Ðݳñ³íáñ ¿, áñ »ñÏáõ ûñ Ñ»ïá ²Ý¹ñ» ²·³ëÇÝ ëïáñ³·ñÇ Ù»Ï ÙÇÉÇáÝ ¹áɳñ³Ýáó ã»ÏÁ:

Հայազգի թենիսիստները շարունակում են իրենց հաջող ելույթները Մեծ սաղավարտի տարվա վերջին մրցաշարում՝ ԱՄՆ բաց առաջնությունում, որը մեկնարկել է օգոստոսի 25-ին Նյու Յորքի «Ֆլաշինգ մեդոուզ» մարզահամալիրում:

Անդրե Ագասին և Դավիթ Նալբանդյանն անցել են առաջին չորս փուլերը, դուրս են եկել քառորդ եզրափակիչ և այժմ լավագույն ութնյակի կազմում պայքարում են ՊԹԱ միավորների, գլխավոր մրցանակի և 1 միլիոն դոլարի համար:

Առաջին և երկրորդ փուլերում իսպանացի Ալեքս Կորեթհային և շվեդացի Անդրեաս Վինչիգուերային հաթելուց հետո առաջին համարի տակ ցանված Անդրե Ագասին (ԱՄՆ) երրորդ փուլում հանդիպեց ռուսաստանցի Եվգենի Կաֆելնիկովի հետ (28-րդ ցանված) և հաղթեց 6-3, 7-6(4), 6-4 հաշվով:

Չորրորդ փուլում Ագասին պարտության մատնեց ամերիկացի Թեյլոր Դենթին՝ 6-7 (5), 6-4, 7-5, որը վնասվածքի պատճառով հրաժարվեց խաղից երրորդ սեթից հետո:

Քառորդ եզրափակիչում Ագասին մրցելու է 5-րդ համարի տակ ցանված արգենտինացի ¶իլյերմո Կորիայի հետ:

Արգենտինան ներկայացնող Նալբանդյանը (13-րդ ցանված) առաջին փուլում պարտության մատնեց Ֆիլիպ Քոլշրայբերին ¶երմանիայից՝ 6-4, 7-6 (4), 6-3:

Երկրորդ փուլում Նալբանդյանը դժվարին հաղթանակ տարավ ֆինն Յարկո Նիմինենի նկատմամբ 5-7, 6-3, 6-1, 7-6 (3) հաշվով:

Երրորդ փուլում արգենտինահայ թենիսիստը հաղթեց ավստրալացի Մարկ Ֆիլիպուսիսին (20-րդ ցանված) 7-5, 6-7 (10), 6-3, 6-2 հաշվով և դուրս եկավ չորրորդ փուլ, որտեղ հաղթահարեց ամենադժվար արգելքը՝ 3-6, 7-6 (1), 6-4, 6-3 հաշվով հաղթնանակ տանելով 2-րդ համարի տակ ցանված Ռոժե Ֆեդերերի նϳïٳٵ Շվեյցարիայից:

Քառորդ եզրափակիչում Նալբանդյանը խաղալու է մարոկացի Յունես Էլ Այնաուի դեմ:

Ի տարբերություն Ագասիի և Նալբանդյանի, Հայաստանը ներկայացնող Սարգիս Սարգսյանը (չցանված) կարողացավ հաղթահարել միայն առաջին փուլը՝ պարտության մատնելով ամերիկացի Ամեր Դելիքին՝ 4-6, 6-7 (3), 6-2, 7-5:

Երկրորդ փուլում նա 3-6, 4-6, 6-4, 6-7 (6) զիջեց ամերիկացի Ջեյմս Բլեյքին:

Մրցաշարը կավարտվի հավանաբար երկուշաբթի օրը: