êñ³ÝóÇó Ù»Ïáí »ñâ»Ï»Éáõ ѳٳñ ë»åï»Ùµ»ñÇ Ù»ÏÇó å»ïù ¿ í׳ñ»É 10 ¹ñ³Ù ³í»É:

Ի լրումն խմելու ջրի, բնական գազի և հացի գների սպասվելիք աճին, բարձրացվեց նաև երևանյան մետրոյի փոխադրավարձը:

Սեպտեմբերից Կարեն Դեմիրճյանի անունը կրող
երևանյան մետրոյից օգտվողները վճարում են 50 դրամ (մոտ 10 սենթ)՝ 10 դրամáí ավելի, քան առաջ:

Նոր գների կիրառման օրը հրավիրված մամլո ասուլիսում Երևանի քաղաքապետ Երվանդ Զախարյանն ասաց, որ գնի այդ թեթևակի բարձրացումը միջոցներ կապահովի հասարակական տրանսպորտի վերանորոգման և բարելավման համար:

«Ես առաջարկում էի բարձրացնել գինը դեռևս 1998 թվականին, երբ զբաղեցնում էի տրանսպորտի և հաղորդակցությունների նախարարի պաշտոնը, - ասաց Զախարյանը: - Հույս ունեմ, որ մեր քաղաքացիների ճնշող մեծամասնության համար այս փոփոխությունն էական նշանակություն չի ունենա»:

Շարունակելով՝ քաղաքապետն ասաց, որ 10 դրամն այն գումարն է, որն առաջ «մնում էր գանձապահների գրպաններում»: 40-դրամանոց գոյություն չունի, և ըստ քաղաքապետի գանձապահները չեն վերադարձնում 50 դրամանոցի 10 դրամ մանրը:

Երևանի քաղաքապետարանի տրանսպորտի վարչության պաշտոնյաների հավաստմամբ երևանյան մետրոն, ինչպես և շատ այլ երկրներում, աշխատում է առանց շահույթի:

Երևանի մետրոն ունի մեկ գիծ, 10 կայարան և ձգվում է 12 կիլոմետր: ¶նացքները մեկնում են ամեն 5 րոպեն մեկ առավոտյան 60:30-ից մինչև գիշերվա 11-ը: Համակարգն ունի շուրջ 1200 աշխատակից, իսկ մեկ ուղևորի փոխադրման ծախսը կազմում է մոտ 120 դրամ:

Պաշտոնատար անձանց հավաստմամբ փոխադրավարձի թանկացումն իրականացվում է մի ծրագրի շրջանակներում, որը կոչված է լուծելու շատ տարբեր խնդիրներ՝ ինչպես շարժակազմի արդիականացումը, ապահովության բարձրացումը և երկաթուղային թունելների վերանորոգումը:

Պաշտոնատար անձանց հավաստմամբ 23 տարվա պատմություն ունեցող ստորգետնյա երկաթգծի արդիականացման համար անհրաժեշտ է 13 միլիոն դոլար: Այդ գումարը ներառում է նաև Հրազդան գետի մյուս ափին նոր կայանի կառուցումը՝ «Հրազդան» մարզադաշտի և Եղեռնի հուշարձանի մոտակայքում: