¸³íÇà ܳɵ³Ý¹Û³ÝÁ ï³ÝáõÉ ïí»ó ù³éáñ¹ »½ñ³÷³ÏÇãáõÙ, ë³Ï³ÛÝ Ó»éù µ»ñ»ó Ýáñ »ñÏñå³·áõÝ»ñ

Պրոֆեսիոնալ թենիսիստների ասոցիացիայի Մեծ սաղավարտի այս տարվա առաջին խաղարկության՝ Ավստրալիա բաց առաջնության եզրափակիչը կանցնի առանց սփյուռքահայ կամ հայաստանցի թենիսիստների մասնակցության:

Այսօր Մելբուռնում կայացած կիսաեզրափակիչ խաղում ռուսաստանցի Մարատ Սաֆինը (չցանված) 7-6 (6), 7-6 (6), 5-7, 1-6, 6-3 հաշվով պարտության մատնեց անցյալ տարվա հաղթող ամերիկացի Անդրե Աղասիին (4): Խաղը տևեց 3 ժամ 42 րոպե:

Արգենտինահայ Դավիթ Նալբանդյանն ավելի վաղ էր հրաժեշտ տվել առաջնությանը. քառորդ եզրափակիկչում նա 5-7, 4-6, 7-5, 3-6 հաշվով տանուլ էր տվել 2-րդ համարի տակ ցանված շվեյցարացի Ռոջեր Ֆեդերերին:

Նալբանդյանը հավաքել է 50 հաշվարկային միավոր և վաստակել է 150 հազար դոլար: Անդրե Աղասին կիսաեզրափակիչ հասնելու համար ստացել է 90 միավոր և 300 հազար դոլար:

Հայաստանցի Սարգիս Սարգսյանը երկրորդ փուլում զիջել էր ավստրալիացի Թոդ Ռեյդին, սակայն Ավստñալիայից չէր մեկնել: Գերմանացի Կարստեն Բրաաշի հետ նա շարունակում էր պայքարը տղամարդկանց զուգախաղերում:

Զույգը դուրս է եկել երրորդ փուլ, որտեղ 5-7, 2-6 հաշվով զիջել է 9-րդ համարի տակ ցանված արգենտինացիներ Գաստոն Էտլիսին և Մարտին Ռոդրիգեսին: