ArmeniaNow.com - Independent Journalism From Today's Armenia
July 2, 2004




Նոր «ուժ» մամուլում. «Երրորդ ուժը» խոստանում է ներկայացնել հասարակությունը

Նախկին ղարաբաղցի լրագրողը թերթ է հիմնադրել Հայաստանում` հայտարարելով, որ այն ամբիոն է դառնալու այն բոլոր քաղաքական ուժերի համար, որոնք ունեն բանական գաղափարներ, վարում են խելամիտ քաղաքականություն և ծառայում են հասարակության շահերին:

Առաջին համարը

«Երրորդ ուժ» թերթի առաջին համարը լույս է տեսել Երևանում այս շաբաթ` այսպիսով միանալով այն տասը գլխավոր լրագրերին, որոնք հավակնում են լինել Հայաստանի անկախ մամուլը:

«Երրորդ ուժի» խմբագիր Վահրամ Աղաջանյանն ասում է, որ չնայած փոքր Հայաստանում թերթերի առատությանը, հասարակությունը չի համակրում մամուլին, անտարբեր է նրա նկատմամբ, քանի որ զանգվածային լրատվամիջոցները շփում չունեն հանրության հետ:

«Մեր թերթերը վերահսկվում են կա’մ կառավարության, կա’մ ընդդիմության կողմից, չկա մի թերթ, որ արտահայտի երկու խմբի շահերն էլ,- ասում է նա: - Զանգվածային լրատվամիջոցները քաղաքականացված են, ինչն ազդում է լրագրողների աշխատանքի վրա և ընդհանրապես խոչընդոտում ԶԼՄ-ների զարգացումը»:

16-էջանոց գունավոր լրագիրն ունի 3000 օրինակ տպաքանակ և 25 հոգուց կազմված խմբագրակազմ: Աղաջանյանը չի տալիս թերթի հովանավորների անունները` ասելով միայն, որ դրանք մի խումբ գործարարներ են Ռուսաստանից, ԱՄՆ-ից և Եվրոպայից, որոնք որևէ կոնկրետ քաղաքական ուժի չեն հարում:

«Լրագրողները Հայաստանում պաշտպանված չեն, և եղել են շատ դեպքեր, երբ նրանք ենթարկվել են հետապնդումների իշխանություններին քննադատելու համար,- ասում է նա: - Սակայն ես պետք է ընդունեմ, որ տեսնում եմ թեև փոքր, բայց դրական փոփոխություններ տոտալիտարիզմից դեպի հանդուրժողականություն ԶԼՄ-ների նկատմամբ, այլապես անիմաստ կլիներ անկախ թերթ հիմնադրելը»:

Աղաջանյանն ինքը ենթարկվել է հետապնդումների և հայտնի է Ղարաբաղի ներկա իշխանությունների սուր քննադատությամբ:

Լրագրողը Ղարաբաղից Հայաստան է տեղափոխվել 2000 թվականին այն բանից հետո, երբ 10 օր էր անցկացրել բանտում Ղարաբաղի վարչապետի վարած քաղաքականության և նախագահ Արկադի Ղուկասյանի դեմ իրականացված մահափորձի մասին գրած հոդվածների համար (նախագահը վիրավորվել էր, երբ 2000 թվականի մարտին երկու զինյալ կրակահերթ էին բացել նրա «Մերսեդեսի» վրա):

Վահրամ Աղաջանյանը խոստանում է ամբիոն խելամիտ քաղաքական բանավեճերի համար

Հոդվածները հրապարակվել էին Ղարաբաղի «Տասներորդ նահանգ» թերթում, որն այն ժամանակ վերահսկվում էր պաշտպանության նախարար Սամվել Բաբայանի կողմից, որը մեղադրվեց մահափորձը կազմակերպելու մեջ և դատապարտվեց 12 ամսվա ազատազրկման:

Թերթը ժամանակավորապես դադարեց լույս տեսնելուց, իսկ Աղաջանյանին (որը մահափորձին հաջորդած իրավիճակը Ղարաբաղում անվանել էր «վհուկների որս») մեղադրեցին վարչապետ Անուշավան Դանիելյանին զրպարտելու և իշխանությունների վարած Ղարաբաղի վերաբնակեցման քաղաքականության մասին հոդվածում փաստերը խեղաթյուրելու մեջ:

Հայաստանի լրատվական հանրությունն Աղաջանյանին ազատ արձակելու քարոզարշավ սկսեց: Երևանյան «Հայկական ժամանակ» օրաթերթը գրեց, թե «Ղարաբաղի իշխանությունները որոշել են օգտվել անկայուն իրավիճակից և փակել բոլոր այն լրագրողների բերանը, ովքեր չեն ենթարկվում իշխանություններին»:

Աղաջանյանը դատապարտվել էր 12 ամսվա ազատազրկման, սակայն ազատ արձակվեց: Մինչև վերջերս Աղաջանյանը թղթակցում էր Երևանում լույս տեսնող «Իրավունք» շաբաթաթերթին, որը Բաբայանին զորակցող «Սահմանադրական իրավունք» միության պաշտոնաթերթն է:

Չնայած շատ հայ լրագրողների այն պնդմանը, թե զանգվածային լրատվամիջոցները Հայաստանում անկախ չեն, և խոսքի ազատությունը ճնշվում է, դա չի խանգարում նոր թերթերի լույս ընծայմանը: Հայաստանի ԶԼՄ-ները ներկայացված են 46 լրագրով (առավել ազդեցիկ են ինը), 61 հեռուստաընկերությամբ և 13 ռադիոկայանով:

«Հայաստանում բազմակարծություն նշանակում է հակամարտություն երկու անհաշտ ճամբարների միջև` իշխանամետ և ընդդիմադիր: Ցանկացած լրատվամիջոց արտահայտում է այդ երկու խմբերից մեկի շահերը,- ասում է Աղաջանյանը: - Եվ չնայած լրատվամիջոցներն անվանում են չորրորդ իշխանություն, մենք մեր թերթն անվանել ենք «Երրորդ ուժ», որը կարող է ներկայացնել որևէ անհատ, լրագրող, երկիր կամ քաղաքական գործիչ»:


According to Agnes
 

  Inside
 

Resolved: Survey finds Armenians ready to defend Karabakh at all costs

Full story

 
 

Setting the Pace: Kocharyan’s speech at Council of Europe wins praise and criticism at home

Full story

 
 

A Byte with...

Christine Pepelyan

Full story


 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

Bearing Fruit

A priest blesses a bowl of Armenian apricots prior to the opening of the Golden Apricot International Film Festival in Yerevan on June 30. The fruit was handed out to guests at the opening ceremony at the city's Moscow Cinema.

 

 



Copyright ArmeniaNow.com 2002-2024. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.