ʳջñÇ µ³óÙ³Ý ³ñ³ñáÕáõÃÛáõÝÁ áÕçáõÝ»Éáõ ¿ 1326 ëÇñáÕ Ù³ñ½ÇÏÝ»ñÇ:

Հաշված ժամեր են մնացել, մինչև ¶առնիի հինավուրց հեթանոսական տաճարում կվառվի երրորդ Համահայկական խաղերի բացումը խորհրդանշող ջահը:

Ջահը կվառվի օգոստոսի 16-ի առավոտյան, և տասնյակ մարզիկներ, պատվո պահակախմբի ուղեկցությամբ, մեկը մյուսին փոխանցելով ջահը և կտրելով ավելի քան 20 կմ ճանապարհ, ¶առնիի տաճարից կհասցնեն այն Երևան:

Իսկ երեկոյան ժամը 8-ին հանդիսավոր արարողությամբ ջահը՝ Հայաստանի Հանրապետության և Համահայկական խաղերի օլիմպիական դրոշների հետ, մուտք կգործի Երևանի «Հրազդան» մարզադաշտ և իր փոքրիկ կրակով կբոցավառի մեծ ջահը՝ ազդարարելով ողջ աշխարհի հայության Երրորդ օլիմպիական խաղերի բացáõÙÁ:

Այս կապակցությամբ աշխարհի ավելի քան 75 քաղաքներից շուրջ 1326 սիրող մարզիկ-մարզուհիներ են ժամանել Հայաստան, որպեսզի մեկ շաբաթվա ընթացքում իրենց ուժերը չափեն ազգակից հակառակորդների հետ: ijٳݻÉáõ »Ý ݳև ßáõñç 5000 ÑÛáõñ»ñ:

1999 թվականին կայացած Համահայկական առաջին խաղերից հետո անցած չորս տարվա ընթացքում դրանք հասցրել են մեծ համբավ ձեռք բերել աշխարհով մեկ սփռված հայության շրջանում: Համահայկական երկրորդ խաղերն անցան 2001 թվականին` համընկնելով Հայաստանում քրիստոնեությունը պետական կրոն հռչակելու 1700-ամյակի հետ:

«Սա աշխարհի հայությանն իրենց երկրում համախմբելու ևս մի առիթ է, որպեսզի նրանք ավելի մոտիկից շփվեն միմյանց հետ ու ճանաչեն իրենց երկիրը», - ասում է 71-ամյա Աշոտ Մելիք-Շահնազարյանը, ում գաղափարով էլ կազմակերպվել են այս խաղերը:

Մելիք-Շահնազարյանը Հայաստանի դեսպանն է Մեքսիկայում և Կուբայում (նա իրականացնում է իր գործունեությունը Երևանում ՀՀ արտաքին գործերի նախարարությունում), ինչպես նաև Երրորդ համահայկական խաղերի համաշխարհային կոմիտեի (ՀԽՀԿ) փոխնախագահը: ՀԽՀԿ նախագահն արտգործնախարար Վարդան Օսկանյանն է:

«Թող հայերը գան և տեսնեն իրենց հայրենիքը, տեսնեն, որ այս երկիրն ապրում է, օրեցօր ծաղկում, որ այստեղ բավականին մեծ շինարարական աշխատանքներ են ընթանում, - ասում է Մելիք-Շահնազարյանը: - Նախորդ խաղերից հետո որոշվեց, որ այսուհետ այն կանցկացվի չորս տարին մեկ, սակայն բազմաթիվ խնդրանքներից հետո միայն այս անգամ խախտում ենք մեր որոշումը»:

Այս անգամ ինը մարզաձևերին` Ֆուտբոլ, մինի ֆուտբոլ, բասկետբոլ, վոլեյբոլ, թենիս, սեղանի թենիս, աթլետիկա, շախմատ և լող, ավելացել է ևս մեկը՝ բադմինտոնը:

Մրցումները տեղի կունենան Երևանի և մերձակա քաղաքների՝ Արտաշատի, Աբովյանի, Աշտարակի մարզահամալիրներում:

Խաղերի մամլո պատասխանատու Յուրի Ալեքսանյանի հավաստմամբ, խաղերը դատելու են հարուստ փորձ ունեցող դատավորներ (այս հարցը որոշակի մտահոգության տեղիք էր տվել անցյալ խաղերի ժամանակ): Նրա կարծիքով մասնակիցները նույնպես պետք է բարձրացնեն իրենց ելույթների մակարդակը:

¶»Õ³ñí»ëï³Ï³Ý ջϳí³ñ ²ßáõÕÛ³ÝÇ Ñ³í³ëïٳٵ µ³óûÃÛ³ ³ñ³ñáÕáõÃÛáõÝáõÙ Áݹ·ñÏí³Í »Ý ³í»ÉÇ ù³Ý 1000 Ù³ëݳÏÇóÝ»ñ:

«Խաղերում սպորտային մակարդակն այդքան էլ բարձր չէ, քանի որ հիմնականում մասնակիցները ոչ թե պրոֆեսիոնալներ են, այլ սիրողներ, որոնք գալիս են իրենց հայրենիքը տեսնելու, - ասում է նա, - սակայն մեր նպատակը նրանց առավել ոգևորելն է, որպեսզի պայքարի լարվածություն ստեղծվի, և նրանք իրոք պայքարեն իրենց միավորների համար»:

Խաղերը բարձր մակարդակով անցկացնելու նպատակով մարզադաշտերում և դահլիճներում մշտապես կհերթապահեն շտապ օգնության, անվտանգության, կապի և տրանսպորտի ծառայության աշխատակիցները: Մեծ ուշադրություն է դարձվել բացման և փակման արարողություններին, որոնք, ինչպես և նախորդ խաղերին, հագեցած են լինելու բազմաթիվ անակնկալներով:

«Մենք շատ ենք կարևորում բացման և փակման արարողությունները, ամեն անգամ նոր բեմադրություններ ենք ցուցադրում, որոնց մասնակցում են 1000-ից ավելի կատարողներ», - ասում է խաղերի հանդիսավոր բացման և փակման արարողությունների գեղարվեստական ղեկավար Հրաչյա Աշուղյանը:

Բացման արարողության հանդիսականներն ականատես կլինեն երեք հեթանոսական պատմական սյուժեներից բաղկացած ներկայացմանը, որը կկատարեն 60 մենապարողներ և շուրջ 700 պարողներից կազմված խմբերը: Այն բեմադրել են անվանի պարուսույցներ Նորայր Մեհրաբյանը և Վանուշ Խանամիրյանը երիտասարդ կոմպոզիտոր Վահե Հայրապետյանի «Ցայգալույս» օպերա-բալետի հիման վրա: Ներկայացման գլխավոր հերոսները հայ հեթանոսական յոթ աստվածներն են` Վահագնը, Տիրը, Անահիտը, Աստղիկը և այլն:

Դրան կհաջորդի գեղարվեստական մարմնամարզության, ակրոբատիկայի և ուշուի թատերականացված հանդեսը: Ոչ պակաս տեսարժան պետք է լինի նաև «Կակաչների պարը», երբ պարուհիները ծածկեն իրենց ալ զգեստներով մարզադաշտը՝ ստեղծելով ծաղիկներով ծածկված դաշտի տպավորություն:

Արարողությունը կավարտվի հռչակավոր հայ կոմպոզիտոր Արամ Խաչատրյանի ստեղծագործություններով՝ ի պատիվ անվանի կոմպոզիտորի 100-ամյակի: Ապա հանդիսությունները կզիջեն իրենց տեղը մրցումներին: