Ամբաստանյալի խոսքը դատարանում

Ազգային անվտանգության ծառայության նախկին աշխատակից, փոխգնդապետ Լևոն Աբրահամյանը դատապարտվեց 6 տարվա ազատազրկման Հայաստանի պաշտպանության նախարարի դեմ անցյալ տարվա սեպտեմբերին կանխված մահափորձի համար:

Տեղի ունեցած հինգ դատական նիստերից հետո դատավոր Ռուբեն Ներսիսյանը մեղավոր ճանաչեց Աբրահամյանին Սերժ Սարգսյանի մեքենան պայթեցնելու միջոցով նրան սպանելու փորձ կատարելու մեջ: Աբրահամյանին կալանել են նրա հանցակից Արայիկ Նարիմանյանի հետ, որի մոտ հայտնաբերվել է, ինչպես ենթադրում են, Սարգսյանի մեքենայի համար նախատեսված պաթյուցիկ նյութ:

Աբրահամյանի երկու գործակիցներ ցուցմունք են տվել, որ նա ծրագրել է սպանել Սարգսյանին վրեժխնդրությունից դրդված. ազգային անվտանգության նախարարությունում Սարգսյանի ղեկավարությամբ աշխատելու տարիներին Աբրահամյանի և Սարգսյանի միջև կոնֆլիկտ է եղել: Աբրահամյանը 1998 թվականին դատապարտվել էր 8 տարվա ազատազրկման, սակայն 2002 թ. հունիսին հանրապետության նախագահի հրամանագրով նրան ներում է շնորհվել:

Բանտում Աբրահամյանի հետ պատիժ կրող Արայիկ Նարիմանյանը ցուցմունք է տվել, որ Աբրահամյանը ծրագրել է սպանել Սարգսյանին: Նարիմանյանն այդ մասին տեղեկացրել է իշխանություններին, որոնք դրանից հետո գաղտնի ձայնագրել և տեսագրել են Նարիմանյանի և Աբրահամյանի խոսակցությունները:

Աբրահամյանը չի ժխտել մահափորձի փաստը, բայց պնդում էր, որ դրա կազմակերպիչը Նարիմանյանն է:

Աբրահամյանի շահերի պաշտպան Մարինա Ջանոյանը նշել է, որ իր պաշտպանյալի դեմ ցուցմունքները միայն մեկ աղբյուրից են, իսկ էլեկտրոնային հսկողությունն անօրինական է եղել, քանի որ կիրառվել է մինչև քրեական գործ հարուցվելը:

Աբրահամյանը ցուցմունք է տվել, որ երբ սեպտեմբերի 15-ին իրեն բերման են ենթարկել գլխավոր դատախազություն, վարչության պետ Անդրանիկ Միրզոյանը «հորդորել է, որ ասեմ, թե իբր իմ հետևում կանգնած են պատվիրատուներե: Աբրահամյանը նշում է, որ Միրզոյանն առաջարկել է «բարեխոսել իր համարե, եթե ինքը ցուցմունք տա ուրիշների դեմ: Ըստ Աբրահամյանի Միրզոյանն ասել է. «Եթե պարզվի, որ միայնակ ես գործել, կաշիդ կքերթեն, իսկ ընտանիքդ ռեպրեսիաների կենթարկենե:

Աբրահամյանը մասնավորապես նշում է, որ իրեն հորդորել են ցուցմունք տալ ընդդիմադիր կուսակցության ղեկավար Արտաշես Գեղամյանի դեմ: «Ազգային միաբանությունե կուսակցության առաջնորդ Գեղամյանն այսպես է արձագանքել է այդ ցուցմունքներին.

«Սերժ Սարգսյանի դեմ մահափորձը կազմակերպվել է իշխանությունների կողմից մեղքն իմ վրա բարդելու նախապես մշակված նպատակով:

«Երբ ուշադիր վերլուծում ենք այն, ինչ տեղի ունեցավ Սամվել Բաբայանի (ներկայումս նա պատիժ է կրում ԼՂՀ նախագահ Արկադի Ղուկասյանի դեմ մահափորձի համար), Տիգրան Նաղդալյանի և Լևոն Աբրահամյանի հետ, գալիս ենք մի պարզ եզրակացության, որ բոլոր այդ դեպքերի հետևում կանգնած է Ռոբերտ Քոչարյան -- Սերժ Սարգսյան զույգը,- ասել է Գեղամյանը: - Հենց նրանք էլ ուղարկում են այդ հանցագործությունները կատարողներին, որոնք իրենց գործակալներն ենե: