ArmeniaNow.com - Independent Journalism From Today's Armenia
March 5, 2004




Հրապարակվեցին մարդահամարի տվյալները Հայաստանի բնակչության մասին

Ազգային վիճակագրական ծառայությունը (ԱՎԾ) հրապարակեց նորանկախ Հայաստանի առաջին մարդահամարի արդյունքները:

Նշվում է, որ 2001 թվականի հոկտեմբերին մարդահամարն անցկացնելու պահին Հայաստանում ապրում էր 3213011 մարդ: Նրանցի շուրջ 68000-ն են ոչ հայ՝ 40620 եզդիներ, 14660 ռուսներ, 3409 ասորիներ, 1633 ուկրանիացիներ, 1519 քրդեր, 1176 հույներ և այլ ազգերի 4640 ներկայացուցիչներ:

Վերջին մարդահամարն անցկացվել է Խորհրդային Հայաստանում 1989 թվականի հունվարին: Սակայն դրա արդյունքերի վրա անդրադարձել էին երկրի հյուսիսում տեղի ունեցած երկրաշարժը և բնակչության տեղաշարժը ղարաբաղյան հակամարտության հետևանքով:

«Այն ժամանակ Հայաստանի կառավարությունը և վիճակագիրները դեմ էին մարդահամարի անցկացմանը տնտեսական և քաղաքական պայմանների պատճառով: Այդ արդյունքները օբյեկտիվորեն շուտ կորցրեցին իրենց արդիականությունը: Բնակչության ընթացիկ հաշվառման համար դրանք չէին կարող հիմք հանդիսանալ», ասում է ԱՎԾ մարդահամարի և ժողովրդագրության բաժնի պետ Կարինե Կույումջյանը:

1989 թվականի մարդահամարի տվյալներով Հայաստանի բնակչությունը կազմում էր 3287677 մարդ: Համարվում է, որ իրական թիվն ավելի մեծ էր:

Համեմատելով ստացված տվյալները 1989 թվականի մարդահամարի թերի տվյալների հետ՝ ստացվում է, որ վերջին տասնամյակում երկիրը լքել է 250 հազարից պակաս մարդ: Հայաստանում շատերն այն կարծիքին են, որ երկրից մեկնածների իրական թիվն ավելի մեծ է:

1999 թվականին Ազգային ժողովի ընդունած «Մարդահամարի մասին» ՀՀ օրենքը նախատեսում է, որ մարդահամար պետք է անցկացվի 10 տարին մեկ: Սակայն կառավարությունը համապատասխան միջոցներ չուներ մարդահամար անցկացնելու համար:

Կույումջյանն ասում է, որ բնակչության թվի մասին ճշգրիտ տվյալների ունենալու քաղաքական և տնտեսական կարևորությունից ելնելով՝ «բյուջետային սղությունները մի կողմ դրվեցին, և կառավարությունը սկսեց այլընտրանքային աղբյուրներ որոնել մարդահամարի անցկացման համար»:

2001 թվականի մարտին ստորագրվեց փոխըմբռնման հուշագիր ՀՀ կառավարության և մարդահամարին օժանդակող դոնոր երկրների և միջազգային կազմակերպությունների միջև: Մարդահամարի անցկացմանը տրամադրվեց շուրջ 1,1 մլրդ դրամ (մոտ 2 մլն դոլար) գումար, որի 80 տոկոսը տրամադրեցին Համաշխարհային բանկը, ՄԱԿ-ի բնակչության հիմնադրամը, ԱՄՆ-ի միջազգային զարգացման գործակալությունը, Մեծ Բրիտանիայի միջազգային զարգացման նախարարությունը:

Կույումջյանը հավաստում է, որ ճշգրիտ մարդահամարը կարևոր քաղաքական ― տնտեսական նշանակություն ունի երկրի համար.

Ինչպես նշում է Կույումջյանը,
ԱՄՆ-ի միջազգային զարգացման գործակալությունը լրացուցիչ տրամադրեց ևս 1 մլն դոլարին համարժեք օգնություն տեխնիկական և խորհրդատվական ծառայությունների, համակարգչային տեխնիկայի տեսքով: Հանրապետությունում մարդահամարի անցկացմանը մասնակցեց մոտ 15 հազար մարդ:

Մարդահամարի տեղեկագիրքը հրատարկվել է 3000 օրինակով հայերեն, անգլերեն և ռուսերեն լեզուներով:

Ըստ տեղեկագրքի հանրապետության բնակչության ավելի քան 1/3-ը, իսկ քաղաքային բնակչության 53,4 %-ը, կենտրոնացված է Երևանում, որի բնակչությունը 1103000 է: Մարդահամարի անցկացման պահին առկա բնակչության թվաքանակը կազմել է 1091000 մարդ: Մյուսները բացակա են եղել, բայց համարվել են Երևանի բնակիչ: Երևանում բնակչության խտությունը 1 քառակուսի կիլոմետրի վրա կազմել է 4861 մարդ:

Մարդահամարի արդյունքներով Հայաստանում բնակվում է 1542000 տղամարդ և 1671000 կին: Հանրապետության 15 և բարձր տարիքի 1000 բնակչից 621-ն ամուսնացած են, 264-ը երբեք ամուսնացած չեն եղել, 85-ն այրի են, իսկ 30-ը՝ ամուսնալուծված:

Հանրապետության բնակչության կրթական մակարդակը բնութագրվել է հետևյալ կերպ. 15 և բարձր տարիքի 1000 բնակչից 170-ն ունի բարձրագույն կրթություն, 618-ը՝ միջնակարգ, 192-ը՝ ընդհանուր տարրական կրթություն:

Ընդամենը 41600 մարդ չունի անգամ տարրական կրթություն: Նրանց մեկ երրորդը, հիմնականում 50-ն անց տարիքի մարդիկ, տառաճանաչ չեն:


According to Agnes
 

  Inside
 

War Talk: Rhetoric sharpens but renewed conflict with Azerbaijan seen as unlikely

Full story

 
 

Counted In: Census reports final conclusions on Armenia 's population

Full story

 
 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

Coming Soon. New Armenian Church in Russian Capital.

A new Armenian church will soon open in Moscow. During his visit to Moscow Catholicos of All Armenians Garegin II expressed his approval of the course of constructions.This is how Surb Khach (Saint Cross) church will look when completed.

 

 





Copyright ArmeniaNow.com 2002-2024. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.