²ñÙ»Ý ê³ñ·ëÛ³ÝÁ Ù»Õ³¹ñíáõÙ ¿ Ñ»éáõëï³Éñ³·ñáÕ îÇ·ñ³Ý ܳչ³ÉÛ³ÝÇ Ù³Ñí³Ý Ù»ç:

Երեքշաբթի օրը սկսվեց Հանրային հեռուստառադիոյի խորհրդի նախագահ Տիգրան Նաղդալյանի սպանության գործի դատավարությունը: Նաղդալյանը սպանվել էր անցյալ տարվա դեկտեմբերի 28-ին Երևանի Զաքյան փողոցում գտնվող ծնողների բնակարանից դուրս գալիս:

Այս սպանությունը մեծ աղմուկ բարձրացրեց Հայաստանի քաղաքական շրջանակներում: Լրագրող Նաղդալյանը նախագահ Ռոբերտ Քոչարյանի ակտիվ կողմնակիցներից էր, և ըստ էության այդ պաշտոնին էր նշանակվել նախագահի կողմից: Նրա սպանությունը տեղի ունեցավ նախագահական ընտրական քարոզարշավը սկսվելուց ընդամենը մի քանի շաբաթ առաջ և հիմք ծառայեց ենթադրությունների համար, իբր սպանությունը պատվիրել էին ընդդիմադիր կուսակցությունները:

Ավելի ուշ երևան եկած վարկածով Նաղդալյանին սպանել էին, քանի որ նա կարևոր տեղեկություններ ուներ հոկտեմբերի 27-ին Ազգային ժողովում տեղի ունեցած սպանությունների մասին և հրավիրվելու էր վկայություն տալու, ինչը կարող էր ենթադրել կառավարության որոշ անդամների մեղսակցությունը սպանություններին:

Սպանված վարչապետ Վազգեն Սարգսյանի եղբայր գործարար Արմեն Սարգսյանը սպանության մեջ 13 մեղադրվողներից մեկն է: Ըստ քրեական գործի նյութերի Արմեն Սարգսյանը 75000 դոլար է վճարել Նաղդալյանին սպանելու համար:

Նախագահական ընտրությունների նախնական արդյունքները հայտարարելուց մի քանի ժամ առաջ գլխավոր դատախազությունը հայտարարություն արեց սպանության բացահայտման մասին:

Դրանից մոտ 10 օր հետո հայտարարվեց Արմեն Սարգսյանի մեղսակցության մասին, ինչը դրդեց նրա եղբորը՝ նախկին վարչապետ Արամ Սարգսյանին, հայտարարություն անել իր եղբոր անմեղության մասին:

Նաղդալյանի գործի դատավարության բացման օրը մեծ թվով մարդիկ էին հավաքվել, այդ թվում՝ սպանվածի հայրը, քույրը, այրին և գործընկերները:

Ներկա էին նաև քաղաքական գործիչներ, որոնց թվում էին «Արդարություն» դաշինքի ղեկավար (և նախկին նախագահական թեկնածու) Ստեփան Դեմիրճյանը, Շավարշ Քոչարյանը, Արշակ Սադոյանը և Ռաֆֆի Հովհաննիսյանը:

«Ես հաստատ համոզված եմ, որ կատարողներն այդ մարդիկ են, - ասել է զոհի հայրը՝ Հովհաննես Նաղդալյանը: - Ես սպանողին անձամբ եմ տեսել մեր բակում պտտվելիս: Ինքն էլ հաստատել է, որ եղել է այնտեղ»:

Մեղադրյալների մեջ է Ջոն Հարությունյանը՝ ղարաբաղցի չորս ամբաստանյալներից մեկը: Ենթադրվում է, որ Նաղդալյանի հայրը հենց նրան է տեսել:

«Պատվիրատուի հարցում ես առայժմ ոչինչ չեմ կարող ասել, մինչև Արմեն Սարգսյանը չխոսի այդ մասին: Ես այդ մասին հետո կխոսեմ, եթե հարկ լինի: Իհարկե գիտեմ ովքեր են, բայց այսօր չեմ կարող ասել», - ասաց նա:

Ըստ մեղադրական եզրակացության սպանության մոտիվն է «շահադիտական նկատառումները» և «հոկտեմբերի 27-ի վերաբերյալ Տիգրան Նաղդալյանի վարած հեռուստահաղորդումները և նրա ծառայական գործունեությունը», սակայն Հովհաննես Նաղդալյանին կապը խորհրդարանի սպանություններին այնքան էլ համոզիչ չի թվում:

«Դեռ լրիվ չեմ կարող ասել, որովհետև ինչ-որ կասետի անուն են տալիս, 27-ի դեպքերն են կապում անհիմն», - ասում է Նաղդալյանը:

Դատարանում Արմեն Սարգսյանի շահերի ներկայացուցիչ, փաստաբան Ռոբերտ ¶րիգորյանի գնահատմամբ սպանության մոտիվը, ըստ գործում եղած նյութերի, ենթադրություն է, ինչը չի կարող դրվել մեղադրանքի հիմքում, բայց այս դեպքում դրվել է:

«Քրեական գործում չկան սպանության մոտիվը հաստատող ապացույցներ», - ասում է փաստաբանը:

ܳËÏÇÝ í³ñã³å»ï ²ñ³Ù ê³ñ·ëÛ³ÝÁ (³çÇó), ì³½·»Ý ¢ ²ñÙ»Ý ê³ñ·ëÛ³ÝÝ»ñÇ »Õµ³ÛñÁ, ËáëáõÙ ¿ Ù»Ï ³ÛÉ ²ñ³Ù ê³ñ·ëÛ³ÝÇ (ݳËÏÇÝ Ý³Ë³·³Ñ³Ï³Ý ûÏݳÍáõ) Ñ»ï: лïÇÝ åɳÝáõÙ è³ýýÇ ÐáíѳÝÝÇëÛ³ÝÁ ËáëáõÙ ¿ ݳ˳·³Ñ³Ï³Ý ûÏݳÍáõ êï»÷³Ý ¸»ÙÇñ×Û³ÝÇ Ñ»ï:

Արամ Սարգսյանը դատարան է եկել ևս մեկ անգամ հայտարարելու, որ իր եղբայրն անմեղ է, ասելով, որ Արմեն Սարգսյանը «քաղաքականության հետ ոչ մի կապ չունի»:

Դահլիճում տիրող ընդհանուր մթնոլորտը Արամ Սարգսյանին ստիպեց զուգահեռներ անցկացնել այս և հոկտեմբերի 27-ի դեպքերի հետ կապված Նաիրի Հունանյանի և նրա հանցակիցների դատավարության միջև:

«Մեկուսարանում եղբորս տեղավորել են «27»-ի ամբաստանյալների կողքին: Հենց այս դահլիճում, նույն տեղում, որտեղ Հունանյանն է նստում, Արմենին նստեցնելը հիշեցնում է, որ որոշ մարդիկ որոշակի շեղումներ ունեն», - ասաց նա:

Սարգսյան ընտանիքի շահերը ներկայացնող ռուս փաստաբան Օլեգ Յունոշևն առաջինն էր, որ կապեց Նաղդալյանի սպանությունը և հոկտեմբերի 27-ի դեպքերը: Յունոշևը համոզված է, որ եթե գործով պոտենցիալ վկա Նաղդալյանն արդեն վկայություն տված լիներ, ապա նրան չէին սպանի:

Այն ժամանակ Յունոշևին քննադատեցին նման դրամատիկ հայտարարության համար, և հարց առաջ քաշեցին, թե ինչու դա տեղի ունեցավ նախընտրական արշավի մեկնարկից անմիջապես առաջ:

Այժմ, սակայն, այդ հնարավոր կապը մեծ հետաքրքրություն կներկայացնի, երբ հաջորդ շաբաթ վերսկսվի Նաղդալյանի գործի դատավարությունը: