Անցյալ շաբաթ օրը Մոնակոյում մեկնարկեց ՊԹԱ Մոնտե-Կառլոյի «Մասթերզ սերիզ» մրցաշարը, որի մասնակիցների թվում էին Սարգիս Սարգսյանը և Դավիթ Նալբանդյանը:

Սարգսյանը ներկայացնում էր Հայաստանը, իսկ Նալբանդյանը՝ իր հայրենի Արգենտինան:

Նրանցից և ոչ մեկը հաջող հանդես չեկավ կավե ծածկույթի վրա: 64 մասնակից ունեցող մրցաշարի առաջին փուլում Սարգսյանը 0-6, 5-7 հաշվով պարտվեց իսպանացի Ֆելիքս Մանտիլյային (19-րդ տեղ):

Նալբանդյանը Մոնակոյում ցանվել էր 6-րդ համարի տակ և առաջին փուլում 6-4, 6-0 հաշվով հեշտ հաղթանակ տարավ ֆրանսիացի Ռիշար Գասկեի նկատմամբ (114-րդ տեղ):

Սակայն երկրորդ փուլում նա տանուլ տվեց՝ 2-6, 6-7 հաշվով զիջելով 160-րդ տեղում ընթացող Ֆիլիպո Վոլանդրիին Իտալիայից:

Սարգսյանը վաստակեց 7500 եվրո և մեկ միավոր, իսկ Նալբանդյանը՝ 15000 եվրո և 7 միավոր:

ՊԹԱ աղյուսակի առաջին տեղում ընթացող ամերիկահայ Անդրե Աղասին մրցաշարին չի մասնակցել: