Ծանրամարտ (Եվրոպայի առաջնություն)

Two-time champion Danielyan finished second.

Երեք հայ մարզիկներ մասնակցեցին ապրիլի 12-20-ը Հունաստանի Լուտրակի քաղաքում կայացած Եվրոպայի ծանրամարտի առաջնությանը, որին մասնակցում էին 32 երկրներից ժամանած 139 ծանրամարտիկներ:

Հայ մասնակիցներից լավագույն ելույթն ունեցավ Եվրոպայի կրկնակի չեմպիոն Աշոտ Դանիելյանը: Մրցելով 105-ից բարձր քաշային կարգում՝ Դանիելյանը գրավեց երկրորդ տեղը ռուսաստանցի Եվգենի Չիգիչևից հետո:

Երկու ծանրամարտիկներին էլ ցույց տվեցին 447,5 կիլոգրամ արդյունք պոկում և հրում վարժությունների գումարում, սակայն առաջին տեղը շնորհվեց ռուսաստանցուն, քանի որ Դանիելյանի անձնական քաշն ավելի մեծ էր:

77 կիլոգրամ քաշային Գևորգ Ալեքսանյանը 11 ծանրամարտիկների մեջ գրավեց 5-րդ տեղը՝ 340 կիլոգրամ ցուցանիշով: Այդ կարգում հաղթող ճանաչվեց բուլղարացի ծանրամարտիկ Գեորգի Մարկովը՝ 367 կիլոգրամ ցուցանիշով:

Տիգրան Քամալյանը ներկայացնում էր Հայաստանը 85 կիլոգրամ քաշային կարգում: 18 մասնակիցների մեջ նա կարողացավ գրավել միայն 14-րդ տեղը՝ 340 կիլոգրամ ընդհանուր ցուցանիշով, ինչը 42,5 կիլոգրամով զիջում է հաղթող բուլղարացի Զլատան Վանևի ցուցանիշին:

Առաջնությունում Հայաստանի թիմը 178 միավորով գրավեց 14-րդ տեղը:

Ֆուտբոլ (ՖԻՖԱ-ի աղյուսակ)

Համաձայն ՖԻՖԱ-ի ապրիլ ամսվա աղյուսակի, 204 թիմերի մեջ Հայաստանի ֆուտբոլի ազգային հավաքականը 421 միավորով զբաղեցնում է 105-րդ տեղը (առաջին տեղում ընթացող Բրազիլիան ունի 849 միավոր):

Աղյուսակի միջին մասում գտնվող այս ցուցանիշը երեք հորիզոնականով գերազանցում է խաղաշրջանի սկզբում թիմի գրաված 107-րդ տեղը:

Մարտին Հայաստանի հավաքականն իջավ 113-րդ տեղ, սակայն Հյուսիսային Իռլանդիայի հանդեպ տարած հաղթանակից հետո բարձրացավ մինչև իր ներկա դիրքն աղյուսակում:

ֆուտբոլ (բարձրագույն խումբ)

Ավարտվել են Հայաստանի բարձրագույն խմբի առաջին երկու փուլերը:

Առաջնության ընթացակարգը փոխելուց հետո ակումբների քանակը կրճատվել է: Ըստ նոր կարգի, Հայաստանի առաջնությանը մասնակցում են ութ ակումբներ` «Փյունիկ», «Միկա», «Կոտայք», «Լեռնագործ», «Շիրակ», «Բանանց», Երևանի «Դինամո-2000» և Արարատի «Արաքս» ֆուտբոլային ակումբները:

«Զվարթնոց» և նորակազմ «Արմավիր» ֆուտբոլային ակումբներին չի թույլատրվել մասնակցել բարձրագույն խմբի խաղերին, քանի որ նրանք չեն մուծել անդամավճարը: Երևանի «Արարատ» ֆուտբոլային ակումբը որակազրկվել է Հայաստանի ֆուտբոլի ֆեդերացիայի կողմից:

Աղյուսակը ներկայումս հետևյալ տեսքն ունի:

Ակումբներ	Խաղ	Հաղթ.	Ոչ ոքի	Պարտ.	Խփած գնդակներ	Բաց թողած գնդակներ	Միավ.	Զբաղեցրած տեղը
«Միկա»	2	2	0	0	5	1	6	1
«Կոտայք»	2	2	0	0	3	0	6	2
«Փյունիկ»	2	1	1	0	2	0	4	3
«Լեռնագործ»	2	1	0	1	4	2	3	4
«Շիրակ»	2	1	0	1	1	2	3	5
«Բանանց»	2	0	1	1	0	2	1	6
«Դինամո»	2	0	0	2	0	2	0	7
«Արաքս»	2	0	0	2	1	7	0	8