Միսս Հայաստան, Միսս ուսանողուհի, Միսս գարուն, Միսս ամառ, Միսս ջրաշխարհ, Միսս էլչգիտեմինչ... ¶եղեցկության նման մրցույթների կուլտուրան ակտիվորեն թափանցում է Հայաստան արևմտյան մշակույթի այլ ասպեկտների հետ, և օրեցօր դրանք ավելի ու ավելի մեծ ժողովրդականություն են ձեռք բերում:

Հուլիսի 15-ի երեքշաբթի օրը Երևանի և Հայաստանի մեծաքանակ «միսս»-երի բանակը համալրվեց ևս մեկով՝ Միսս կարաոկե 2002/2003:

Մոռացեք այն ամենը, ինչ գիտեք կարաոկեի մասին: Մոռացեք Կամերոն Դիազին «Իմ լավագույն ընկերոջ հարսանիքը» ֆիլմում: Այս միջոցառումը և դրան մասնակցող մարդիկ ոչ մի կապ չունեն սիրողական կատարումների հետ, որոնց սովորաբար ականատես ենք լինում կարաոկե սրճարաններում:

Úáà »ñ·ãáõÑÇÝ»ñ Ù³ëݳÏó»óÇÝ ÙñóáõÛÃÇÝ, áñå»ë½Ç å³ñ½»Ý, û áí ¿ ¹³éݳÉáõ γñ³áÏ»Ç Ã³·áõÑÇÝ:

Սրճարանում այս գեղեցիկ ձայները լսելուց հետո մարդիկ մի ավելորդ անգամ կմտածեն՝ մինչև կարաոկեյում նորից երգելը, գոնե ոչ սթափ վիճակում:

Մրցույթը տեղի ունեցավ Երևանի կարաոկե բարերից մեկի՝ «Ակումբ 15»-ի բացօթյա սրճարանում:

Մրցույթի գաղափարը պատկանում է «Ակումբ 15»-ի բարմեն Մարտին Կարապետյանին: Դեմտեմբերյան մի օր նա որոշեց մի փոքր մրցույթ կազմակերպել պարզապես հյուրերին զվարճացնելու համար: ¶աղափարն այն էր, որ 100 միավոր վաստակած մասնակիցն արժանանում էր փոքր մրցանակի:

Օրը վերածվեց ամսվա, ամիսը՝ մեկ այլ ամսվա, և այդպես «Ակումբ 15»-ը սկսեց երևանյան փողոցներից մեկի իր բացօթյա սրահում անցկացնել այս անսովոր միջոցառումը:

«Ոչ ոք չէր հավատում, որ կստացվի, բայց ստացվեց», - ասում է Կարապետյանը:

Մրցույթում երգում էին յոթ մասնակիցներ, որոնք ճանաչվել էին դեկտեմբերից հունիս ընկած յոթ ամիսներից յուրաքանչյուրի լավագույն կատարող:

Ձայնագրությունների փոխարեն հնչում էին իսկապես ուժեղ և գեղեցիկ ձայներ: Եթե չլիներ մեծաթիվ հանդիսականների առաջ առաջին անգամ ելույթ ունեցող մասնակիցների ակնհայտ հուզմունքը, կարելի էր մտածել, որ դա սիրված հայ երգիչների համերգ է:

ØÇëë γñ³áÏ» 2002/2003-Á ߳ѻó áõÕ»·Çñ ê¢ Íáí »ñÏáõ Ñá·áõ ѳٳñ:

Մրցույթը բաղկացած էր երեք բաժնից: Վերջին բաժնում մասնակիցները պետք է երգեին առանց երաժշտական նվագակցության, որպեսզի հյուրերը (իսկ վերջում նրանք պետք է քվեարկեին) կարողանային ավելի լավ կողմնորոշվել յոթ մասնակիցներից լավագույնին ընտրելիս:

«Կարո՞ք եք Հայաստանում արդար ընտրությունների որևէ օրինակ բերել: Ամեն դեպքում, ինձ հաջողվեց դրանք թափանցիկ դարձնել», - ասում է Կարապետյանը՝ ակնարկելով վերջերս անցած խախտումներով հարուստ ընտրությունները:

«Այս մրցույթի լավն այն է, որ այն տաղանդներ է բացահայտում: Ոմանք կարող են շարունակել երգչի կարիերան, իսկ ոմանք, գիտեմ, արդեն առաջարկներ են ստացել: Բոլորը կարող են փորձել երգել առանց դրա համար վճարելու», - ասում է մասնակիցներից մեկը՝ Սյուզաննա Մորսիկյանը, որը ճանաչվեց «Միսս հյութեղ» (հյութեր արտադրող ընկերության հովանավորած մրցույթի նոմինացիայում):

Մրցույթի հաղթող Նարինե Մնացականյանը երգեց հայկական ժամանակակից և ժողովրդական երգեր, այդ թվում՝ հայկական ռադիոկայանների ամենասիրված երգերից մեկը՝ «Կարոտը»:

Միսս կարաոկե 2003-ն արժանացավ հաղթողի թագին և երկու հոգու համար նախատեսված ուղեգրի Սև ծով: