Ավստրալիայի բաց առաջնությանը նախորդած մրցաշարում, որն անցավ անցյալ շաբաթ Սիդնեյում, արգենտինահայը հաղթեց ամերիկահային

Մելբուռնում մեկնարկած Ավտրալիայի բաց առաջնությանը (Մեծ սաղավարտի առաջին մրցաշարը նոր մրցաշրջանում) մասնակցում էին հինգ հայազգի թենիսիստներ:

Տղամարդկանց մենախաղերում պայքարը շարունակում են երկուսը. 4-րդ համարի տակ ցանված Անդրե Ագասին (ԱՄՆ) 6-0, 6-3, 6-3 հաշվով պարտության մատնեց Թոմաս Էնկվիստին (Շվեդիա) և դուրս եկավ 1/8-րդ եզրափակիչ: 8-րդ համարի տակ ցանված Դավիթ Նալբանդյանը (Արգենտինա) կփորձի նույնն անել վաղը, երբ մրցի ՈՒեյն Ֆերեյրայի հետ:

Մրցաշարի առաջին փուլը հաղթահարեց նաև հայազգի երրորդ թենիսիստը՝ Սարգիս Սարգսյանը (չցանված, Հայաստան), որը 6-2, 6-3, 6-1 հաշվով պարտության մատնեց Յոնաս Բյորկմանին (Շվեդիա): Սակայն երկրորդ փուլում նա զիջեց Թոդ Ռեյդին Ավստրալիայից՝ 3-6, 4-6, 6-4, 7-6 (6), 4-6: Սարգսյանը վաստակեց 28 հազար դոլար և 7 հաշվարկային միավոր: Տղամարդկանց զուգախաղերում Սարգսյանը գերմանացի Կարստեն Բրաաշի հետ ուրբաթ օրը դուրս եկավ երրորդ փուլ:

Առաջին փուլում Ագասին հաղթել է Թոդ Լարքհամին (Ավստրալիա)՝ 6-1, 6-3, 6-4, իսկ Նալբանդյանը՝ Ռիկարդո Մելոյին (Բրազիլիա)՝ 6-2, 6-1, 6-4:

Երկրորդ փուլում Ագասին առավելության է հասել չեխ Թոմաս Բերդիխի նկատմամբ (6-0, 6-2, 6-4), իսկ Նալբանդյանը՝ գերմանացի Ֆլորիան Մայերի նկատմամբ (6-1, 6-0, 6-3):

Կանանց մրցավեճում չցանված Մարի-Գայանե Միքայելյանը (Շվեյցարիա) առաջին փուլում զիջեց չցանված ֆրանսուհի Տատյանա Գոլովինին (0-6, 1-4, հանձնվեց):

Բուլղարիան ներկայացնող Մագդալենա Մալեևան (որի մայրը հայուհի է) երկրորդ փուլում տանուլ տվեց հունգարուհի Պետրա Մանդուլային՝ 7-6 (6), 2-6, 3-6: Մալեևան իսպանուհի Կոնչիտա Մարտինեսի հետ դեռ շարունակում է պայքարը կանանց զուգախաղերի երրորդ փուլում:

Հայաստանի 2003 թ. ֆուտբոլի առաջնության հաղթող «Փյունիկը» կորցրեց պայքարը շարունակելու հնարավորությունները հունվարի 17-ին Մոսկվայում մեկնարկած ԱՊՀ գավաթի խաղարկությունում, որին մասնակցում են նախկին բոլոր 15 խորհրդային հանրապետությունների առաջնությունների հաղթողները և Ռուսաստանի պատանեկան ու երիտասարդական հավաքականները:

«Փյունիկը» տանուլ է տվել առաջին երկու խաղերը «Ֆլորային» (Էստոնիա) և Կիևի «Դինամոյին» (ՈՒկրաինա): Վերջին տուրում «Փյունիկը» հաղթել է Թուրքմենստանի «Նիսային»:

C խմբի եզրափակիչ աղյուսակ