Շուրջ 50 կազմակերպություններ էին ներկայացված սոցիալական բարեկեցության հարցերի քննարկումներում

Անցյալ շաբաթ Երևանում անցկացվեց Սևծովյան տարածաշրջանի քաղաքացիական հասարակության կազմակերպ-
ությունների ֆորում, որն ուղղված էր քաղաքացիական հասարակության ամրապնդմանը նախկին Խորհրդային Միության հանրապետություններում:

Սոցիալական բարեկեցության միջազգային խորհրդի (ՍԲՄԽ) և «Առաքելություն Հայաստանե հասարակական կազմակերպության (ՀԿ) կազմակերպած ֆորումին մասնակցում էին Սևծովյան տնտեսական համագործակցության (ՍԾՏՀ) անդամ երկրները ներկայացնող շուրջ 50 կազմակերպություններ:

«Առաքելություն Հայաստանե ՀԿ-ի նախագահ Հռիփսիմե Կիրակոսյանի հավաստմամբ ֆորումը հնարավորություն տվեց քաղաքացիական հասարակության կազմակերպություններին հավաքվելու և միավորելու ուժերը հանուն տարածաշրջանում սոցիալական բարեկեցության:

ՍԲՄԽ անդամ երկրների մեծ մասը նախկին խորհրդային հանրապետություններն են (Ռուսաստան, ՈՒկրաինա, Հայաստան, Վրաստան, Ադրբեջան), որոնք սոցիալ-տնտեսական պայմանների տեսանկյունից գտնվում են նույնատիպ իրավիճակում:

«Նախկին պատկերացումներն այն մասին, որ պետությունը պետք է միայնակ հոգա մարդկանց հոգսերը, այսօր տեղի են տվել այն բանի հստակ գիտակցմանը, որ մարդկային զարգացման ապահովումը պահանջում է քաղաքացիական հասարակության՝ անհատների և կազմակերպությունների ակտիվ ներգրավվածություն և համագործակցությունե, ասաց ՍԲՄԽ նախագահ Սուլվե Աշեմը:

Երևանյան ֆորումն անցնում էր «Չքավորության հաղթահարում և կայուն զարգացում տարածաշրջանումե նշանաբանով: Մասնակիցներն իրենց քննարկումներում ուշադրություն էին հրավիրում այնպիսի խնդիրների վրա, ինչպիսիք են զարգացումը, գործազրկությունը, տարեցների և փախստականների հիմնախնդիրները:

«Ներկայացված սոցիալական խնդիրները պետք է լուծում ստանան, - ասաց Կիրակոսյանը: - Տնտեսական զարգացում առանց սոցիալական զարգացման չի կարող լինել: Եթե տնտեսությունում անընդհատ աճում է լինում, ուրեմն դա ինքնանպատակ տնտեսական աճում էե:

ՍԲՄԽ-ն ունի անդամներ 70 երկրներում, որտեղ իր նպատակներն իրականացնելու համար կազմակերպությունը համագործակցում է ՄԱԿ-ի, Եվրախորհրդի և ՍԾՏՀ-ի հետ:

«Հայաստանում սա մեր առաջին ծրագիրն է, - ասաց Աշեմը: -Կուսումնասիրենք և կպարզենք, թե տարածաշրջանում որ հիմնախնդիրներն են հրատապ լուծումներ պահանջում, այնուհետև կսկսենք նյութական միջոցներ հայթայթել այդ աշխատանքների համարե: