Խորեն Աբրահամյան, դերասան
Կենդանակերպի նշանը՝ Խոյ:
Ընտանեկան վիճակը՝ Ամուսնացած է, ունի 4 երեխա, 6 թոռ:
Կատարած վերջին աշխատանքը՝ «Տեսնել և մեռնել» ֆիլմը:
Կարդացած վերջին գիրքը՝ Հովհաննես Թումանյանի «Մի կաթիլ մեղրը»:
Տեսած վերջին ներկայացումը/ ֆիլմը ՝ Վարդան Պետրոսյանի «Կրակի մեջ» ներկայացումը և «Կնքահայրը» ֆիլմը:
Ի՞նչը չեք ընդունում մարդկային հարաբերություններում՝ Սուտը:
Ո՞րն է Ձեր առաքելությունն արվեստում՝ Մարդկանց զգուշացնել, որ թույլ չտան իրենց խաբել:
Սիրած դերասանը՝ Ես և Հրաչյա Ներսիսյանը:
Սիրած երգիչը՝ Ուիթնի Հյուսթոնը:
Սիրած նկարիչ/քանդակագործը՝ միանշանակ Ռոդենը:
Ձեր կյանքին նվիրված ֆիլմում ո՞վ կխաղար ձեր դերը՝ Ոչ մեկը, իբր ես ինձ խաղալ շատ եմ կարողանում, ուր մնաց ուրիշը կարողանա:
Եթե արվեստագետ չլինեիք, ի՞նչ կուզենայիք դառնալ՝ Ոչ մի բան:
Եթե ընկնեիք անմարդաբնակ կղզի, ի՞նչ գիրք, ձայներիզ, կինոնկար կամ նկար կվերցնեիք ձեզ հետ՝ Իսկ ինչո՞ւ պետք է ընկնեի անմարդաբնակ կղզի, ես այդքան երևակայություն չունեմ անմարդաբնակ կղզում ինձ պատկերացնելու համար:
|
Copyright