Փոքրիկ խանութի պատերը վերից վար ծածկված են տարբեր թելերով ու գործվածքներով

Մինչ շատերը ողջունում են
Երևանի Հյուսիսային պողոտայի երկար սպասված շինարարությունը, այս առաջընթացն իր հետ տհաճ անակնկալ է բերում Աբովյան փողոցի կենտրոնում տեղակայված առնվազն մեկ ընտանեկան բիզնեսին:

Շրջապատված նախկին խանութների պատերով՝ Հայրապետյան ընտանիքի «Թելերե խանութը դիմանում ու շարունակում է գոյատևել:

Հայրապետյանները 1994 թվականին հիմնադրած իրենց փոքրիկ խանութը վերածել են հյուսքի մի իսկական թանգարանի, որտեղ ներկայացված են երեք սերունդ մայրերից դուստրերին անցած հմտության արգասիքը հանդիսացող գործեր: Այս գողտրիկ քարե տաղավարը դարձել է տեղացիների ու զբոսաշրջիկների սիրած վայր:

Կառուցապատման ծրագրի իրականացման գրասենյակը (ԾԻԳ) 5000 դոլար է առաջարկում Հայրապետյաններին մայրաքաղաքի գլխավոր
առևտրական շրջանում գտնվող նրանց 8 քմ տարածքով խանութի դիմաց:

Վերջին անգամ Հայրապետյանները մերժել են ԾԻԳ-ի առաջարկը անցյալ շաբաթ և այժմ սպասում են դատարանի վճռին (որը հավանաբար կկայացվի հաջորդ շաբաթ), այնպես որ «Թելերե խանութը կարող է մի քանի օրից դադարեցնել իր գոյությունը:

Ընտանիքի մերժման հիմքում պարզապես սենտիմենտալ զգացմունքերը չեն. նրանք ասում են, որ առաջարկված փոխհատուցման գումարն իրատեսական չէ: Համաձայնության չգալով Հայրապետյանների հետ՝ ԾԻԳ-ը հայց է ներկայացրել դատարան:

Հայրապետյանների շահերը ներկայացնող փաստաբան Արման Զրվանդյանը հավաստիացնում է, որ Հայրապետյաններին առաջարկված գումարը բավական չէ նույնիսկ ծայրամասում նման չափերի տարածք ձեռք բերելու համար (չխոսելով այն մասին, որ խանութն այժմ գտնվում է լավագույն առևտրական թաղամասում):

Աբովյան փողոցի այս գողտրիկ խանութի օրերը հաշված են

«Սեփականատիրոջ իրավունքն է չհամաձայնել առաջարկին, - ասում է Զրվանդյանը: - Մենք պահանջում ենք, որ կա՛մ Երևանի կենտրոնական փողոցներից մեկում տարածք տրամադրվի Հայրապետյաններին իրենց բիզնեսը շարունակելու համար, կա՛մ տրվի այնպիսի փոխհատուցում, որով նրանք կարողանան այդպիսի տարածք գնելե:

Մանյա Հայրապետյանն ասում է, որ իրենք չեն ձգտում խոչընդոտ դառնալու քաղաքի կառուցապատման ծրագրերին, սակայն միևնույն ժամանակ չեն ցանկանում, որ իրենց շահերը ոտնահարվեն:

«Լինելով հայրենասեր` միանշանակ հասկանում ենք, թե ինչ կարևոր կառուցապատում է իրականացվում այստեղ, սակայն ինչու՞ պետք է դա արվի մեզ վնաս հասցնելով, - ասում է Մանյան: - Սա միայն անշարժ գույք չէ, այլև բիզնեսի աղբյուր է, որը աշխատանք է ապահովում շուրջ երկու տասնյակ հայ կանանց համարե:

Մանյան ասում է, որ իրենց ընտանիքն արդեն տուժել է Հյուսիսային պողոտայի կառուցապատումից, երբ քանդվել է իրենց 26 քմ տարածքով տունը: Ընտանիքին վճարել են 7200 դոլար, սակայն նրանք պնդում են, որ ավելի փոքր տներ ունեցած որոշ ընտանիքներ ավելի մեծ փոխհատուցում են ստացել:

«Շատ ցավալի էր, երբ ավելի քիչ տարածք ունեցող այն բնակիչներին, որոնք բողոքարկեցին որոշումը, կրկնակի ավելի գումար տրամադրեցին, - ասում է Մանյան: - Այս անգամ թույլ չենք տա, որ ոտնահարեն մեր շահերըե:

Լավագույն դեպքում Հայրապետյաններին կհաջողվի գոյատևել մինչև տոնական սեզոնի վերջը: Հարևանությամբ գտնվող «Պապագալոե հագուստի խանութին, որը բաժանված է «Թելերե խանութից արդեն դատարկված գորգերի խանութով, տարածքն ազատելու համար ժամանակ է տրվել մինչև հունվարի 1-ը:

Մինչ «Թելերե և «Պապագալոե խանութները պայքարում են իրենց տանիքների համար, նրանց հետևում գտնվող հին Երևանի մի քանի տներ սպասում են, թե երբ կթակեն իրենց դռները և կպահանջեն ազատել տարածքը:

Այդ տներից մեկը պատկանում է 59-ամյա Ռոբերտ Աղաջանյանին:

«Երբ նայում ենք շրջապատի ավերածություններին, թվում է, թե մի պարան էլ մեր վիզն են գցել, - ասում է Ռոբերտը, - բայց չգիտես՝ աթոռը տակիցդ կքաշեն, թե պարանը կկտրենե: