Թենիս
(ՊԹԱ մրցաշար)
Ե՛վ Դավիթ Նալբանդյանը, և՛ Սարգիս Սարգսյանը պարտություն
են կրել փետրվարի 24-ից մինչև մարտի 2-ը Մեքսիկայի
Ակապուլկո քաղաքում անցկացվող միջազգային մրցաշարի
երկրորդ փուլում:
Խաղալով գրունտային ծածկույթի վրա՝ Սարգսյանն
առաջին փուլում 6-3, 6-0 հաշվով պարտության է մատնել
Ալբերտ Մոնտաչեսին: Սակայն երկրորդ փուլում՝ խաղալով
չիլիացի Ֆերնանդո ոնսալեսի հետ, զիջել է 1-6, 6-3,
6-7 հաշվով:
Երկրորդ համարի տակ ցանված Նալբանդյանն առաջին
փուլում 3-6, 6-1, 6-4 հաշվով պարտության է մատնել
138-րդ տեղը զբաղեցնող չիլիացի Նիկոլաս Մասսուին:
Սակայն երկրորդ փուլում մատնվել է անհաջողության՝
7-6 (5), 0-6, 0-6 հաշվով պարտվելով իր հայրենակից
Մարիանո Զաբալետային (47-րդ տեղ):
Նման պատկեր էր Արգենտինայում անցկացված «Copa
AT&T» միջազգային մրցաշարում, որն ավարտվեց անցյալ
շաբաթ: Առաջին և երկրորդ փուլերում հաղթանակ տանելուց
հետո, Նալբանդյանը քառորդ եզրափակիչում 6-3, 3-6,
6-7 (5) հաշվով զիջեց արգենտինացի իլերմո Կորիային
(22-րդ տեղ):
Նալբանդյանի և Սարգսյանի՝ Մեքսիկայի մրցաշարում
հավաքած 5-ական միավորները առայժմ չեն ընդգրկվել
հաշվարկի մեջ, քանի որ մրցարշարը դեռ շարունակվում
է:
Ներկայումս, ՊԹԱ-ի չեմպիոնների մրցույթում Նալբանդյանը
59 միավորով 12-րդ տեղից իջել է 13-րդը:
Ֆուտբոլ (Հայաստանի բարձրագույն խումբ)
Հայաստանի ֆուտբոլի ֆեդերացիայի (ՀՖՖ) գործադիր
կոմիտեն հաստատել է անցյալ շաբաթ կարգապահական կոմիտեի
կայացրած որոշումը Հայաստանի ֆուտբոլի ամենահայտնի
ակումբին՝ «Արարատին», բոլոր ակումբային և առաջնության
խաղերին մասնակցելու իրավունքից զրկելու մասին:
Գործադիր կոմիտեն հայտարարել է, որ մեկ տարվա
արգելք է դնելու Երևանի «Արարատի» վրա:
Այդ որոշման պատճառն այն էր, որ «Արարատի» ղեկավարությունը
չէր համաձայնել Իսրայելի հետ ընկերական հանդիպումների
համար ազգային հավաքականին մեկ և երիտասարդական
հավաքականին չորս խաղացողներ տրամադրել:
|