ArmeniaNow.com - Independent Journalism From Today's Armenia
April 16, 2004




Հիպոթեկային վարկեր. փորձագետներն ուսումնասիրում են դրանց զարգացման հնարավորությունները Հայաստանում

Հայաստանի Հանրապետության նախագահի հանձնարարությամբ
ֆինանսների և Էկոնոմիկայի նախարարությունը մշակել է Հայաստանում հիպոթեկային վարկերի զարգացման ծրագիր:

«Հիպոթեկը ոչ միայն Հայաստանում, այլև ամբողջ աշխարհում տնտեսության զարգացման հիմնական խթաններից մեկն է,- ասում է նախարարության ֆինանսական շուկայի զարգացման և արժութային կարգավորման վարչության պետ Կարեն Թամազյանը: - Գոյություն ունեն հիպոթեկի դասական մի քանի տարբերակներ: Մենք կիրառելու ենք Հայաստանին հարմարեցված տարբերակը»:

Ըստ նրա` հիպոթեկը պետք է լինի անշարժ գույքի վարկավորում: Հայաստանում կան մի քանի բանկեր, որոնք զբաղվում են հիպոթեկային վարկավորմամբ: Սկզբնական շրջանում վարկերը տրվել են մինչև 24 % տոկոսադրույքով 1-2 տարի ժամկետով: Այսօր միջինը 16 % է, ամենացածրը` 14%, 4-5 տարի միջին ժամկետով, առավելագույնը` 7 տարով: Երկու տարվա վերլուծությունը ցույց է տալիս, որ պահանջարկը մեծ է: 40000 դիմումից բավարարվել է 700-800 դիմում:

Մշակված նախագծում նախարարությունը հիպոթեկի հայկական մոդելում ավելի շատ կհետևի եվրոպական տարբերակին` հաշվի առնելով, որ Հայաստանը ձգտում է ինտեգրվելու եվրոպական ընտանիքին:

Թամազյանի հավաստմամբ հիպոթեկային շուկայի բնականոն զարգացման համար հարկավոր են նախ և առաջ օրենսդրական բարվոք դաշտ և հատուկ օրենք հիպոթեկի մասին: Հիպոթեկային վարկերը պետք է տրամադրվեն հատուկ մասնագիտացված կառույցների կամ բանկերի միջոցով:

«Մասնագիտացված կառույցը մի կազմակերպություն է, որը ներգրավում և տրամադրում է հիպոթեկային վարկեր և տրամադրած հիպոթեկային վարկերի հիման վրա վաճառում պարտատոմսեր,- ասում է Թամազյանը: - Ապահովված այդ իսկ գրավներով ու վարկերով` պարտատոմսերով ներգրավված միջոցներով այն նորից տրամադրում է հիպոթեկային վարկեր: Այլ գործունեությամբ այն չի զբաղվում»:

Հայկական մոդելի մյուս բաղադրիչ մասը շինարարական խնայողությունների համակարգն է: Ըստ Թամազյանի` անհատը որևէ բանկում շինխնայողական ավանդ է ներդնում, բանկի հետ համաձայնությամբ, մոտավորապես 3-5 տարով, շուկայականից ցածր տոկոսադրույքով: Եթե շինխնայողական ավանդի փոխարեն նա այլ ավանդ ներդնի, ավելի բարձր տոկոսադրույք կստանա:

«Այդ ցածր տոկոսը նրան հնարավորություն է տալիս հետագայում շուկայականից ցածր տոկոսով վերցնել հիպոթեկային վարկ: Հույս ունենք, որ այս պարագայում հիպոթեկային վարկերի ժամկետայնությունը կավելանա, նաև որոշակիորեն կիջնի տոկոսադրույքը: Այսօր հիպոթեկային վարկեր տրամադրում են նրանց, ովքեր բանկում գոնե մեկ տարով ավանդ են ունեցել»,- բացատրում է վարչության պետը:

Նախագծում ուշադրություն է դարձվում հատկապես բնակշինարարության խնդրին: Ըստ Թամազյանի՝ առաջնություն կտրվի նոր կառուցված շենքերում բնակարան գնողներին:

«Վարկավորվում է շենքի շինարարությունը, դրա դիմաց վաճառում են պարտատոմսեր, որոնք իրավունք են տալիս արժեթղթի տիրոջը այդ շենքում ունենալ, օրինակ` 10 քմ տարածք: Շինարարության ավարտից հետո նա արդեն կունենա իր բնակարանը»,- ասում է Թամազյանը:

Մշակված նախագծի նպատակը ցածր տոկոսադրույքով և երկար ժամկետայնությամբ վարկերն են, որոնք մատչելի կլինեն շատերին: Ըստ նախագծի` ժամկետայնությունը պետք է լինի մոտավորապես 10 տարի 12 %-ով:

«Հուսով ենք, որ աշնանը կընդունվի հիպոթեկի մասին օրենքը, և 2005 թվականի սկզբից այն կսկսի գործել»,- նշում է Թամազյանը:


According to Agnes
 

  Inside
 

Building Credit: Experts study means for mortgages in Armenia

Full story

 
 

The Right to React: Activists call for response to civil liberties abuses

Full story

 
 


 


The Week in seven days

 
 


The Arts in seven days

 

  Photo of the week
  Click here to enlarge.
Click on the photo above to enlarge.
 
 
 
 

Not Opposed to Blessing

Before all hell broke lose in the center of Yerevan the next day, His Holiness Garegin II offered blessings to worshippers attending Easter services. Roads linking Echmiadsin and the Holy See to Yerevan have been blocked, even on the Holy Day, to discourage travel to the capital for political rallies.

 

 



Copyright ArmeniaNow.com 2002-2022. All rights reserved.

The contents of this website cannot be copied, either wholly or partially, reproduced, transferred, loaded, published or distributed in any way without the prior written consent of ArmeniaNow.com.