ArmeniaNow.com - Independent Journalism From Today's Armenia
June 18, 2004




Նոր ճակատ. ՁԻԱՀ-ի դեմ պայքարի նոր կենտրոն Երևանում

ՄԱԿ-ը Երևանում հիմնել է ՁԻԱՀ-ի դեմ պայքարի միացյալ ծրագրերի տարաշրջանային իր կենտրոնը (UNAIDS): Երևանյան գրասենյակը կհամակարգի ծրագիրը հարավկովկասյան երեք պետություններում:

Ռենատե Էհմերը

«Տարածաշրջանային այս կենտրոնի ստեղծումն շատ կարևոր է այն պայմաններում, երբ աշխարհում այսօր գրանցվում են ՄԻԱՎ/ՁԻԱՀ-ի տարածման բարձր տեմպեր, հատկապես երբ կա միգրացիոն մեծ հոսք ԱՊՀ ամբողջ տարածքում»,- ասում է ՁԻԱՀ-ի կանխարգելման հանրապետական կենտրոնի մամուլի քարտուղար Սուսաննա Թոքմաջյանը:

Տարածաշրջանային կենտրոնի ստեղծումը UNAIDS-ի Հարավային Կովկասի երկրների պատասխանատու Ռենատե Էհմերի և Հայաստանի կառավարության միջև երկարատև բանակցությունների արդյունք է:

«Այս հարցը երկար ժամանակ քննարկել ենք Ժնևում: Ի վերջո անցյալ տարի որոշվեց, որ կենտրոնը գործելու է Երևանում: Հայաստանի կառավարությունը շատ ակտիվ էր այս հարցում: Այն ՁԻԱՀ-ի կանխարգելմանն ուղղված խնդիրները օրակարգի հարց է դարձրել»,- ասում է Էհմերը:

Նա նաև նշեց, որ այսօր Հայաստանում գրանցված է 271, իսկ Վրաստանում՝ 500 ՄԻԱՎ վարակակիր, սակայն իրական թվերը տասն անգամ ավելի են (Ադրբեջանի մասին Էհմերը տվյալներ չուներ):

«Այնտեղ (Ադրբեջանում) պատկերն ընդհանրապես աղոտ է: Արվում են ՄԻԱՎ/ՁԻԱՀ-ի կանխարգելման հետ կապված առաջին քայլերը: Անգամ չունեն հիվանդների գրանցման համապատասխան մեխանիզմ, և հնարավոր չէ իմանալ վարակակիրների թիվը»,- ասում է Էհմերը:

UNAIDS-ի տարածաշրջանային պատասխանատուն պատրաստվում է հետազոտություններ անցկացնելու նպատակով մոտակա ամիսներին մեկնել Ադրբեջան: Կուսումնասիրվեն ռիսկի խմբերը և կճշտվի վարակակիրների մոտավոր թվաքանակը:

Հայաստանի կառավարությունը հաստատել է ՄԻԱՎ/ՁԻԱՀ-ի կանխարգելմանն ուղղված ազգային ծրագիր: Այդ ծրագրի իրականացմանն աջակցում է «ՁԻԱՀ-ի, մալարիայի և տուբերկուլոզի գլոբալ հիմնադրամը»:

Ըստ Էհմերի՝ հաջորդ հինգ տարվա ընթացքում «Գլոբալ հիմնադրամը» Հայաստանին կտրամադրի 7,2 մլն դոլար: Գումարը կփոխանցվի ըստ փուլերի: Այս տարի հատկացվել է 1 միլիոն:

Հիմնադրամի տրամադրած գումարների մի մասը կծախսվի դեղամիջոցներ ձեռքբերելու համար, որոնք տեղ են գտել Առողջապահության համաշխարհային կազմակերպության ուղեցույցում: Էհմերը նաև նշեց, որ Հայաստանում որոշ մարդիկ բուժում են ստանում «Արմենիկումով»:

«Սակայն, որքան գիտեմ, «Արմենիկումը» միջազգայնորեն ընդունված դեղամիջոց չէ, և միջազգային ճանաչման արժանանալու համար պետք նրանով բուժումներ անցկացվեն նաև Հայաստանի սահմաններից դուրս»,-ասում է Էհմերը:


According to Agnes
 

  Inside
 

Rumors of Settlement: US Ambassador denies reports of Karabakh proposal

Full story

 
 

Uneasy Talk About Peace: Karabakh and Armenia face different problems advisor says

Full story

 
 

A Byte with...

Anush Arshakyan

Full story


 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

This Land is Our Land

Non-governmental organizations in Armenia organized a march against deforestation and other ecological catastrophies June 12 in Yerevan.

 

 



Copyright ArmeniaNow.com 2002-2017. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.