Անցյալ շաբաթավերջին Հայաստանի Առաջին որդի Սեդրակ Քոչարյանը
Երևանում ամուսնացավ Զառա Բադալյանի հետ: Արարողությունը փակ էր լրագրողների համար, ëակայն ոչ վետերան լրագրող Նաիրա Մանուչարովայի համար:

Նաիրայի հոդվածն արդեն հայտնվել է «ԱրմենաիՆաուի» էջերում՝ նախագահ Ռոբերտ Քոչարյանի և հավակնորդ Ստեփան Դեմիրճյանի փետրվարյան հեռուստաբանավեճի վերլուծությամբ:

Իր ներկա հոդվածով նա անդրադառնում է շատ ավելի կարևոր մի իրադարձության՝ նախագահական ամուսնությանը:

²é³çÇÝ áñ¹ÇÝ ¢ ²é³çÇÝ Ñ³ñëÁ:

Քաղքենիներին պետք է որ հետաքրքրի, թե ինչով է նախագահական հարսանիքը տարբերվում մյուս հարսանիքներից: Քանի որ ոչ մի քաղքենի բան օտար չէ մեզ, մենք կփորձենք ձեզ ներկայացնել, թե ինչպես անցավ այն՝ Հայաստանի Հանրապետու-
թյան նախագահ Ռոբերտ Քոչարյանի ավագ որդի Սեդրակ Քոչարյանի հարսանիքը... Սեդրակի և Զառայի պսակը տեղի ունեցավ հարսանիքների անցկացման սիրված վայրում՝ Էջմիածնի ս. Հռիփսիմեի եկեղեցում: Չկային «հատուկ էֆեկտներ» կամ իշխանական հանդիսություններին ուղեկցող այլ արարողություններ:

Նորապսակների համար լիմուզին էին վարձել, սակայն դա էլ Երևանում արդեն արտասովոր մի բան չէ, քանի որ դրանք սովորաբար կայանված են լինում Աբովյան փողոցի վրա գտնվող «Աստաֆյան» հյուրանոցի մոտ:

Հարսանեկան բանկետը նույնպես չարդարացրեց քաղքենիների ակնկալիքները: Այն անցավ «Նոր Ձորաբերդ» ռեստորանի հսկայական դահլիճում, և թեև մեզնից բոլորը չեն կարող իրենց նման բան թույլ տալ, մայրաքաղաքում շատ են այնպիսիք, որոնք նախագահազարմ չլինելով, կարող են այստեղ անցկացնել իրենց հանդիսությունները: Հսկայական դահլիճը լեփ-լեցուն էր, ինչը կարել էր ակնկալել՝ հաշվի առնելով, որ փեսացուն Առաջին որդին էր, իսկ հարսնացունª խորհրդարանի պատգամավոր Վլադիմիր Բադալյանի դուստրը:

Հյուրերի մեջ ներկայացված էին բոլոր քաղաքական խմբակցությունները: Ինքը նախագահը հրավիրել էր վարչակազմի միայն մի քանի անդամների, վարչապետին և խորհրդարանի խոսնակին: Շուրջ 400 հրավիրված հյուրերի թվում էին նաև Հայաստանի մի քանի դեսպաններ արտերկրում:

Հարսանեկան հանդեսի սկզբում (որը, հաշվի առնելով ամուսանցողներին, բավականին համեստ էր) նորաթուխ տեր և տիկին Քոչարյանները իրենց տեղերն էին զբաղեցրել ճաշակով զարդարված բեմի վրա կնքահոր՝ պաշտպանության նախարար Սերժ Սարգսյանի կողքին:

Առաջին հայրը խոսքով հանդես չեկավ և թույլ տվեց, որ անընդհատ երաժշտությունն ու պարերը որոշեն իր որդու ամենամեծ օրվա տրամադրությունը: Այն էլ ավելի բարձրացավ, երբ բեմում հայտնվեցին Հայկոն և Թաթան:

Ցուցամոլություն ակնկալողները հուսախաբված կհեռանային. սեղանները չէին ճկռում ուտեստների առատությունից, խավիարը տակառներով չէին մատուցում, ոչ էլ թառափը՝ արծաթե սկուտեղներով:

Ամենահաս «¶րանդ քենդին» զգացրեց իր ներկայությունը հարսանյաց հանդեսում՝ հրավիրվածներին նվիրելով շոկոլադե սալիկներ, որոնց վրա նորապսակների անուններն էին, նրանց սիրո կարճ պատմությունը և ամուսնական երջանկության մի բաղադրատոմս:

Եթե չհաշվենք հրավիրված հյուրերի անվանացանկը, ապա հանդեսում շատ չէին բաները, որոնք պատահականորեն այստեղ հայտնված մարդուն կստիպեին իրեն օտար զգալ: Շատ քիչ էր նաև բամբասանքի նյութը:

Եվ խոսելով ավանդույթներից շեղումների մասին՝ բացակայում էր հարսնացուի սեղանի մոտ հերթի կանգնած նվիրատուների շքերթը: Իհարկե, պետք է լինեին պատշաճ մատուցված նվերներ, սակայն հավաստի աղբյուրից մեզ հայտնի դարձավ, որ Պետության ղեկավարը խստորեն «պատվիրել» էր հյուրերին չվերածել միջոցառումը Շեֆին քծնելու հնարավորության: Առաջին կեսրայրը հինգ ժամ շարունակ նախագահավայել մասնակցեց հանդեսին, մինչև որ բերեցին ավանդական տորթը: Եվ անգամ տորթը շեղում էր ավանդույթից՝ այն իսկապես համեղ էր: