ÐáõëÇÏ ì³ñ¹³½³ñÛ³ÝÁ 30 ï³ñÇ ïñ³Ùí³Û ¿ í³ñ»É:

Հուլիսի 20-ին փակվեց Երևանի տրամվայի ցանցի համար 7 երթուղին, և այսպիսով մայրաքաղաքի մահացող տրանսպորտային ցանցում մնաց վերջին՝ համար 5 երթուղին:

Տրամվայը մուտք է գործել Երևան 1933 թվին: Տարիների ընթացքում բացվել են 4 գծուղիներ, որոնցից երկուսը փակվել են 2001 թ. դեկտեմբերին:

Հնաոճ այս հանրակառքերը, որոնք ծառայել են ավելի քան 70 տարի, քիչ-քիչ հանվում են շահագործումից, քանի որ պետությունն այլևս ի վիճակի չէ պահել դրանք և որովհետև բավարար չափով երաշխավորված չէ դրանցով երթևեկող ուղևորների ապահովությունը:

«Ի՞նչ իմաստ ունի պահպանել տրամվայները, եթե դրանք այդքան թանկ են», - հարցնում է տրանսպորտի վարչության պետ Արեգ Բարսեղյանը, որը նշում է բազմաթիվ գործոններ, որոնք տրամվայը մայրաքաղաքի համար դարձնում են ավելի շուտ հոգս, քան ծառայություն:

Սկսած 1998 թվից, երբ կառավարությունը դադարեցրեց էլեկտրատրանսպորտի ֆինանսական աջակցությունը, տրամվայներն ավելի շատ ծախսում են, քան եկամուտ են բերում:

Տրասպորտի վարչության վիճակագրությունը ցույց է տալիս, որ 2002 թվին տրամվայների բերած ընդհանուր եկամուտը կազմում է 103,9 միլիոն դրամ (մոտ 179000 դոլար), մինչդեռ միայն էլեկտրաէներգիայի ծախսը կազմում է 151,9 միլիոն դրամ ( մոտ 262000 դոլար):

Էլեկտրաէներգիայի ծախսին գումարվում են տրամվայների տեխնիկական սպասարկումն ու աշխատավարձերը՝ դարձնելով այս էկզոտիկ, բայց թանկ փոխադրամիջոցը ոչ պրակտիկ: Ծառայողներին չի վճարվել երեք ամսվա աշխատավարձ, իսկ ցանցի ընդհանուր պարտքը կազմում է 38 միլիոն դրամ (մոտ 65500 դոլար):

îñ³Ùí³ÛÝ»ñÝ ³ÛÉ¢ë ã»Ý í»ñ³¹³éݳ, ù³ÝÇ áñ ·Í»ñÁ ¹»ÙáÝï³ÅáõÙ »Ý:

Բարսեղյանի հավաստմամբ, համակարգի պահպանումը կպահանջեր դրա կապիտալ վերանորոգում: «Ոչ ոք նույնիսկ չի հաշվում, թե որքան է պահանջվում վերանորոգման համար, քանի որ տրամվայը ոչ մի դեպքում չի կարող եկամտաբեր բիզնես լինել»:

Վերջին լուրջ ներդրումը կատարվել է 17 տարի առաջ, երբ Երևանի քաղաքապետարանը ձեռք է բերել նոր տրամվայներ: Դրանից հետո իրականացվել է միայն թեթև արտաքին վերանորոգում, այն էլ տրամվայների վարորդների կողմից:

Պոկված նստարաններով, քայքայված հատակով և երբեմն առանց ապակիների երթևեկող հնամաշ տրամվայները հարմարավետության և ապահովության խնդիրներ են առաջ բերում: Եվ քանի որ ավելացել է ավտոմեքենաների և երթուղային տաքսիների քանակը, ավելացել է նաև վտանգը փողոցի մեջտեղում տրամվայից իջնող ուղևորների համար:

Սակայն չնայած տրամվայի հետ կապված բոլոր բարդություններին, դրանց փակումը ոմանց համար ողբերգություն է: Առաջին երեք գծերի փակման հետևանքով աշխատանքը կորցրած 200 ծառայողների հետ մեկտեղ, որոշ հավատարիմ ուղևորներ կորցնում են էժան (հաճախ էլ անվճար) փոխադրամիջոց:

40-ամյա գործազուրկ Մարգո ¶րիգորյանի համար տրամվայը միակ փոխադրամիջոցն էր Երևանում: «Ես խիստ վրդովված եմ, քանի որ տրամվայն էժան ու հարմար փոխադրամիջոց էր»:

Տրամվայի ստանդարտ փոխադրավարձը 40 դրամ է (մոտ 7 սենթ), մինչդեռ երթուղային տաքսիներինը՝ 100 դրամ: Սակայն 30 տարվա տրամվայի վարորդ Հուսիկ Վարդազարյանն ասում է, որ իր ուղևորների մեծ մասը թոշակառուներ, զինծառայողներ և ոստիկաններ են, որոնք երթևեկում են անվճար:

Մինչ համար 5 երթուղին ապրում է իր անորոշ ապագայի վերջին օրերը (կամ տարիները), իշխանությունները 2 անգամ ավելացրել են երթուղի դուրս եկող տրամվայների քանակը՝ հասցնելով 25-ի, ինչը լավ նորություն է ուղևորների համար, որոնք այժմ սպասում են ընդհամենը 4-5 րոպե, մինչդեռ առաջ ստիպված էին սպասել 2 անգամ ավելի:

ijٳݳÏÇÝ ïñ³Ùí³ÛÝ»ñÁ ºñ¢³ÝÇ ·áõݳ·»Õ å³ïÏ»ñÇ ÙÇ Ù³ëÝ ¿ÇÝ Ï³½ÙáõÙ, ÇëÏ ³ÛÅÙ ¹ñ³Ýù í»ñ³óÙ³Ý »½ñÇÝ »Ý

Սակայն այս լավ լուրը նշանակում է նոր հոգսեր տրամվայի վարորդների համար: Օրական նրանք պետք է 11000 դրամ (մոտ19 դոլար) տոմսերի վաճառքի պլան կատարեն: Տրամվայների քանակի ավելացումը դժվարացնում է պլանի կատարումը վարորդների համար:

Երբ համար 5 երթուղին, վերջիվերջո, դադարեցնի իր գործունեությունը (իսկ իշխանությունները դեռ չգիտեն, թե դա երբ կլինի), նախատեսվում է քաղաքում ավելացնել ավտոբուսների քանակը: Վերջերս սկսվեց 13 նոր ստացված ավտոբուսների գործարկումը (նվեր Լիոն քաղաքից): Եվս 12-ը պետք է միանան դրանց այս ամսվա վերջին:

Մինչ վարորդներից ոմանք շարունակում են հույսեր փայփայել, որ տրամվայների վերականգնման համար մի օր գումարներ կգտնվեն, գոնե զբոսաշրջիկների համար նախատեսված մի գծի համար, քաղաքապետարանը նրանց որևէ հույս չի թողնում. քանդվում-հանվում են նաև տրամվայի գծերը:

Իշխանություններն առաջարկել են վաճառել 1300 տոննա գծերը տոննան 80 դոլարով: Սակայն քանի որ տրամվայի գծերը շատ հին են, ոչ ոք դեռ ցանկություն չի հայտնել գնել դրանք: