ArmeniaNow.com - Independent Journalism From Today's Armenia
June 18, 2004




Մեկնաբանությունների քաղաք. ժամանակակից արվեստի ցուցահանդեսը փորձում է բացահայտել կնոջ ներաշխարհը


Երևանի Նորարարական փորձառական արվեստի կենտրոնում (ՆՓԱԿ) բացված ցուցահանդեսում ներկայացված են 15 երկրների արվեստագետների աշխատանքներ, որոնք փորձում են բացահայտել կնոջ ներաշխարհը արդի մշակույթի տեսանկյունից:

Ֆեդերիկո Ֆելինիի «Կանանց քաղաքը» ֆիլմի անվան նմանությամբ և ասելիքի զուգահեռներով ստեղծված ցուցահանդեսը բաց կլինի մինչև հունսի 25-ը:

Այս ցուցանմուշը ներկայացրել է ուկրաինական «Արաբեսկ» ստուդիան

«Կանանց քաղաքը» ցուցահանդեսում կինը ներկայացված է այնքան մեկնաբանություններով, որքան մասնակիցների թիվն է: Եվ դրանց մեծ մասը, որտեղից էլ լինեն դրանց հեղինակները՝ Շվեյցարիայից, Ուկրաինայից, Սլովենիայից թե Ռուսաստանից, կանանց բազմազգ առարկայացման չափազանցված մեկնաբանություններ են:

«Կրիտիկական օրեր» լուսանկարչական շարքում ուկրաինական «Արաբեսկ» թատրոն-ստուդիան ներկայացնում է կնոջը՝ կրծքերը և հեշտոցը միջադիրներով ծածկված՝ ծաղրելով հիգիենայի ապրանքների գովազդում ստեղծված կնոջ կերպարը: Մայա Կոսիրի աշխատանքը ներկայացնում է մի մերկ կնոջ, որը դուրս է եկել լոգասենյակից ու կանգնել մսակտորի վրա՝ խորհրդանշելով, թե տղամարդու երազած կինը մսակտոր է:

«Հասարակությունը կանանց առեղծվածային արարածի տեղ է դրել,- ասում է ցուցահանդեսի համակարգողներից մեկը՝ Արփինե Թոքմաջյանը: - Կարծիք կա, որ կանայք թաքուն աշխարհ ունեն: Կանանց մասին առասպելներ են ստեղծվել, որոնք «Կանանց քաղաքում» փորձել ենք բացահայտել»։

Թոքմաջյանի աշխատանքը առաստաղից կախված երեք օղակներ են՝ 90-60-90 սմ, որոնք համարվում են կնոջ իդեալական չափերը։

Այն կանայք, ովքեր իրենց մարմինը թաքուն են չափում, ցուցահանդեսում դա կարող են բացահայտ անել: Պատից կախված մետրը հրահրում է կանանց չափելու իրենց կուրծքը, իրանն ու կոնքը և տվյալները գրել պատին փակցված թղթին: Քչերն են համապատասխանում իդեալական չափսերին, և նպատակն էլ հենց դա ցույց տալն է:

«Իմն 90-68-80 դուրս եկավ, բայց իմ հաջողություններից չեմ բողոքում»,- ասում է այցելու Ծովինար Չիլինգարյանը։

Սլովենիացի նկարչուհի Դուսա Յեսիհի գործերում ներկայացված է հեշտոցի գրաֆիկական շարք՝ թիթեռնիկի կամ խաղաղության խորհրդանշանի տեսքով:

Շվեյցարացիներ Մարտին Բլումն ու Սիմոնա Ֆուքսը վարդի թերթերով լցոնած ընկույզներով իրար են ծեծում, իսկ հետո նստում դեմ-դիմաց ու սիրով միմյանց ճակատին արյունածոր վերք նկարում, որը խորհրդանշում է տղամարդկանց ու կանանց միջև սիրո և ատելության հարաբերությունները:

Ցուցահանդեսի մասնակիցները նախագծին տեղեկացել և հրավեր են ստացել ինտերնետով։ Ճանապարհածախսի գումարը հայթայթել են սեփական ուժերով։ Համակարգողները 50 դոլար են ծախսել ցուցահանդեսի վրա։

Հարձակում-պաշտպանություն

«Մշակույթի նախարարությունը տապակվում է սփյուռքի հետ «Մեկ ազգ՝ մեկ մշակույթ» կարգախոսով,- ասում է Արփինե Թոքմաջյանը: - Մենք ցանկացանք «Կանանց քաղաքը» վերածել միջազգային փառատոնի, որտեղ կնոջ առեղծվածը կբացահայտվի տարբեր ազգերի տեսանկյունից»։

Ուկրաինացի լուսանկարչուհի Ելենա Աֆանասևայի հավաստմամբ՝ իր գործերը Հայաստանում ավելի լավ են հասկանում, քան հայրենիքում: Նա ասում է, որ պարաններով կապկպված կնոջ լուսանկարաշարը կարող է խորհրդանշել Ուկրաինան և Հայաստանը, որոնք երկուսն էլ դարավոր հոգեկան ստրկության մեջ են եղել և ձգտում են ազատվել դրանից:

«Այդ ստրկության մեջ ինչ-որ գեղեցիկ և առինքնող բան կար,- ասում է Աֆանասևան,- այդպես էլ կինը ենթագիտակցորեն ձգտում է ստրկության՝ սոցիալական պատասխանատվությունից խուսափելու համար։ Կնոջ համար հաճախ հաճելի է, երբ իրեն կապկպում են, դարձնում անազատ, և նա հաճույքով տրվում է ենթարկվածությանը»։

Ելենա Աֆանասևայի մտքի շարունակությունն է դառնում Տիգրան Խաչատրյանի ներկայացրած լուսանկարը, որտեղ խաղաղ քնած կնոջ վրա ձեռք է բարձրացրել մի տղամարդ (լուսանկարի հեղինակը): Լուսանկարը մակագրված է. «Վե՛ր կաց, հիմա՛ր, կռվի՛ր քո իրավունքների համար»։


According to Agnes
 

 


The Week in seven days

 
 


The Arts in seven days

 

  Photo of the week
 
Click on the photo above to enlarge.
 
 
 
 
A Wing and a Prayer

Church officials were on hand Monday to bless construction of a new terminal at Zvartnots International Airport.

 

 


 
A Byte with...

Khoren Abrahamyan

Full story


 

 



Copyright ArmeniaNow.com 2002-2017. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.