ArmeniaNow.com - Independent Journalism From Today's Armenia
May 7, 2004




Բնակարանային վեճ. ընտանիքին սպառնում է վտարում

Լևոն Գալստյանի ընտանիքը փախստական է ոչ թե պատերազմի, այլ բնական աղետի հետևանքով: Նրանք վերաբնակվել են Գյումրիից 1988 թվականի դեկտեմբերի 9-ին. դրանից երկու օր առաջ երկրաշարժը հիմնովին ավերել էր նրանց տունը:
«Եգիպտացորենի կողրը»

Ընտանիքը տեղափոխվել է
Երևան և բնակություն է հաստատել Երիտասարդության պալատի «եգիպտացորենի կողր» անունով հայտնի հյուրանոցի շենքում:

Ղարաբաղի շուրջ հայ-ադրբեջանական հակամարտության սաստկացմանը զուգահեռ հյուրանոցի շենքում բնակություն են հաստատել նաև Ադրբեջանից փախած հարյուրավոր հայեր: Տասնհինգ տարի անց Գալստյաններին և փախստականներին տուն ծառայած շենքը սեփականաշնորհվել է: Քսանինը փախստական ընտանիքների վճարել են 5000-ից 10000 դոլար շենքից դուրս գալու դիմաց:

Գալստյանները ոչինչ չեն ստացել: Երեք անդամից բաղկացած ընտանիքին սպառնում է անապաստան դառնալու ճակատագիրը, եթե տնտեսական դատարանը որոշում չկայացնի, որ Գալստյաններն իրավասու են տեղահանման փոխհատուցում ստանալու Երևանի անշարժ գույքի գներով:

Իշխանության ներկայացուցիչներն ասում են, թե Գալստյանները պետք է վերադառնան Գյումրի և այնտեղ դիմեն բնակարանի համար:

«Մենք 15 տարի ապրել ենք Երևանում և այստեղ աշխատանք ունենք,- ասում է Լևոն Գալստյանը: - Գյումրիում ո՛չ աշխատանք կունենանք, ո՛չ տուն: Մեր ուզածը միայն փոխհատուցումն է: Մարդկություն չէ փոխհատուցում տալ բոլոր բնակիչներին, բացի մեզնից: Եթե մենք փախստականի կարգավիճակ չունենք, դա չի նշանակում, որ պետք է հայտնվենք փողոցում»:

Երիտասարդության պալատի անվճարունակության հարցերով տնօրեն Լևոն Հովհաննիսյանն ասում է, որ Գալստյանները ոչ թե պետք է անհանգստանան անապաստան մնալու համար, այլ վերադառնան Գյումրի, որտեղ իրավասու կլինեն բնակարան ստանալ երկրաշարժից տուժածներին տրվող օգնության ծրագրի շրջանակներում:

«Ոչ ոք չի պատրաստվում նրանց փողոց շպրտել: Վիճակն այնպիսին չէ, իբր նրանք գնալու տեղ չունեն: Խնդիրն այն է, որ նրանք չեն ուզում լքել
Երևանը,- ասում է Հովհաննիսյանը: - Գյումրեցի այլ ընտանիքներ համաձայնել են վկայական ստանալ և մեկնել: Չկա այդպիսի օրենք, որ եթե մարդ ինչ-որ ժամանակ ապրում է ինչ-որ քաղաքում և աշխատանք ունի այդտեղ, ապա նա կարող է հավակնել բնակվելու այդ քաղաքում»:

43-ամյա Լևոնը, նրա 50-ամյա քույր Սուսաննան և նրանց 83-ամյա մայրն ապրում են Երիտասարդության պալատի հյուրանոցի 310 համարում: Կրթությամբ երաժիշտ Լևոնն ամեն շաբաթավերջ վաճառում է Գյումրիում ապրող եղբոր նկարները: Սուսաննան աշխատում է գրադարանում:

«Երևանի իմ աշխատանքը պահում է իմ և եղբորս ընտանիքները,- ասում է Լևոնը: - Ի՞նչ պիտի անենք, եթե կորցնեմ աշխատանքս»:

Գալստյանները երևի նորից տեղափոխվեն

Լևոնը և նրա մայրը գրանցված են Գյումրիում, իսկ Սուսաննայի անձնագրում գրանցում կա այն մասին, որ նա բնակվում է Երիտասարդության պալատում գտնվող 20 քմ տարածքով բնակարանում: Հովհաննիսյանը կասկածներ ունի, թե ինչպես է նա կարողացել փաստաթուղթ ունենալ առ մշակույթի և երիտասարդության հարցերով նախարարությանը պատկանող սեփականության մասին:

Գալստյանները պնդում են, որ Գյումրիի իրենց գրանցումով կարող են բնակարանի համար ստանալ ընդամենը 3000 դոլար:

«Մենք չենք կարող 3000 դոլարով բնակարան գնել ո՛չ Երևանում, ո՛չ Գյումրիում,- ասում է Լևոնը (Երևանում մեկ սենյականոց բնակարանի միջին գինը 7000 դոլար է): - Բացի այդ, ես արդեն ճշտել եմ, Գյումրիում բնակարանի վկայական ստացած երկու հազար ընտանիք կա առանց բնակարանի: Իմ եղբայրն էլ երկրաշարժից հետո վկայական ստացավ, բայց այդպես էլ չկարողացավ բնակարան գտնել և այժմ Գյումրիում ապրում է «դոմիկում»»:

Գալստյանների հայցը հիմա դատարանում է: Լևոնն ասում է, որ իրենք քիչ հույս ունեն, թե վճիռն իրենց օգտին կլինի:

«Ընտանիքին չորս ամսով անվճար բնակարան են առաջարկել, մինչև իրենց վկայականով բնակարան գտնեն, բայց իրենք մերժել են»,- ասում է տնտեսական դատարանի դատավոր Կարինե Պետրոսյանը:

Ընտանիքի ունեցվածքը հյուրանոցի միջանցքում է, իսկ իրենք փորձում են շարունակել ապրել համարում:

Երիտասարդության պալատը, որի կազմում են 500 տեղանոց հյուրանոցը, 1200 տեղանոց համերգասրահը, մարզասրահներ և ձայնագրման ստուդիաներ, հունվարին 740 հազար դոլարով վաճառվել է «Դայմլեր-Կրայսլեր» ընկերության դիստրիբյուտոր «Ավանգարդ մոթորզ» ընկերությանը: Ընկերությունը մտադիր է 5 միլիոն դոլար հատկացնել շենքի նորոգմանը, սակայն հավատացնում է, որ կպահպանի շինության եզակի կերտվածքը:


According to Agnes
 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

Jewelry-2004

International annual exhibition Jewelry-2004 was opened May 6 presenting works of some 50 jewelry-making and diamond-cutting companies. Among guests was President Robert Kocharyan who expressed his high appreciation of the works of Armenian jewelers.

 

 




Copyright ArmeniaNow.com 2002-2017. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.