:

Հայ ֆուտբոլիստները դաշտ էին դուրս եկել փոքր առավելությամբ իրենց իսլանդացի մրցակիցների նկատմամբ. մեկ շաբաթ առաջ կայացած առաջին խաղում նրանք հաղթել էին 1-0 հաշվով: «Ռեյկյավիկին» առնվազն երկու գոլի առավելությամբ հաղթանակ էր պետք «Փյունիկի» արգելքը հաղթահարելու և հաջորդ փուլ դուրս գալու համար:

Չնայած իր առավելությանը «Փյունիկը» չանցավ պաշտպանության և ձեռնարկեց մի քանի վտանգավոր գրոհներ: Դրանցից մեկն Աղվան Մկրտչյանի հարվածից հետո պսակվեց գոլով 72-րդ րոպեին:

Տանտերերը հավասարեցրին հաշիվը 80-րդ րոպեին, երբ Բյարկի ¶ունլաուգսոնն իրացրեց 11-մետրանոց տուգանային հարվածը:

Ընդհանուր 2-1 հաշիվը թույլ տվեց «Փյունիկին» կրկնելու իր անցյալ տարվա հաջողությունը, երբ երևանցիները 6-0 ընդհանուր հաշվով հաղթեցին Ֆինլանդիայի «Տամպերե յունայթիդ» թիմին: («Փյունիկը» դուրս մնաց ՈՒԵՖԱ-ի մրցաշարից՝ հաջորդ փուլում զիջելով Կիևի «Դինամոյին»:)

Երկրորդ փուլում «Փյունիկը» հաջորդ չորեքշաբթի Երևանում կընդունի Սոֆիայի ԲԿՄԱ թիմին: