ܳ˳·³Ñ ²ÉÇ¢Á (³çÇó) »ñÏáõß³µÃÇ ûñÝ Çñ áñ¹Ç ÆÉѳÙÇÝ (Ï»ÝïñáÝáõÙ) Ýß³Ý³Ï»ó ²¹ñµ»ç³ÝÇ í³ñã³å»ï:

Հայաստանում Միացյալ Նահանգների արտակարգ և լիազոր դեսպան Ջոն Օրդուեյը երեքշաբթի օրը հույս հայտնեց, որ ԵԱՀԿ Մինսկի խմբի շրջանականերում ղարաբաղյան խաղաղ կարգավորմանն ուղղված գործընթացը տարեվերջին կակտիվանա՝ անկախ Ադրբեջանում հնարավոր իշխանափոխությու-
նից:

Մինսկի խմբի ամերիկացի, ֆրանսիացի և ռուսաստանցի համանախագահները մտադիր էին Ղարաբաղի հարցի կարգավորման բանակցությունները ակտիվորեն շարունակել Հայաստանում և Ադրբեջանում նախագահական ընտրություններից հետո: Այսօր այլևս ակնհայտ է, որ Ադրբեջանի հաջորդ նախագահը կարող է Հեյդար Ալիևը չլինել:

Թուրքիայի զինվորական հոսպիտալներից մեկում բուժվող Հեյդար Ալիևի առողջական վիճակի մասին հակասական տեղեկություններ են հաղորդվում, իսկ երեկ էլ արձակուրդից հետ կանչված Ադրբեջանի խորհրդարանը երկրի վարչապետի պաշտոնում Հեյդար Ալիևի առաջարկությամբ հաստատել է վերջինիս որդուն՝ Իլհամ Ալիևին:

Օրդուեյի խոսքերով, անկախ այն բանից, թե Ադրբեջանում ով կգա իշխանության գլուխ, բանակցությունները կշարունակվեն:

«Եվ հասկանալի է, որ այդ բանակցությունները չեն կարող վակուումի վրա կառուցվել: Բնականաբար դրանք հիմնվելու են անցյալի քննարկումների, անցյալի բանակցությունների և այն հենքի վրա, որ անցյալ տարիների ընթացքում արդեն ստեղծվել է, - ասաց դեսպանը: - Մեզ միայն մնում է սպասել և տեսնել, թե գործընթացը երբ կարող է ակտիվանալ: Հուսով ենք, որ դա կլինի տարեվերջին»:

Դեսպանի կարծիքով, համանախագահները հիմնվելու են այնպիսի սկզբունքների վրա, որոնք, իրենց կանխատեսումներով, իրագործելի են և կտանեն կարգավորման խաղաղ, կայուն և երկարատև տարբերակի:

Ջոն Օրդուեյը ընդգծեց, որ Լեռնային Ղարաբաղի հարցում ԱՄՆ-ի մոտեցումները, դիրքորոշումը որևէ փոփոխության չեն ենթարկվի, ինչպես նաև չի փոփոխվի ԱՄՆ-ի ներգրավվածությունը խաղարարար գործընթացում:

Դեսպանը խուսափեց պատասխանել հարցերին, որոնք վերաբերում էին Հեյդար Ալիևի առողջական վիճակին, նրա որդու՝ վարչապետի պաշտոնում հաստատվելուն, Ադրբեջանում հնարավոր զարգացումներին՝ ասելով, սոսկ, թե ԱՄՆ-ը ցանկանում է, որ Ադրբեջանում ամեն ինչ կատարվի երկրի Սահմանադրությանը և օրենքներին համապատասխան:

«Մեզ համար շատ կարևոր է, որ հրադադարը շարունակվի, և ամբողջ սահմանագծով պահպանվի կայունությունը», - ավելացրեց նա: