Երբ այս տարվա սկզբին Մամուլի համաշխարհային ասոցիացիան
հրապարակեց իր հեղինակավոր «Տարվա լուսանկար» մրցույթի
արդյունքները, հաղթողը հայկական անուն ուներ՝ Էրիկ
Գրիգորյան:
32-ամյա Էրիկ Գրիգորյանն Ամերիկա տեղափոխված իրանահայ
է: Սակայն դա ոչինչ չի ասում նրա մասին.
«Ինձ համար շատ սովորական բան էր Հայաստանը ներկայացնող
լուսանկարի տակ իմ ստորագրությունը դնել, - ասաց
Գրիգորյանը, - Չնայած Հայաստանից չեմ, բայց հայ
եմ: Ես ինձ հայ եմ զգում: Երբ ինձ հարցնում են ազգությունս,
ես միշտ պատասխանում եմ՝ «հայ», երբեք չեմ ասում
«ամերիկացի», որովհետև դա է իմ մշակույթը, իմ աշխարհայացքը:
Եվ ես ուզում եմ, որ մարդիկ իմանան, որ ես հայ եմ»:
Կալիֆոռնիայի համալսարաններում ֆոտոժուռնալիզմ
սովորելուց հետո, Գրիգորյանն աշխատում էր Լոս Անջելեսի
«Դեյլի նյուս» թերթում՝ որպես արտահաստիքային թղթակից,
իսկ հետո սկսում է լուսանկարներ անել ամսագրերի
համար:
Անցյալ տարվա վերջին, մրցանակը շահած լուսանկարն
անելուց ոչ շատ առաջ, րիգորյանը սկսում է համագործակցել
«Փոլարիս իմիջիզ» ընկերության հետ:
Հունիսի 23-ին Գրիգորյանը Թեհրանում էր, երբ Իրանի
հյուսիսում երկրաշարժ տեղի ունեցավ:
«Մենք զգացինք երկրաշարժը, և հետագայում իմացանք,
որ այն տեղի է ունեցել Թեհրանից շատ հեռու, և որ
շատ մարդիկ են զոհվել: Որոշեցի գնալ այնտեղ ընկերոջս
հետ: Տեղ հասնելուն պես՝ գնացինք գերեզմանատուն:
Երեկո էր: Առաջին բանը, որ տեսա, հուղարկավորների
մոտ կանգնած մի տղա էր...»
Գրիգորյանը կստանա իր մրցանակն ապրիլի 27-ին Ամստերդամում:
|