§Ð³ó³¹áõɦ ٳϳ·ñáõÃÛ³Ùµ ÃÇÏÝáóÝ»ñ ѳ·³Í г۳ëï³ÝÇ ùñ¹»ñÁ Ùdzó»É »Ý µáÕáùÇ ÙÇç³½·³ÛÇÝ ³ÏódzÛÇÝ:

Սեպտեմբերի 1-ին Հայաստանի քրդական համայնքի ներկայացուցիչները միացան աշխարհով մեկ ³Ïódzݻñ անցկացնող իրենց ազգակիցներին, որոնք բողոքում էին Քրդական աշխատանքային կուսակցության (ՔԱԿ) առաջնորդ կալանավայրում գտնվող Աբդուլա Օջալանի նկատմամբ ցուցաբերվող վերաբերմունքի դեմ:

Բողոքի ակցիաները տևելու են երեք ամիս: Օջալանի հետևորդները բողոքում են թուրք բժիշկների կողմից իրականացվող բուժման դեմ, որը նրանց կարծիքով սպառնում է Օջալանի կյանքին: Քրդերը պնդում են, որ բժիշկները Օջալանին տվել են դեղամիջոցներ, որոնցից նրա առողջական վիճակը վատթարացել է:

Հայաստանաբնակ 25 քրդեր միացել են բողոքի ակցիային՝ հացադուլ հայտարարելով երևանյան իրենց գրասենյակում «Մեր առաջնորդի ազատությունը մեր ազատությունն է» կարգախոսով:

52-ամյա Զաֆիկ Խոդոյանը թողել է Արմավիրի մարզի գյուղերից մեկում գտնվող իր տուն ու տեղը և միացել է Երևանի իր հացադուլավոր ընկերներին:

Սա Խոդոյանի երրորդ մասնակցությունն է նման ակցիայի: Քրդուհին հայտարարում է, որ նա և այլ կանայք պատրաստ են ցույցերի դուրս գալ այնքան, որքան անհրաժեշտ է:

«Մենք պարզապես ցանկանում ենք պաշտպանել մեր առաջնորդին: Մենք ցանկանում ենք պաշտպանել մեր իրավունքները», - ասում է քրդուհին:

ՔԱԿ-ի կովկասյան գրասենյակի տնօրեն Դենիս Բարանի հավաստմամբ Օջալանի վիճակը, որը գտնվում է Մարմարա ծովի Իմրալի կղզու բանտում, օրեցօր վատանում է:

54-ամյա քուրդ առաջնորդը բանտում է գտնվում 1999 թվականի փետրվարի 15-ից: Դատարանը նրան մեղավոր է ճանաչել մեջ ³Ñ³µ»ÏãáõÃÛ³Ý Ù»ç :

Իր փաստաբանների հետ վերջին հանդիպման ժամանակ Օջալանն ասել է, որ իրեն ներարկել են դեղամիջոցներ, որոնք պարունակում են կյանքին սպառանցող քիմիական բաղադրիչներ: Օջալանը պահանջել է, որ իր բժշկական ստուգմանը մասնակցեն անկախ միջազգային բժիշկներ:

«Մեր հիմնական նպատակն է ստիպել միջազգային կազմակերպություններին մասնագետների խումբ ուղարկել Օջալանի մոտ և դուրս հանել մեր առաջնորդին քաղաքական մեկուսացումից», - ասում է Բարանը, որը հացադուլավորներից մեկն է:

«Եթե Օջալանի առողջությունն ու բանտային պայմանները չբարելաíվեն, ապա հետևանքները կլինեն անկանխատեսելի», - հայտարարեց Բարանը:

Բացի այդ քրդերը պահանջում են, որ թուրքական իշխանությունները դադարեցնեն քուրդ ժողովրդի դեմ ուղղված հետապնդումները: ՔԱԿ-ը հայտարարում է, որ ևս երեք ամիս ժամանակ է տալու Թուրքիային քրդերի հետ բանակցություններ սկսելու համար: Քրդերն ասում են, որ եթե Թուրքիան չհամաձայնի, ապա իրենք պատերազմ են հայտարարելու Թուրքիային:

«Եթե քուրդ ժողովրդի պահանջները չբավարարվեն, ապա թուրքական կառավարությունը և թուրք ժողովուրդը կհայտնվեն շատ անբարենպաստ Çñ³íÇ׳ÏáõÙ: Քուրդ ժողովուրդը խաղաղություն է ուզում, սակայն մենք պատրաստ ենք պայքարի», - ասում է Բարանը:

Ամբողջ աշխարհում կա շուրջ 50 միլիոն քուրդ, որոնցից մոտ 40 հազարը բնակվում են Հայաստանում:

Երևանյան հացադուլի մասնակիցներն ասացին, որ նախատեսում էին անցկացնել իրենց բողոքի ակցիան Երևանի հրապարակներից մեկում, սակայն քաղաքապետարանը մերժել է իրենց դիմումը:

Քաղաքապետարանի աշխատակիցների հավաստմամբ ներկայումս ցույցի համար հարմար տեղ չկա, քանի որ ամենուր շինարարություն է ընթանում՝ այդ թվում Հանրապետության և Օպերայի հրապարակներում:

Օջալանի կողմնակիցները հայտարարում են, որ սեպտեմբերի 1-ից մինչև դեկտեմբերի 1-ը մի շարք ակցիաներ են անցկացնելու տարբեր վայրերում: