λÝïñáÝÇ ïÝûñ»Ý ²ñ¢ÇÏ ê³ñǵ»ÏÛ³ÝÁ (Ó³ËÇó) Ï»ÝïñáÝÇ ³é³çÇÝ ³Ûó»ÉáõÝ»ñÇó Ù»ÏǪ гÝñ³å»ï³Ï³Ý Ïáõë³ÏóáõÃÛ³Ý ³Ý¹³Ù Ðáíë»÷ ²í³·Û³ÝÇ Ñ»ï:

Երևանում բացվել է նոր կենտրոն, որը կոչված է օժանդակելու Հայաստանում զգալի չափերի հասած կոռուպցիայի դեմ պայքարին:

Հակակոռուպցիոն ï»Õ»Ï³ïí³Ï³Ý կենտրոնի բացումը, որը գործում է «Տարածաշրջանային զարգացման կենտրոն/Թրենս-
փերենսի ինթերնեյշնլ» (ՏԶԿ/ԹԻ) կազմակերպության հայաստանյան մասնաճյուղի հովանու ներքո, տեղի ունեցավ անցյալ շաբաթ:

Արդարադատության նախարար Դավիթ Հարությունյանը բացման արարողության ժամանակ հավաստեց, որ «կառավարությունը հաստատակամ է կոռուպցիայի դեմ անհաշտ պայքար մղելու իր որոշման մեջ, սակայն նրա ջանքերն արդյունավետ չեն լինի առանց հանրության ակտիվ օժանդակության»:

Կենտրոնի հիմնադիրները հույս ունեն ապահովել նման օժանդակություն՝ բարձրացնելով հասարակության տեղեկացվածությունը:

ՏԶԿ/ԹԻ կազմակերպությունը հիմնվել է Հայաստանում անցյալ տարի՝ նպատակ ունենալով նպաստելու թափանցիկ և հաշվետու կառավարմանը, կանխելու պետական պաշտոնյաների կոռուպցիան, հետաքննելու կոռուպցիայի դեպքերը և հրապարակելու այն մարդկանց անունները, ովքեր օգուտ են քաղում ուրիշների հաշվին:

«Կենտրոնի հարուստ գրադարանը բաց է բոլոր նրանց համար, ովքեր ցանկանում են համապատասխան տեղեկություններ ստանալ», - ասում է կենտրոնի տնօրեն Արևիկ Սարիբեկյանը՝ ավելացնելով, որ կենտրոնը կազմակերպելու է վերապատրաստման դասընթացներ մասնագետների և հասարակական կազմակերպությունների համար:

Հակակոռուպցիոն կենտրոնի առաջին այցելուներից էր Հովսեփ Ավագյանը Հանրապետական կուսակցությունից:

«Կոռուպցիան Հայաստանում հասել է իր գագաթնակետին, երբ ոչ միայն շարքային քաղաքացիները, այլ նաև քաղաքական գործիչները չգիտեն, թե ինչպես պայքարեն դրա դեմ: Կարծում եմ, որ կենտրոնը հատկապես օգտակար կլինի երիտասարդների և ուսանողների համար», - ասում է Ավագյանը:

Հայ և միջազգային վերլուծաբանները հավաստում են, որ կոռուպցիան խանգարում է օտարերկրյա ներդրումներին Հայաստանում և հանդիսանում է միջազգային հանրության կողմից Հայաստանը ռիսկի հետ կապված շուկա դիտելու հիմնական պատճառը:

Ըստ «Իքոնոմիսթ ինթելիջենս յունիթ» (Economist Intelligence Unit) ամսագրի վերջերս հրապարակած զեկույցի, 2002 թվականի առաջին եռամսյակի ընթացքում Հայաստանում արվել է խղճուկ 19 միլիոն դոլարի արտասահմանյան ուղիղ ներդրում, ինչը գրեթե 50 տոկոսով åաÏաս է նախորդ տարվա նույն ժամանակաշրջանի համեմատությամբ:

Չնայած բարենպաստ, շուկայական տնտեսությանն ուղղված օրենսդրական դաշտին, օտարերկրյա ընկերությունները չեն շտապում ներդրումներ անել Հայաստանում, որովհետև օրենքները շատ վատ են կիրարկվում և իրագործվում:

Հայաստանում լայնորեն տարածված է այն կարծիքը, որ ներկա տնտեսական միջավայրում անհնար է զգալի հարստություն կուտակել օրինական գործ վարելով, և որ հարստության կուտակումը ենթադրում է կոռուպցված պաշտոնյաների առկայություն:

«Կոռուպցիան նախ և առաջ խանգարում է փոքր և միջին բիզնեսին, - ասում է Կիևյան փողոցի վրա գտնվող նպարեղենի խանութի սեփականատեր Վարդգես Սիմոնյանը: - Կոռուպցիան կաշառք տալն ու վերցնելը չէ, կոռուպցիան այն է, երբ օլիգարխների մի փոքր խմբի շահերը գերակայում են երկրի շահերի և տնտեսական զարգացման նկատմամբ»:

Հայաստանի կառավարությունը հայտարարել է, որ կոռուպցիայի դեմ պայքարն իր գերակայությունների թվում է:

Ստեղծվել է հակակոռուպցիոն հանձնաժողով, որպեսզի արագացվի նոր օրենսդրության ընդունումը, որը կոչված է արմատախիլ անելու կաշառակերությունը և ծանոթություններով գործն առաջ տանելու համակարգը և անցկացնելու պետական ապարատի արմատական վերակառուցում՝ բյուրոկրատական քաշքշուկը վերացնելու նպատակով:

Անցյալ տարի ՏԶԿ/ԹԻ կազմակերպության անցկացրած հարցումը ցույց է տվել, որ պատասխանողների 96 տոկոսը կոռուպցիան լուրջ խնդիր է համարում Հայաստանում: Պատասխանողների կարծիքով կոռուպցիայի հիմնական պատճառը պետական պաշտոնյաներն են: Հարցումը նաև ցույց է տվել, որ պետական պաշտոնյաների 54 տոկոսի կարծիքով կոռուպցիայի մակարդակը վերջին հինգ տարում աճել է:

«Թրենսփերենսի ինթերնեյշնլ» կազմակերպության մասնագետների կարծիքով իրենց անցկացրած հարցման ամենավտանգավոր արտահայտությունն այն էր, որ միայն մի քանի պատասխանողներ ասացին, որ կհայտնեին կոռուպցիայի դեպքերի մասին համապատասխան մարմիններին:

Երևանի հակակոռուպցիոն կենտրոնը դարձավ յոթերորդ նմանատիպ կենտրոնը հետխորհրդային հանրապետություններում:

Մոտ ժամանակներս կենտրոնը կպատրաստի կոռուպցիայի կանխմանը նվիրված մի շարք տեսահոլովակներ: Մինչև 2004 թվականը կենտրոնի հինգ մասնաճյուղերը կբացվեն Հայաստանի մարզերում: