ArmeniaNow.com - Independent Journalism From Today's Armenia
March 5, 2004



Սպորտ. սեղանի թենիսի հավաքականը շարունակում է իր հաղթարշավը


Այս շաբաթ Քաթարի Դոհա քաղաքում մեկնարկած աշխարհի սեղանի թենիսի 47-րդ թիմային առաջնությանը մասնակցող 86 հավաքականների թվում է նաև Հայաստանի տղամարդկանց հավաքականը:

Հայաստանի հավաքականը, որի կազմում են Դավիթ Սարգսյանը, Մուրադ Ասատրյանը, Մեսրոպ Ղուկասյանը և Սամվել Վարդանյանը, հաղթանակի է հասել առաջնության չորրորդ խմբում անցկացրած բոլոր չորս խաղերում: Հայ թենիսիստներն այժմ շարունակում են պայքարը 48-րդ տեղի համար:

Փոքր ռակետի հայ վարպետները հանդես են գալիս L խմբում Ալժիրի, Լիբանանի, Տաջիկստանի և տանտերերի՝ Քաթարի հավաքականների հետ: Նրանք հաղթել են իրենց բոլոր մրցակիցներին՝ շահելով խաղացած 12 մրցամարտերից 10-ը:

Ներկայացնում ենք արդյունքները.

Հայաստան - Քաթար՝ 3-2
Հայաստան - Ալժիր՝ 3-0
Հայաստան - Լիբանան՝ 3-0
Հայաստան - Տաջիկստան՝ 3-0:

Առաջնությունը շատ բարդ կանոնակարգ ունի: Դրանով է բացատրվում, որ Հայաստանը կարող է լավագույն դեպքում գրավել 48-րդ տեղը: Ըստ հունվարին անցկացված համակարգչային դասակարգման, թիմերը բաշխվել են հինգ ենթախմբերի՝ բարձրագույն, առաջին, երկրորդ, երրորդ և չորրորդ:

Բարձրագույն ենթախմբի թիմերը պայքարում են 1-12-րդ տեղերի համար, առաջին ենթախմբի թիմերը՝ 13-24-րդ, երկրորդ ենթախմբի թիմերը՝ 25-35-րդ, իսկ երրորդ ենթախմբի թիմերը՝ 36-47-րդ տեղերի համար:

Չորրորդ ենթախմբի թիմերը գրավում են 48-86-րդ տեղերը: Դրանք բաժանված են ութ խմբերի և այդ խմբերի հաղթողներն իրավունք են վաստակում պայքարելու 48-55-րդ տեղերի համար:

Հայաստանը, որը սեղանի թենիսի միջազգային ֆեդերացիայի աղյուսակում ներկայումս գրավում է 103-րդ հորիզոնականը, այս շաբաթավերջին մյուս յոթ խմբերի հաղթողների հետ պայքարելու է լավագույն տեղերի համար:

Թենիս (ՊԹԱ մրցաշար)

ՊԹԱ-ի մրցաշարում Հայաստանի միակ ներկայացուցիչ Սարգիս Սարգսյանը Դուբայի թենիսի մրցաշարի առաջին փուլում 3-6, 1-6 հաշվով տանուլ տվեց ութերորդ համարի տակ ցանված հոլանդացի Սյենգ Շալկենին:

Արգենտինահայ Դավիթ Նալբանդյանը, չնայած ցանված էր չորրորդ համարի տակ, նույնպես պարտություն կրեց առաջին փուլում ֆինն Յարկո Նիմինենից՝ 3-6, 4-6:

Սարգսյանը և Նալբանդյանը վաստակեցին մեկական հաշվարկային միավոր և 7580-ական դոլար: Սարգսյանը ներկայումս 51-րդն է աղյուսակում: Նա մասնակցել է 6 մրցաշարի և վաստակել է 27 միավոր: Նալբանդյանը 50 միավորով ընթանում է 18-րդ տեղում:


According to Agnes
 

  Inside
 

War Talk: Rhetoric sharpens but renewed conflict with Azerbaijan seen as unlikely

Full story

 
 

Counted In: Census reports final conclusions on Armenia 's population

Full story

 
 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

Coming Soon. New Armenian Church in Russian Capital.

A new Armenian church will soon open in Moscow. During his visit to Moscow Catholicos of All Armenians Garegin II expressed his approval of the course of constructions.This is how Surb Khach (Saint Cross) church will look when completed.

 

 





Copyright ArmeniaNow.com 2002-2017. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.