Երեկ՝ օգոստոսի 14-ին, «Շիրակ»
և «Բանանց» ֆուտբոլային ակումբներն իրենց առաջին հանդիպումներն
անցկացրին ՈՒԵՖԱ-ի գավաթի խաղարկությունում:
«Շիրակի» համար արդյունքն աղետալի էր՝ 0-4, իսկ
«Բանանցը» խաղն ավարտեց ոչ-ոքի:
«Շիրակը» մեկնել էր Դանիա «Նորդսյալան» թիմի հետ
հանդիպելու համար: Տանտերերը շատ շուտ հաջողության
հասան, երբ 12-րդ րոպեին Դենիս Սվրենսենը խփեց իր
հեթ-թրիքի առաջին գոլը (մյուս երկուսը նա խփեց 45-րդ
և 48-րդ րոպեներին): Նրա թիմակից Դավիդ Ռասմուսենը
վերջակետ դրեց 54-րդ րոպեին:
Այս պարտությունը հաջորդ փուլ անցնելու շատ փոքր
հնարավորություն է թողնում «Շիրակին», քանի որ դրա
համար թիմը պետք է հաղթի առնվազն չորս գնդակի առավելությամբ
(և հաղթի լրացուցիչ ժամանակում կամ 11-մետրանոցներով),
երբ թիմերը նորից հանդիպեն օգոստոսի 28-ին «Շիրակի»
դաշտում:
«Բանանցի» 1-1 հաշվով ոչ-ոքին Թել Ավիվի «Հապոելի»
հետ լավ հնարավորություններ է պահպանում Երևանում
կայանալիք պատասխան խաղից առաջ:
Այն բանից հետո, երբ իսրայելցի Ռոզենը բացեց խաղի
հաշիվը 44-րդ րոպեին, Ամին Ռայանը «Բանանցից» հավասար»ցրեց
հաշիվը 72-րդ րոպեին:
Հաղթանակը կամ 0-0 հաշվով ոչ-ոքին դուրս կբերի
«Բանանցին» երկրորդ փուլ:
Copyright